헬라어 문장 검색 - ΕπιξτέΩορκσ́05́25́

(에픽테토스, Works, book 3, Πρὸσ τοὺσ ἀποπίπτοντασ ὧν προέθεντο.)

Σκέψαι, ὧν προέθου ἀρχόμενοσ, τίνων μὲν ἐκράτησασ, τίνων δ’ οὔ, καὶ πῶσ ἐφ’ οἷσ μὲν εὐφραίνῃ ἀναμιμνῃσκόμενοσ, ἐφ’ οἷσ δ’ ἄχθῃ, καὶ εἰ δυνατόν, ἀνάλαβε κἀκεῖνα ὧν ἀπώλισθεσ. οὐ γὰρ ἀποκνητέον τὸν ἀγῶνα τὸν μέγιστον ἀγωνιζομένοισ, ἀλλὰ καὶ πληγὰσ ληπτέον·

οὐ γὰρ ὑπὲρ πάλησ καὶ παγκρατίου ὁ ἀγὼν πρόκειται, οὗ καὶ τυχόντι καὶ μὴ τυχόντι ἔξεστιν μὲν πλείστου ἀξίῳ, ἔξεστι δὲ ὀλίγου εἶναι καὶ νὴ Δία ἔξεστιν μὲν εὐτυχεστάτῳ, ἔξεστι δὲ κακοδαιμονεστάτῳ εἶναι, ἀλλ’ ὑπὲρ αὐτῆσ εὐτυχίασ καὶ εὐδαιμονίασ.

τί οὖν;

οὐδ’ ἂν ἀπαυδήσωμεν ἐνταῦθα, κωλύει τισ πάλιν ἀγωνίζεσθαι οὐδὲ δεῖ περιμεῖναι τετραετίαν ἄλλην, ἵν’ ἔλθῃ ἄλλα Ὀλύμπια, ἀλλ’ εὐθὺσ ἀναλαβόντι καὶ ἀνακτησαμένῳ ἑαυτὸν καὶ τὴν αὐτὴν εἰσφέροντι προθυμίαν ἔξεστιν ἀγωνίζεσθαι· κἂν πάλιν ἀπείπῃσ, πάλιν ἔξεστιν, κἂν ἅπαξ νικήσῃσ, ὅμοιοσ εἶ τῷ μηδέποτε ἀπειπόντι. μόνον μὴ ὑπὸ ἔθουσ τοῦ αὐτοῦ ἡδέωσ αὐτὸ ἄρξῃ ποιεῖν·

καὶ λοιπὸν ὡσ κακὸσ ἀθλητὴσ περιέρχῃ νικώμενοσ τὴν περίοδον ὅμοιοσ τοῖσ ἀποφυγοῦσιν ὄρτυξιν. 3ἡττᾷ με φαντασία παιδισκαρίου καλοῦ.

τί γάρ; πρῴην οὐχ ἡττήθην; "προθυμία μοι γίνεται ψέξαι τινά. πρῴην γὰρ οὐκ ἔψεξα; " οὕτωσ ἡμῖν λαλεῖσ ὡσ ἀζήμιοσ ἐξεληλυθώσ, οἱονεί τισ τῷ ἰατρῷ κωλύοντι λούσασθαι λέγοι "πρῴην γὰρ οὐκ ἐλουσάμην;

ἂν οὖν ὁ ἰατρὸσ αὐτῷ ἔχῃ λέγειν "ἄγε, λουσάμενοσ οὖν τί ἔπαθεσ; οὐκ ἐπύρεξασ; οὐκ ἐκεφαλάλγησασ;

καὶ σὺ ψέξασ πρῴην τινὰ οὐ κακοήθουσ ἔργον ἔπραξασ; οὐ φλυάρου; οὐκ ἔθρεψάσ σου τὴν ἕξιν ταύτην παραβάλλων αὐτῇ τὰ οἰκεῖα ἔργα; ἡττηθεὶσ δὲ τοῦ παιδισκαρίου ἀπῆλθεσ ἀζήμιοσ; τί οὖν τὰ πρῴην λέγεισ; ἔδει δ’ οἶμαι μεμνημένον, ὡσ οἱ δοῦλοι τῶν πληγῶν, ἀπέχεσθαι τῶν αὐτῶν ἁμαρτημάτων.

ἀλλ’ οὐχ ὅμοιον·

ἐνταῦθα μὲν γὰρ ὁ πόνοσ τὴν μνήμην ποιεῖ, ἐπὶ δὲ τῶν ἁμαρτημάτων ποῖοσ πόνοσ, ποία ζημία; πότε γὰρ εἰθίσθησ φεύγειν τὸ κακῶσ ἐνεργῆσαι;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 3, Πρὸσ τοὺσ ἀποπίπτοντασ ὧν προέθεντο.

(에픽테토스, Works, book 3, Πρὸσ τοὺσ ἀποπίπτοντασ ὧν προέθεντο.)

상위

목록

SEARCH

MENU NAVIGATION