헬라어 문장 검색 - ΑτηενάΤηεΔειπ

(아테나이오스, The Deipnosophists, Book 6, book 6, chapter 101)

σιωπήσαντοσ δ’ αὐτοῦ ὁ Μασσούριοσ ἔφη· "ἀλλ’ ἐπειδὴ ὑπολείπεταί τινα περὶ τοῦ ἀμφὶ τοὺσ οἰκέτασ λόγου συμβαλοῦμαί τι καὶ αὐτὸσ μέλοσ εἰσ ἔρωτα τῷ σοφῷ καὶ φιλτάτῳ Δημοκρίτῳ. Φίλιπποσ ὁ Θεαγγελεὺσ ἐν τῷ περὶ Καρῶν καὶ Λελέγων συγγράμματι καταλέξασ τοὺσ Λακεδαιμονίων εἵλωτασ καὶ τοὺσ Θετταλικοὺσ πενέστασ καὶ Κᾶράσ φησι τοῖσ Λέλεξιν ὡσ οἰκέταισ χρήσασθαι πάλαι τε καὶ νῦν. Φύλαρχοσ δ’ ἐν ἕκτῃ ἱστοριῶν καὶ Βυζαντίουσ φησὶν οὕτω Βιθυνῶν δεσπόσαι ὡσ Λακεδαιμονίουσ τῶν εἱλώτων, περὶ δὲ τῶν παρὰ Λακεδαιμονίοισ ἐπευνάκτων καλουμένων δοῦλοι δ’ εἰσὶ καὶ οὗτοι σαφῶσ ἐκτίθεται Θεόπομποσ διὰ τῆσ δευτέρασ καὶ τριακοστῆσ τῶν ἱστοριῶν λέγων οὕτωσ· "ἀποθανόντων πολλῶν Λακεδαιμονίων ἐν τῷ πρὸσ Μεσσηνίουσ πολέμῳ οἱ περιλειφθέντεσ εὐλαβηθέντεσ μὴ καταφανεῖσ γένωνται τοῖσ ἐχθροῖσ ἐρημωθέντεσ ἀνεβίβασαν τῶν εἱλώτων ἐφ’· "ἑκάστην στιβάδα τῶν τετελευτοκότων τινάσ· "οὓσ καὶ πολίτασ ὕστερον ποιήσαντεσ προσηγόρευσαν ἐπευνάκτουσ, ὅτι κατετάχθησαν ἀντὶ τῶν τετελευτηκότων εἰσ τὰσ στιβάδασ. "ὁ δ’ αὐτὸσ ἱστορεῖ κἀν τῇ τριακοστῇ καὶ τρίτῃ τῶν ἱστοριῶν παρὰ Σικυωνίοισ κατωνακοφόρουσ καλεῖσθαι δούλουσ τινὰσ παραπλησίουσ ὄντασ τοῖσ ἐπευνάκτοισ. "τὰ παραπλήσια ἱστορεῖ καὶ Μέναιχμοσ ἐν τοῖσ Σικυωνιακοῖσ. ἔτι Θεόπομποσ ἐν τῇ δευτέρᾳ τῶν Φιλιππικῶν Ἀρδιαίουσ φησὶ κεκτῆσθαι προσπελατῶν ὥσπερ εἱλώτων τριάκοντα μυριάδασ, οἱ δὲ μόθακεσ καλούμενοι παρὰ Λακεδαιμονίοισ ἐλεύθεροι μὲν εἰσιν, οὐ μὴν Λακεδαιμόνιοι, λέγει δὲ περὶ αὐτῶν Φύλαρχοσ ἐν τῇ πέμπτῃ καὶ εἰκοστῇ τῶν ἱστοριῶν οὕτωσ· "εἰσὶ δ’οἱ μόθακεσ σύντροφοι τῶν Λακεδαιμονίων ἕκαστοσ γὰρ τῶν πολιτικῶν παίδων, ὡσ ἂν καὶ τὰ ἴδια ἐκποιῶσιν, οἱ μὲν ἕνα, οἱ δὲ δύο, τινὲσ δὲ πλείουσ ποιοῦνται συντρόφουσ αὑτῶν, εἰσὶν οὖν οἱ μόθακεσ ἐλεύθεροι μὲν, οὐ μὴν Λακεδαιμόνιοί γε, μετέχουσιν δὲ τῆσ παιδείασ πάσησ, τούτων ἕνα φασὶ γενέσθαι καὶ Λύσανδρον τὸν καταναυμαχήσαντα τοὺσ Ἀθηναίουσ πολίτην γενόμενον δι’ ἀνδραγαθίαν. "Μύρων δὲ ὁ Πριηνεὺσ ἐν δευτέρῳ Μεσσηνιακῶν πολλάκισ, φησίν, ἠλευθέρωσαν Λακεδαιμόνιοι δούλουσ καὶ οὓσ μὲν ἀφέτασ ἐκάλεσαν, οὓσ δὲ ἀδεσπότουσ, οὓσ δὲ ἐρυκτῆρασ. ", δεσποσιοναύτασ δ’ ἄλλουσ, οὓσ εἰσ τοὺσ στόλουσ κατέτασσον, ἄλλουσ δὲ νεοδαμώδεισ, ἑτέρουσ ὄντασ τῶν εἱλώτων. "Θεόπομποσ δ’ ἐν ζ’ Ἑλληνικῶν περὶ τῶν εἱλώτων λέγων ὅτι καὶ ἑλεάται καλοῦνται γράφει οὕτωσ· "τὸ δὲ τῶν εἱλώτων ἔθνοσ παντάπασιν ὠμῶσ διάκειται καὶ πικρῶσ· "εἰσὶ γὰρ οὗτοι καταδεδουλωμένοι πολὺν ἤδη χρόνον ὑπὸ τῶν Σπαρτιατῶν, οἱ μὲν αὐτῶν ἐκ Μεσσήνησ ὄντεσ, οἱ δ’ ἑλεάται κατοικοῦντεσ πρότερον τὸ καλούμενον Ἕλοσ τῆσ Λακωνικῆσ. Τίμαιοσ δ’ ὁ Ταυρομενίτησ ἐκλαθόμενοσ αὑτοῦ ἐλέγχει δ’ αὐτὸν εἰσ τοῦτο Πολύβιοσ ὁ Μεγαλοπολίτησ διὰ τῆσ δωδεκάτησ τῶν ἱστοριῶν οὐκ εἶναι ἔφη σύνηθεσ τοῖσ Ἕλλησι δούλουσ κτᾶσθαι, αὐτὸσ εἰπὼν ὁ Ἐπιτίμαιοσ οὕτωσ δ’ αὐτὸν καλεῖ Ἴστροσ ὁ Καλλιμάχειοσ ἐν ταῖσ πρὸσ αὐτὸν ἀντιγραφαῖσ, εἰπὼν γὰρ ὅτι Μνάσων ὁ Φωκεὺσ πλείουσ ἐκέκτητο δούλουσ τῶν χιλίων κἀν τῇ τρίτῃ δὲ τῶν ἱστοριῶν ὁ Ἐπιτίμαιοσ ἔφη οὕτωσ εὐδαιμονῆσαι τὴν Κορινθίων πόλιν ὡσ κτήσασθαι δούλων μυριάδασ ἓξ καὶ τεσσαράκοντα· "δι’ ἃσ ἡγοῦμαι καὶ τὴν Πυθίαν αὐτοὺσ κεκληκέναι χοινικομέτρασ. "Κτησικλῆσ δ’ ἐν τρίτῃ Χρονικῶν κατὰ τὴν ἑπτακαιδεκάτην πρὸσ ταῖσ ἑκατόν φησιν ὀλυμπιάδα Ἀθήνησιν ἐξετασμὸν γενέσθαι ὑπὸ Δημητρίου τοῦ Φαληρέωσ τῶν κατοικούντων τὴν Ἀττικὴν καὶ εὑρεθῆναι Ἀθηναίουσ μὲν δισμυρίουσ πρὸσ τοῖσ χιλίοισ, μετοίκουσ δὲ μυρίουσ, οἰκετῶν δὲ μυριάδασ μ’. Νικίασ δ’ ὁ Νικηράτου, ὡσ ὁ καλὸσ ἔφη Ξενοφῶν ἐν τῷ περὶ πόρων, χιλίουσ ἔχων οἰκέτασ ἐμίσθωσεν αὐτοὺσ εἰσ τὰ ἀργυρεῖα Σωσίᾳ τῷ Θρᾳκὶ ἐφ’ ᾧ ὀβολὸν ἑκάστου, τελεῖν τῆσ ἡμέρασ. "Ἀριστοτέλησ δ’ ἐν Αἰγινητῶν πολιτείᾳ καὶ παρὰ τούτοισ φησὶ γενέσθαι ἑπτὰ καὶ τεσσαράκοντα μυριάδασ δούλων. "Ἀγαθαρχίδησ δ’ ὁ Κνίδιοσ ἐν τῇ ὀγδόῃ καὶ τριακοστῇ τῶν Εὐρωπιακῶν Δαρδανεῖσ φησι δούλουσ κεκτῆσθαι τὸν μὲν χιλίουσ, τὸν δὲ καὶ πλείουσ· "τούτων δ’ ἕκαστον ἐν μὲν εἰρήνῃ γεωργεῖν, ἐν πολέμῳ δὲ λοχίζεσθαι ἡγεμόνα νέμοντασ τὸν ἴδιον δεσπότην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 6, book 6, chapter 101

(아테나이오스, The Deipnosophists, Book 6, book 6, chapter 101)

상위

목록

SEARCH

MENU NAVIGATION