헬라어 문장 검색 - Παυσαν́Δεσξριπ́5́13́

(파우사니아스, Description of Greece, Ἠλιακῶν Α, chapter 13)

ἔστι δὲ ἐντὸσ τῆσ Ἄλτεωσ καὶ Πέλοπι ἀποτετμημένον τέμενοσ· ἡρώων δὲ τῶν ἐν Ὀλυμπίᾳ τοσοῦτον προτετιμημένοσ ἐστὶν ὁ Πέλοψ ὑπὸ Ἠλείων ὅσον Ζεὺσ θεῶν τῶν ἄλλων. ἔστιν οὖν τοῦ ναοῦ τοῦ Διὸσ κατὰ δεξιὰν τῆσ ἐσόδου πρὸσ ἄνεμον Βορέαν τὸ Πελόπιον, ἀφεστηκὸσ μὲν τοῦ ναοῦ τοσοῦτον ὡσ μεταξὺ καὶ ἀνδριάντασ καὶ ἀναθήματα ἄλλα ἀνακεῖσθαι, παρήκει δὲ ὡσ ἐπὶ τὸν ὀπισθόδομον ἀπὸ μέσου μάλιστα ἀρξάμενον τοῦ ναοῦ· καὶ λίθων τε θριγκῷ περιέχεται καὶ δένδρα ἐντὸσ πεφυκότα καὶ ἀνδριάντεσ εἰσὶν ἀνακείμενοι, ἔσοδοσ δὲ ἐσ αὐτὸ πρὸσ δυσμῶν ἐστιν ἡλίου. τοῦτο ἀπονεῖμαι τῷ Πέλοπι Ἡρακλῆσ ὁ Ἀμφιτρύωνοσ λέγεται·

τέταρτοσ γὰρ δὴ ἀπόγονοσ καὶ οὗτοσ ἦν Πέλοποσ, λέγεται δὲ καὶ ὡσ ἔθυσεν ἐσ τὸν βόθρον τῷ Πέλοπι. θύουσι δὲ αὐτῷ καὶ νῦν ἔτι οἱ κατὰ ἔτοσ τὰσ ἀρχὰσ ἔχοντεσ· τὸ δὲ ἱερεῖόν ἐστι κριὸσ μέλασ. ξυλεῖ.

ἔστι δὲ ὁ ξυλεὺσ ἐκ τῶν οἰκετῶν τοῦ Διόσ, ἔργον δὲ αὐτῷ πρόσκειται τὰ ἐσ τὰσ θυσίασ ξύλα τεταγμένου λήμματοσ καὶ πόλεσι παρέχειν καὶ ἀνδρὶ ἰδιώτῃ·

τὰ δὲ λεύκησ μόνησ ξύλα καὶ ἄλλου δένδρου ἐστὶν οὐδενόσ· ὃσ δ’ ἂν ἢ αὐτῶν Ἠλείων ἢ ξένων τοῦ θυομένου τῷ Πέλοπι ἱερείου φάγῃ τῶν κρεῶν, οὐκ ἔστιν οἱ ἐσελθεῖν παρὰ τὸν Δία. τὸ δὲ αὐτὸ καὶ ἐν τῇ Περγάμῳ τῇ ὑπὲρ ποταμοῦ Καί̈κου πεπόνθασιν οἱ τῷ Τηλέφῳ θύοντεσ· ἔστι γὰρ δὴ οὐδὲ τούτοισ ἀναβῆναι πρὸ λουτροῦ παρὰ τὸν Ἀσκληπιόν. λέγεται δὲ καὶ τοιοῦτον·

μηκυνομένου τοῦ πρὸσ Ἰλίῳ πολέμου <τοῖσ Ἕλλησιν,> προαγορεῦσαι δὲ αὐτοῖσ τοὺσ μάντεισ ὡσ αἱρήσουσιν οὐ πρότερον τὴν πόλιν, πρὶν ἂν τὰ Ἡρακλέουσ τόξα καὶ ὀστοῦν ἐπαγάγωνται Πέλοποσ. οὕτω δὴ μεταπέμψασθαι μὲν Φιλοκτήτην φασὶν αὐτοὺσ ἐσ τὸ στρατόπεδον, ἀχθῆναι δὲ καὶ τῶν ὀστῶν ὠμοπλάτην σφίσιν ἐκ Πίσησ τῶν Πέλοποσ· ὡσ δὲ οἴκαδε ἐκομίζοντο, ἀπόλλυται περὶ Εὔβοιαν καὶ ἡ ναῦσ ὑπὸ τοῦ χειμῶνοσ ἡ τὸ ὀστοῦν φέρουσα τὸ Πέλοποσ. ἔτεσι δὲ ὕστερον πολλοῖσ μετὰ ἅλωσιν Ἰλίου Δαμάρμενον ἁλιέα ἐξ Ἐρετρίασ ἀφέντα δίκτυον ἐσ θάλασσαν τὸ ὀστοῦν ἑλκύσαι, θαυμάσαντα δὲ αὐτοῦ τὸ μέγεθοσ ἔχειν ἀποκρύψαντα ὑπὸ τὴν ψάμμον.

τέλοσ δὲ αὐτὸν ἀφικέσθαι καὶ ἐσ Δελφούσ, ὅτου τε ἀνδρὸσ τὸ ὀστοῦν εἰή καὶ ὅ τι χρηστέον αὐτῷ διδαχθῆναι δεησόμενον. καί πωσ κατὰ πρόνοιαν τοῦ θεοῦ τηνικαῦτα <πρεσβεία> παρῆν Ἠλείων ἐπανόρθωμα αἰτούντων νόσου λοιμώδουσ·

ἀνεῖπεν οὖν σφισιν ἡ Πυθία, τοῖσ μὲν ἀνασώσασθαι Πέλοποσ τὰ ὀστᾶ, Δαμαρμένῳ δὲ ἀποδοῦναι τὰ εὑρημένα αὐτῷ Ἠλείοισ.

καί οἱ ταῦτα ποιήσαντι ἄλλα τε ἀντέδοσαν Ἠλεῖοι καὶ Δαμάρμενόν τε αὐτὸν καὶ ἀπογόνουσ τοὺσ ἐκείνου φύλακασ σφᾶσ εἶναι τοῦ ὀστοῦ. ἡ δὲ ὠμοπλάτη τοῦ Πέλοποσ ἠφάνιστο ἤδη κατ’ ἐμέ, ὅτι ἐμοὶ δοκεῖν ἐκέκρυπτο ἐπὶ πολὺ κατὰ τοῦ βυθοῦ καὶ ὁμοῦ τῷ χρόνῳ προσέκαμνεν οὐχ ἥκιστα ὑπὸ τῆσ θαλάσσησ. Πέλοποσ δὲ καὶ Ταντάλου τῆσ παρ’ ἡμῖν ἐνοικήσεωσ σημεῖα ἔτι καὶ ἐσ τόδε λείπεται, Ταντάλου μὲν λίμνη τε ἀπ’ αὐτοῦ καλουμένη καὶ οὐκ ἀφανὴσ τάφοσ, Πέλοποσ δὲ ἐν Σιπύλῳ μὲν θρόνοσ ἐν κορυφῇ τοῦ ὄρουσ ἐστὶν ὑπὲρ τῆσ Πλαστήνησ μητρὸσ τὸ ἱερόν, διαβάντι δὲ Ἕρμον ποταμὸν Ἀφροδίτησ ἄγαλμα ἐν Τήμνῳ πεποιημένον ἐκ μυρσίνησ τεθηλυίασ·

ἀναθεῖναι δὲ Πέλοπα αὐτὸ παρειλήφαμεν μνήμῃ, προϊλασκόμενόν τε τὴν θεὸν καὶ γενέσθαι οἱ τὸν γάμον τῆσ Ἱπποδαμείασ αἰτούμενον. ἔστι δὲ ὁ τοῦ Διὸσ τοῦ Ὀλυμπίου βωμὸσ ἴσον μὲν μάλιστα τοῦ Πελοπίου τε καὶ τοῦ ἱεροῦ τῆσ Ἥρασ ἀπέχων, προκείμενοσ μέντοι καὶ πρὸ ἀμφοτέρων·

κατασκευασθῆναι δὲ αὐτὸν οἱ μὲν ὑπὸ Ἡρακλέουσ τοῦ Ἰδαίου λέγουσιν, οἱ δὲ ὑπὸ ἡρώων τῶν ἐπιχωρίων γενεαῖσ δύο ὕστερον τοῦ Ἡρακλέουσ. πεποίηται δὲ ἱερείων τῶν θυομένων τῷ Διὶ ἀπὸ τῆσ τέφρασ τῶν μηρῶν, καθάπερ γε καὶ ἐν Περγάμῳ· Ἀθηναῖοι καλοῦσιν ἐσχάρασ.

τοῦ βωμοῦ δὲ τοῦ ἐν Ὀλυμπίᾳ κρηπῖδοσ μὲν τῆσ πρώτησ, προθύσεωσ καλουμένησ, πόδεσ πέντε καὶ εἴκοσι καὶ ἑκατόν ἐστι περίοδοσ, τοῦ δὲ ἐπὶ τῇ προθύσει περίμετροσ ἐπακτοῦ πόδεσ δύο καὶ τριάκοντα·

τὸ δὲ ὕψοσ τοῦ βωμοῦ τὸ σύμπαν ἐσ δύο καὶ εἴκοσιν ἀνήκει πόδασ. αὐτὰ μὲν δὴ τὰ ἱερεῖα ἐν μέρει τῷ κάτω, τῇ προθύσει, καθέστηκεν αὐτοῖσ θύειν· τοὺσ μηροὺσ δὲ ἀναφέροντεσ <ἐσ> τοῦ βωμοῦ τὸ ὑψηλέστατον καθαγίζουσιν ἐνταῦθα. ἀναβασμοὶ δὲ ἐσ μὲν τὴν πρόθυσιν ἀνάγουσιν ἐξ ἑκατέρασ τῆσ πλευρᾶσ λίθου πεποιημένοι·

τὸ δὲ ἀπὸ τῆσ προθύσεωσ ἐσ τὸ ἄνω τοῦ βωμοῦ τέφρασ παρέχεται <καὶ> ἀναβασμούσ. ἄχρι μὲν δὴ τῆσ προθύσεωσ ἔστιν ἀναβῆναι καὶ παρθένοισ καὶ ὡσαύτωσ γυναιξίν, ἐπειδὰν τῆσ Ὀλυμπίασ μὴ ἐξείργωνται· ἀπὸ τούτου δὲ ἐσ τὸ ἀνωτάτω τοῦ βωμοῦ μόνοισ ἔστιν ἀνδράσιν ἀνελθεῖν. θύεται δὲ τῷ Διὶ καὶ ἄνευ τῆσ πανηγύρεωσ ὑπό τε ἰδιωτῶν καὶ ἀνὰ πᾶσαν ἡμέραν ὑπὸ Ἠλείων. κατ’ ἔτοσ δὲ ἕκαστον φυλάξαντεσ οἱ μάντεισ τὴν ἐνάτην ἐπὶ δέκα τοῦ Ἐλαφίου μηνὸσ κομίζουσιν ἐκ τοῦ πρυτανείου τὴν τέφραν, φυράσαντεσ δὲ τῷ ὕδατι τοῦ Ἀλφειοῦ κονιῶσιν οὕτω τὸν βωμόν.

ὑπὸ δὲ ἄλλου τὴν τέφραν ὕδατοσ ποιηθῆναι πηλὸν οὐ μή ποτε ἐγγένηται· καὶ τοῦδε ἕνεκα ὁ Ἀλφειὸσ νενόμισται τῷ Ὀλυμπίῳ Διὶ ποταμῶν <δὴ> μάλιστα εἶναι φίλοσ. ἔστι δὲ καὶ ἐν Διδύμοισ τῶν Μιλησίων βωμόσ, ἐποιήθη δὲ ὑπὸ Ἡρακλέουσ τοῦ Θηβαίου, καθὰ οἱ Μιλήσιοι λέγουσιν, ἀπὸ τῶν ἱερείων τοῦ αἵματοσ· ἐσ δὲ τὰ ὕστερα τὸ αἷμα τῶν θυμάτων οὐκ ἐσ ὑπέρογκον ηὔξηκεν αὐτὸν μέγεθοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 13

(파우사니아스, Description of Greece, Ἠλιακῶν Α, chapter 13)

상위

목록

SEARCH

MENU NAVIGATION