헬라어 문장 검색 - Παυσαν́Δεσξριπ́5́10́

(파우사니아스, Description of Greece, Ἠλιακῶν Α, chapter 10)

πολλὰ μὲν δὴ καὶ ἄλλα ἴδοι τισ ἂν ἐν Ἕλλησι, τὰ δὲ καὶ ἀκούσαι θαύματοσ ἄξια· μάλιστα δὲ τοῖσ Ἐλευσῖνι δρωμένοισ καὶ ἀγῶνι τῷ ἐν Ὀλυμπίᾳ μέτεστιν ἐκ θεοῦ φροντίδοσ.

τὸ δὲ ἄλσοσ τὸ ἱερὸν τοῦ Διὸσ παραποιήσαντεσ τὸ ὄνομα Ἄλτιν ἐκ παλαιοῦ καλοῦσι·

καὶ δὴ καὶ Πινδάρῳ ποιήσαντι ἐσ ἄνδρα Ὀλυμπιονίκην ᾆσμα Ἄλτισ ἐπωνόμασται τὸ χωρίον. ἐποιήθη δὲ ὁ ναὸσ καὶ τὸ ἄγαλμα τῷ Διὶ ἀπὸ λαφύρων, ἡνίκα Πίσαν οἱ Ἠλεῖοι καὶ ὅσον τῶν περιοίκων ἄλλο συναπέστη Πισαίοισ πολέμῳ καθεῖλον.

Φειδίαν δὲ τὸν ἐργασάμενον τὸ ἄγαλμα εἶναι καὶ ἐπίγραμμά ἐστιν ἐσ μαρτυρίαν ὑπὸ τοῦ Διὸσ γεγραμμένον τοῖσ ποσί· Φειδίασ Χαρμίδου υἱὸσ Ἀθηναῖόσ μ’ ἐποίησε. τοῦ ναοῦ δὲ Δώριοσ μέν ἐστιν ἡ ἐργασία, τὰ δὲ ἐκτὸσ περίστυλόσ ἐστι· πεποίηται δὲ ἐπιχωρίου πώρου.

ὕψοσ μὲν δὴ αὐτοῦ <τὸ> ἐσ τὸν ἀετὸν ἀνῆκον, εἰσίν οἱ ὀκτὼ πόδεσ καὶ ἑξήκοντα, εὖροσ δὲ πέντε καὶ ἐνενήκοντα, τὰ δὲ ἐσ μῆκοσ τριάκοντά τε καὶ διακόσιοι· τέκτων δὲ ἐγένετο αὐτοῦ Λίβων ἐπιχώριοσ. κέραμοσ δὲ οὐ γῆσ ὀπτῆσ ἐστιν, ἀλλὰ κεράμου τρόπον λίθοσ ὁ Πεντελῆσιν εἰργασμένοσ· τὸ δὲ εὑρ́ημα ἀνδρὸσ Ναξίου λέγουσιν εἶναι Βύζου, οὗ φασιν ἐν Νάξῳ τὰ ἀγάλματα ἐφ’ ὧν ἐπίγραμμα εἶναι Νάξιοσ Εὐέργόσ με γένει Λητοῦσ πόρε, Βύζεωπαῖσ, ὃσ πρώτιστοσ τεῦξε λίθου κέραμον. ἡλικίαν δὲ ὁ Βύζησ οὗτοσ κατὰ Ἀλυάττην <ἦν> τὸν Λυδὸν καὶ Ἀστυάγην τὸν Κυαξάρου βασιλεύοντα ἐν Μήδοισ. ἐν δὲ Ὀλυμπίᾳ λέβησ ἐπίχρυσοσ ἐπὶ ἑκάστῳ τοῦ ὀρόφου τῷ πέρατι ἐπίκειται καὶ Νίκη κατὰ μέσον μάλιστα ἕστηκε τὸν ἀετόν, ἐπίχρυσοσ καὶ αὕτη.

ὑπὸ δὲ τῆσ Νίκησ τὸ ἄγαλμα ἀσπὶσ ἀνάκειται χρυσῆ, Μέδουσαν τὴν Γοργόνα ἔχουσα ἐπειργασμένην.

τὸ ἐπίγραμμα δὲ τὸ ἐπὶ τῇ ἀσπίδι τούσ τε ἀναθέντασ δηλοῖ καὶ καθ’ ἥντινα αἰτίαν ἀνέθεσαν· λέγει γὰρ δὴ οὕτω· ναὸσ μὲν φιάλαν χρυσέαν ἔχει, ἐκ δὲ Τανάγραστοὶ Λακεδαιμόνιοι συμμαχία τ’ ἀν<έ>θενδῶρον ἀπ’ Ἀργείων καὶ Ἀθαναίων καὶ Ιὤνων,τὰν δεκάταν νίκασ εἵνεκα τῶ πολέμω. ταύτησ τῆσ μάχησ μνήμην καὶ ἐν τῇ Ἀτθίδι ἐποιησάμην συγγραφῇ, τὰ Ἀθήνῃσιν ἐπεξιὼν μνήματα. τοῦ δὲ ἐν Ὀλυμπίᾳ ναοῦ τῆσ ὑπὲρ τῶν κιόνων περιθεούσησ ζώνησ κατὰ τὸ ἐκτὸσ ἀσπίδεσ εἰσὶν ἐπίχρυσοι μία καὶ εἴκοσιν ἀριθμόν, ἀνάθημα στρατηγοῦ Ῥωμαίων Μομμίου κρατήσαντοσ Ἀχαιῶν πολέμῳ καὶ Κόρινθόν τε ἑλόντοσ καὶ Κορινθίουσ τοὺσ Δωριέασ ποιήσαντοσ ἀναστάτουσ.

τὰ δὲ ἐν τοῖσ ἀετοῖσ, ἔστιν ἔμπροσθεν Πέλοποσ ἡ πρὸσ Οἰνόμαον τῶν ἵππων ἅμιλλα ἔτι μέλλουσα καὶ τὸ ἔργον τοῦ δρόμου παρὰ ἀμφοτέρων ἐν παρασκευῇ.

Διὸσ δὲ ἀγάλματοσ κατὰ μέσον πεποιημένου μάλιστα τὸν ἀετόν, ἔστιν Οἰνόμαοσ ἐν δεξιᾷ τοῦ Διὸσ ἐπικείμενοσ κράνοσ τῇ κεφαλῇ, παρὰ δὲ αὐτὸν γυνὴ Στερόπη, θυγατέρων καὶ αὕτη τῶν Ἄτλαντοσ· Μυρτίλοσ δέ, ὃσ ἤλαυνε τῷ Οἰνομάῳ τὸ ἁρ́μα, κάθηται πρὸ τῶν ἵππων, οἱ δέ εἰσιν ἀριθμὸν οἱ ἵπποι τέσσαρεσ. μετὰ δὲ αὐτόν εἰσιν ἄνδρεσ δύο· ἔστι, θεραπεύειν δὲ ἄρα τοὺσ ἵππουσ καὶ τούτοισ προσετέτακτο ὑπὸ τοῦ Οἰνομάου.

πρὸσ αὐτῷ δὲ κατάκειται τῷ πέρατι Κλάδεοσ·

ἔχει δὲ καὶ ἐσ τὰ ἄλλα παρ’ Ἠλείων τιμὰσ ποταμῶν μάλιστα μετά γε Ἀλφειόν. τὰ δὲ ἐσ ἀριστερὰ ἀπὸ τοῦ Διὸσ ὁ Πέλοψ καὶ Ἱπποδάμεια καὶ ὅ τε ἡνίοχόσ ἐστι τοῦ Πέλοποσ καὶ ἵπποι δύο τε ἄνδρεσ, ἱπποκόμοι δὴ καὶ οὗτοι τῷ Πέλοπι. καὶ αὖθισ ὁ ἀετὸσ κάτεισιν ἐσ στενόν, καὶ κατὰ τοῦτο Ἀλφειὸσ ἐπ’ αὐτοῦ πεποίηται. τῷ δὲ ἀνδρὶ ὃσ ἡνιοχεῖ τῷ Πέλοπι λόγῳ μὲν τῷ Τροιζηνίων ἐστὶν ὄνομα Σφαῖροσ, ὁ δὲ ἐξηγητὴσ ἔφασκεν ὁ ἐν Ὀλυμπίᾳ Κίλλαν εἶναι. τὰ μὲν δὴ ἔμπροσθεν <ἐν> τοῖσ ἀετοῖσ ἐστι Παιωνίου, γένοσ ἐκ Μένδησ τῆσ Θρᾳκίασ, τὰ δὲ ὄπισθεν αὐτῶν Ἀλκαμένουσ, ἀνδρὸσ ἡλικίαν τε κατὰ Φειδίαν καὶ δευτερεῖα ἐνεγκαμένου σοφίασ ἐσ ποίησιν ἀγαλμάτων.

τὰ δὲ ἐν τοῖσ ἀετοῖσ ἐστιν αὐτῷ Λαπιθῶν ἐν τῷ Πειρίθου γάμῳ πρὸσ Κενταύρουσ ἡ μάχη. κατὰ μὲν δὴ τοῦ ἀετοῦ τὸ μέσον Πειρίθουσ ἐστίν· παρὰ δὲ αὐτὸν τῇ μὲν Εὐρυτίων ἡρπακὼσ τὴν γυναῖκά ἐστι τοῦ Πειρίθου καὶ ἀμύνων Καινεὺσ τῷ Πειρίθῳ, τῇ δὲ Θησεὺσ ἀμυνόμενοσ πελέκει τοὺσ Κενταύρουσ· Κένταυροσ δὲ ὁ μὲν παρθένον, ὁ δὲ παῖδα ἡρπακώσ ἐστιν ὡραῖον. ἐποίησε δὲ ἐμοὶ δοκεῖν ταῦτα ὁ Ἀλκαμένησ, Πειρίθουν τε εἶναι Διὸσ ἐν ἔπεσι τοῖσ Ὁμήρου δεδιδαγμένοσ καὶ Θησέα ἐπιστάμενοσ ὡσ εἰή τέταρτοσ <ἀπὸ> Πέλοποσ. ἔστι δὲ ἐν Ὀλυμπίᾳ καὶ Ἡρακλέουσ τὰ πολλὰ τῶν ἔργων.

ὑπὲρ μὲν τοῦ ναοῦ πεποίηται τῶν θυρῶν ἡ ἐξ Ἀρκαδίασ ἄγρα τοῦ ὑὸσ καὶ τὰ πρὸσ Διομήδην τὸν Θρᾷκα καὶ ἐν Ἐρυθείᾳ πρὸσ Γηρυόνην, καὶ Ἄτλαντόσ τε τὸ φόρημα ἐκδέχεσθαι μέλλων καὶ τῆσ κόπρου καθαίρων τὴν γῆν ἐστιν Ἠλείοισ· ὑπὲρ δὲ τοῦ ὀπισθοδόμου τῶν θυρῶν ὁ τοῦ ζωστῆροσ τὴν Ἀμαζόνα ἐστὶν ἀφαιρούμενοσ καὶ τὰ ἐσ τὴν ἔλαφον καὶ τὸν ἐν Κνωσσῷ ταῦρον καὶ ὄρνιθασ τὰσ ἐπὶ Στυμφήλῳ καὶ ἐσ ὕδραν τε καὶ τὸν ἐν τῇ γῇ τῇ Ἀργείᾳ λέοντα.

τὰσ θύρασ δὲ ἐσιόντι τὰσ χαλκᾶσ, ἔστιν ἐν δεξιᾷ πρὸ τοῦ κίονοσ Ἴφιτοσ ὑπὸ γυναικὸσ στεφανούμενοσ Ἐκεχειρίασ, ὡσ τὸ ἐλεγεῖον τὸ ἐπ’ αὐτοῖσ φησιν.

ἑστήκασι δὲ καὶ ἐντὸσ τοῦ ναοῦ κίονεσ, καὶ στοαί τε ἔνδον ὑπερῷοι καὶ πρόσοδοσ δι’ αὐτῶν ἐπὶ τὸ ἄγαλμά ἐστι. πεποίηται δὲ καὶ ἄνοδοσ ἐπὶ τὸν ὄροφον σκολιά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 10

(파우사니아스, Description of Greece, Ἠλιακῶν Α, chapter 10)

상위

목록

SEARCH

MENU NAVIGATION