Epictetus, Works, book 3, Πρὸσ τοὺσ τὴν ἀπορίαν δεδοικότασ. 13:

οὕτωσ σὺ ζῆθι καὶ μὴ παύσῃ μηδέποτε, ὅστισ ὀνόματι μόνον πρὸσ φιλοσοφίαν προσῆλθεσ καὶ τὰ θεωρήματα αὐτῆσ ὅσον ἐπὶ σοὶ κατῄσχυνασ ἄχρηστα ἐπιδείξασ καὶ ἀνωφελῆ τοῖσ ἀναλαμβάνουσιν· οὐδέποτε δ’ εὐσταθείασ ὠρέχθησ, ἀταραξίασ, ἀπαθείασ· οὐδένα τούτου ἕνεκα ἐθεράπευσασ, συλλογισμῶν δ’ ἕνεκα πολλούσ· οὐδέποτε τούτων τινὰ τῶν φαντασιῶν διεβασάνισασ αὐτὸσ ἐπὶ σεαυτοῦ "δύναμαι φέρειν ἢ οὐ δύναμαι;