헬라어 문장 검색 - Πλυταρ́Τηεμιστ́06́

(플루타르코스, Θεμιστοκλῆς, chapter 6)

ἤδη δὲ τοῦ Μήδου καταβαίνοντοσ ἐπὶ τὴν Ἑλλάδα καὶ τῶν Ἀθηναίων βουλευομένων περὶ στρατηγοῦ, τοὺσ μὲν ἄλλουσ ἑκόντασ ἐκστῆναι τῆσ στρατηγίασ λέγουσιν ἐκπεπληγμένουσ τὸν κίνδυνον, Ἐπικύδην δὲ τὸν Εὐφημίδου, δημαγωγὸν ὄντα δεινὸν μὲν εἰπεῖν, μαλακὸν δὲ τὴν ψυχὴν καὶ χρημάτων ἥττονα, τῆσ ἀρχῆσ ἐφίεσθαι καὶ κρατήσειν ἐπίδοξον εἶναι τῇ χειροτονίᾳ. τὸν οὖν Θεμιστοκλέα δείσαντα, μὴ τὰ πράγματα διαφθαρείη παντάπασι τῆσ ἡγεμονίασ εἰσ ἐκεῖνον ἐμπεσούσησ, χρήμασι τὴν φιλοτιμίαν ἐξωνήσασθαι παρὰ τοῦ Ἐπικύδουσ. ἐπαινεῖται δ’ αὐτοῦ καὶ τὸ περὶ τὸν δίγλωττον ἔργον ἐν τοῖσ πεμφθεῖσιν ὑπὸ βασιλέωσ ἐπὶ γῆσ καὶ ὕδατοσ αἴτησιν.

ἑρμηνέα γὰρ ὄντα συλλαβὼν διὰ ψηφίσματοσ ἀπέκτεινεν ὅτι φωνὴν Ἑλληνίδα βαρβάροισ προστάγμασιν ἐτόλμησε χρῆσαι. ἔτι δὲ καὶ τὸ περὶ Ἄρθμιον τὸν Ζελείτην·

Θεμιστοκλέουσ γὰρ εἰπόντοσ καὶ τοῦτον εἰσ τοὺσ ἀτίμουσ καὶ παῖδασ αὐτοῦ καὶ γένοσ ἐνέγραψαν, ὅτι τὸν ἐκ Μήδων χρυσὸν εἰσ τοὺσ Ἕλληνασ ἐκόμισε. μέγιστον δὲ πάντων τὸ καταλῦσαι τοὺσ Ἑλληνικοὺσ πολέμουσ καὶ διαλλάξαι τὰσ πόλεισ ἀλλήλαισ, πείσαντα τὰσ ἔχθρασ διὰ τὸν πόλεμον ἀναβαλέσθαι· πρὸσ ὃ καὶ Χείλεων τὸν Ἀρκάδα μάλιστα συναγωνίσασθαι λέγουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 6

(플루타르코스, Θεμιστοκλῆς, chapter 6)

상위

목록

SEARCH

MENU NAVIGATION