헬라어 문장 검색 - Παυσαν́Δεσξριπ́5́11́

(파우사니아스, Description of Greece, Ἠλιακῶν Α, chapter 11)

καθέζεται μὲν δὴ ὁ θεὸσ ἐν θρόνῳ χρυσοῦ πεποιημένοσ καὶ ἐλέφαντοσ· στέφανοσ δὲ ἐπίκειταί οἱ τῇ κεφαλῇ μεμιμημένοσ ἐλαίασ κλῶνασ. ἐν μὲν δὴ τῇ δεξιᾷ φέρει Νίκην ἐξ ἐλέφαντοσ καὶ ταύτην καὶ χρυσοῦ, ταινίαν τε ἔχουσαν καὶ ἐπὶ τῇ κεφαλῇ στέφανον· τῇ δὲ ἀριστερᾷ τοῦ θεοῦ χειρὶ ἔνεστι σκῆπτρον μετάλλοισ τοῖσ πᾶσιν ἠνθισμένον, ὁ δὲ ὄρνισ ὁ ἐπὶ τῷ σκήπτρῳ καθήμενόσ ἐστιν ὁ ἀετόσ. χρυσοῦ δὲ καὶ τὰ ὑποδήματα τῷ θεῷ καὶ ἱμάτιον ὡσαύτωσ ἐστί· τῷ δὲ ἱματίῳ ζῴδιά τε καὶ τῶν ἀνθῶν τὰ κρίνα ἐστὶν ἐμπεποιημένα. ὁ δὲ θρόνοσ ποικίλοσ μὲν χρυσῷ καὶ λίθοισ, ποικίλοσ δὲ καὶ ἐβένῳ τε καὶ ἐλέφαντί ἐστι·

καὶ ζῷά τε ἐπ’ αὐτοῦ γραφῇ μεμιμημένα καὶ ἀγάλματά ἐστιν εἰργασμένα. σχῆμα κατὰ ἕκαστον τοῦ θρόνου τὸν πόδα, δύο δέ εἰσιν ἄλλαι πρὸσ ἑκάστου πέζῃ ποδόσ.

τῶν ποδῶν δὲ ἑκατέρῳ τῶν ἔμπροσθεν παῖδέσ τε ἐπίκεινται Θηβαίων ὑπὸ σφιγγῶν ἡρπασμένοι καὶ ὑπὸ τὰσ σφίγγασ Νιόβησ τοὺσ παῖδασ Ἀπόλλων κατατοξεύουσι καὶ Ἄρτεμισ. τῶν δὲ ἐκ τοῦ θρόνου μεταξὺ ποδῶν τέσσαρεσ κανόνεσ εἰσίν, <ἐκ> ποδὸσ ἐσ πόδα ἕτερον διήκων ἕκαστοσ.

τῷ μὲν δὴ κατ’ εὐθὺ τῆσ ἐσόδου κανόνι, ἑπτά ἐστιν ἀγάλματα ἐπ’ αὐτῷ, τὸ γὰρ ὄγδοον ἐξ αὐτῶν οὐκ ἴσασι τρόπον ὅντινα ἐγένετο ἀφανέσ· εἰή δ’ ἂν ἀγωνισμάτων ἀρχαίων ταῦτα μιμήματα, οὐ γάρ πω τὰ ἐσ τοὺσ παῖδασ ἐπὶ ἡλικίασ ἤδη καθειστήκει τῆσ Φειδίου. τὸν δὲ αὑτὸν ταινίᾳ τὴν κεφαλὴν ἀναδούμενον ἐοικέναι τὸ εἶδοσ Παντάρκει λέγουσι, μειράκιον δὲ Ἠλεῖον τὸν Παντάρκη παιδικὰ εἶναι τοῦ Φειδίου· ἀνείλετο δὲ καὶ ἐν παισὶν ὁ Παντάρκησ πάλησ νίκην Ὀλυμπιάδι ἕκτῃ πρὸσ ταῖσ ὀγδοήκοντα. ἐπὶ δὲ τῶν κανόνων τοῖσ λοιποῖσ ὁ λόχοσ ἐστὶν ὁ σὺν Ἡρακλεῖ μαχόμενοσ πρὸσ Ἀμαζόνασ·

ἀριθμὸσ μὲν δὴ συναμφοτέρων ἐσ ἐννέα ἐστὶ καὶ εἴκοσι, τέτακται δὲ καὶ Θησεὺσ ἐν τοῖσ συμμάχοισ τῷ Ἡρακλεῖ. ἀνέχουσι δὲ οὐχ οἱ πόδεσ μόνοι τὸν θρόνον, ἀλλὰ καὶ κίονεσ ἴσοι τοῖσ ποσὶ μεταξὺ ἑστηκότεσ τῶν ποδῶν. ὑπελθεῖν δὲ οὐχ οἱο͂́ν τέ ἐστιν ὑπὸ τὸν θρόνον, ὥσπερ γε καὶ ἐν Ἀμύκλαισ ἐσ τὰ ἐντὸσ τοῦ θρόνου παρερχόμεθα· ἐν Ὀλυμπίᾳ δὲ ἐρύματα τρόπον τοίχων πεποιημένα τὰ δὲ ἀπείργοντά ἐστι. ἐρυμάτων ὅσον μὲν ἀπαντικρὺ τῶν θυρῶν ἐστιν, ἀλήλιπται κυανῷ μόνον, τὰ δὲ λοιπὰ αὐτῶν παρέχεται Παναίνου γραφάσ.

ἐν δὲ αὐταῖσ ἔστι μὲν οὐρανὸν καὶ γῆν Ἄτλασ ἀνέχων, παρέστηκε δὲ καὶ Ἡρακλῆσ ἐκδέξασθαι τὸ ἄχθοσ ἐθέλων τοῦ Ἄτλαντοσ, ἔτι δὲ Θησεύσ τε καὶ Πειρίθουσ καὶ Ἑλλάσ τε καὶ Σαλαμὶσ ἔχουσα ἐν τῇ χειρὶ τὸν ἐπὶ ταῖσ ναυσὶν ἄκραισ ποιούμενον κόσμον, Ἡρακλέουσ τε τῶν ἀγωνισμάτων τὸ ἐσ τὸν λέοντα τὸν ἐν Νεμέᾳ καὶ τὸ ἐσ Κασσάνδραν παρανόμημα Αἰάντοσ, Ἱπποδάμειά τε ἡ Οἰνομάου σὺν τῇ μητρὶ καὶ Προμηθεὺσ ἔτι ἐχόμενοσ μὲν ὑπὸ τῶν δεσμῶν, Ἡρακλῆσ δὲ ἐσ αὐτὸν ἦρται· λέγεται γὰρ δὴ καὶ τόδε ἐσ τὸν Ἡρακλέα, ὡσ ἀποκτείναι μὲν τὸν ἀετὸν ὃσ ἐν τῷ Καυκάσῳ τὸν Προμηθέα ἐλύπει, ἐξέλοιτο δὲ καὶ αὐτὸν Προμηθέα ἐκ τῶν δεσμῶν.

τελευταῖα δὲ ἐν τῇ γραφῇ Πενθεσίλειά τε ἀφιεῖσα τὴν ψυχὴν καὶ Ἀχιλλεὺσ ἀνέχων ἐστὶν αὐτήν· καὶ Ἑσπερίδεσ δύο φέρουσι τὰ μῆλα ὧν ἐπιτετράφθαι λέγονται τὴν φρουράν. Πάναινοσ μὲν δὴ οὗτοσ ἀδελφόσ τε ἦν Φειδίου καὶ αὐτοῦ καὶ Ἀθήνῃσιν ἐν Ποικίλῃ τὸ Μαραθῶνι ἔργον ἐστὶ γεγραμμένον. ἐπὶ δὲ τοῖσ ἀνωτάτω τοῦ θρόνου πεποίηκεν ὁ Φειδίασ ὑπὲρ τὴν κεφαλὴν τοῦ ἀγάλματοσ τοῦτο μὲν Χάριτασ, τοῦτο δὲ Ὥρασ, τρεῖσ ἑκατέρασ.

εἶναι γὰρ θυγατέρασ Διὸσ καὶ ταύτασ ἐν ἔπεσίν ἐστιν εἰρημένα· Ὅμηροσ δὲ ἐν Ἰλιάδι ἐποίησε τὰσ Ὥρασ καὶ ἐπιτετράφθαι τὸν οὐρανὸν καθάπερ τινὰσ φύλακασ βασιλέωσ αὐλῆσ. λέοντάσ τε χρυσοῦσ καὶ Θησέωσ ἐπειργασμένην ἔχει μάχην τὴν πρὸσ Ἀμαζόνασ, τὸ Ἀθηναίων πρῶτον ἀνδραγάθημα ἐσ οὐχ ὁμοφύλουσ.

ἐπὶ δὲ τοῦ βάθρου <τοῦ> τὸν θρόνον τε ἀνέχοντοσ καὶ ὅσοσ ἄλλοσ κόσμοσ περὶ τὸν Δία, ἐπὶ τούτου τοῦ βάθρου χρυσᾶ ποιήματα, ἀναβεβηκὼσ ἐπὶ ἁρ́μα Ἤλιοσ καὶ Ζεύσ τέ ἐστι καὶ Ἥρα, <ἔτι δὲ Ἥφαιστοσ,> παρὰ δὲ αὐτὸν Χάρισ·

ταύτησ δὲ Ἑρμῆσ ἔχεται, τοῦ Ἑρμοῦ δὲ Ἑστία· μετὰ δὲ τὴν Ἑστίαν Ἔρωσ ἐστὶν ἐκ θαλάσσησ Ἀφροδίτην ἀνιοῦσαν ὑποδεχόμενοσ, τὴν δὲ Ἀφροδίτην στεφανοῖ Πειθώ· ἐπείργασται δὲ καὶ Ἀπόλλων σὺν Ἀρτέμιδι Ἀθηνᾶ τε καὶ Ἡρακλῆσ, καὶ ἤδη τοῦ βάθρου πρὸσ τῷ πέρατι Ἀμφιτρίτη καὶ Ποσειδῶν Σελήνη τε ἵππον ἐμοὶ δοκεῖν ἐλαύνουσα. τοῖσ δέ ἐστιν εἰρημένα ἐφ’ ἡμιόνου τὴν θεὸν ὀχεῖσθαι καὶ οὐχ ἵππου, καὶ λόγον γέ τινα ἐπὶ τῷ ἡμιόνῳ λέγουσιν εὐήθη. μέτρα δὲ τοῦ ἐν Ὀλυμπίᾳ Διὸσ ἐσ ὕψοσ τε καὶ εὖροσ ἐπιστάμενοσ γεγραμμένα οὐκ ἐν ἐπαίνῳ θήσομαι τοὺσ μετρήσαντασ, ἐπεὶ καὶ τὰ εἰρημένα αὐτοῖσ μέτρα πολύ τι ἀποδέοντά ἐστιν ἢ τοῖσ ἰδοῦσι παρέστηκεν ἐσ τὸ ἄγαλμα δόξα, ὅπου γε καὶ αὐτὸν τὸν θεὸν μάρτυρα ἐσ τοῦ Φειδίου τὴν τέχνην γενέσθαι λέγουσιν.

ὡσ γὰρ δὴ ἐκτετελεσμένον ἤδη τὸ ἄγαλμα ἦν, ηὔξατο ὁ Φειδίασ ἐπισημῆναι τὸν θεὸν εἰ τὸ ἔργον ἐστὶν αὐτῷ κατὰ γνώμην· αὐτίκα δ’ ἐσ τοῦτο τοῦ ἐδάφουσ κατασκῆψαι κεραυνόν φασιν, ἔνθα ὑδρία καὶ ἐσ ἐμὲ ἐπίθημα ἦν ἡ χαλκῆ. ὅσον δὲ τοῦ ἐδάφουσ ἐστὶν ἔμπροσθεν τοῦ ἀγάλματοσ, τοῦτο οὐ λευκῷ, μέλανι δὲ κατεσκεύασται τῷ λίθῳ·

περιθεῖ δὲ ἐν κύκλῳ τὸν μέλανα λίθου Παρίου κρηπίσ, ἔρυμα εἶναι τῷ ἐλαίῳ τῷ ἐκχεομένῳ.

ἔλαιον γὰρ τῷ ἀγάλματί ἐστιν ἐν Ὀλυμπίᾳ συμφέρον, καὶ ἔλαιόν ἐστι τὸ ἀπεῖργον μὴ γίνεσθαι τῷ ἐλέφαντι βλάβοσ διὰ τὸ ἑλῶδεσ τῆσ Ἄλτεωσ. ἐν ἀκροπόλει δὲ τῇ Ἀθηναίων τὴν καλουμένην Παρθένον οὐκ ἔλαιον, ὕδωρ δὲ τὸ ἐσ τὸν ἐλέφαντα ὠφελοῦν ἐστιν· ἅτε γὰρ αὐχμηρᾶσ τῆσ ἀκροπόλεωσ οὔσησ διὰ τὸ ἄγαν ὑψηλόν, τὸ ἄγαλμα ἐλέφαντοσ πεποιημένον ὕδωρ καὶ δρόσον τὴν ἀπὸ τοῦ ὕδατοσ ποθεῖ. ἐν Ἐπιδαύρῳ δὲ ἐρομένου μου καθ’ ἥντινα αἰτίαν οὔτε ὕδωρ τῷ Ἀσκληπιῷ σφισιν οὔτε ἔλαιόν ἐστιν ἐγχεόμενον, ἐδίδασκόν με οἱ περὶ τὸ ἱερὸν ὡσ καὶ τὸ ἄγαλμα τοῦ θεοῦ καὶ ὁ θρόνοσ ἐπὶ φρέατι εἰή πεποιημένα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 11

(파우사니아스, Description of Greece, Ἠλιακῶν Α, chapter 11)

상위

목록

SEARCH

MENU NAVIGATION