헬라어 텍스트

Athenaeus, The Deipnosophists, Book 6, book 6, chapter 7

(아테나이오스, The Deipnosophists, Book 6, book 6, chapter 7)

ὅτι δὲ καὶ νεκροὺσ πωλοῦσι τοὺσ ἰχθῦσ καὶ σεσηπότασ ἐπισημαίνεται ὁ Ἀντιφάνησ ἐν Μοιχοῖσ διὰ τούτων οὐκ ἔστιν οὐδὲν θηρίον τῶν ἰχθύων ἀτυχέστερον. τὸ μὴ γὰρ ἀποχρῆν ἀποθανεῖν αὐτοῖσ ἁλοῦσιν, εἶτα κατεδηδεσμένοισ εὐθὺσ ταφῆναι, παραδοθέντεσ ἄθλιοι τοῖσ ἰχθυοπώλαισ τοῖσ κακῶσ ἀπολουμένοισ σήπονθ’, ἑώλοι κείμενοι δύ’ ἡμέρασ ἢ τρεῖσ, μόλισ δ’ ἐὰν ποτ’ ὠνητὴν τυφλὸν λάβωσ1’, ἔδωκαν τῶν νεκρῶν ἀναίρεσιν τούτῳ· κομίσασ δ’ ἐξέβαλεν οἴκαδε, τὴν πεῖραν ἐν τῇ ῥινὶ τῆσ ὀδμῆσ λαβών. ἐν δὲ Φιλοθηβαίῳ φησὶν οὐ δεινὸν ἐστι, προσφάτουσ μὲν ἂν τύχῃ πωλῶν τισ ἰχθῦσ, συναγαγόντα τὰσ ὀφρῦσ τοῦτον σκυθρωπάζοντὰ θ’ ἡμῖν προσλαλεῖν, ἐὰν σαπροὺσ κομιδῇ δέ, παίζειν καὶ γελᾶν;

τοὐναντίον γὰρ πᾶν ἔδει τούτουσ ποιεῖν· τὸν μὲν γελᾶν, τὸν δ’ ἕτερον οἰμώζειν μακρά. ὅτι δὲ καὶ παμπόλλου πιπράσκουσιν Ἄλεξισ ἐν Πυλαίαισ φησὶν ι νὴ τὴν Ἀθηνᾶν, ἀλλ’ ἐγὼ τεθαύμακα τοὺσ ἰχθυοπώλασ, πῶσ ποτ’ οὐχὶ πλούσιοι ἅπαντέσ εἰσι λαμβάνοντεσ βασιλικοὺσ φόρουσ· β.

φόρουσ μόνον; οὐχὶ δεκατεύουσι γὰρ τὰσ οὐσίασ ἐν ταῖσ πόλεσι καθήμενοι, ὅλασ δ’ ἀφαιροῦνται καθ’ ἑκάστην ἡμέραν;