Epictetus, Works, book 3, Πρὸσ τὸν διορθωτὴν τῶν ἐλευθέρων πόλεων Ἐπικούρειον ὄντα.

(에픽테토스, Works, book 3, Πρὸσ τὸν διορθωτὴν τῶν ἐλευθέρων πόλεων Ἐπικούρειον ὄντα.)

Τοῦ δὲ διορθωτοῦ εἰσελθόντοσ πρὸσ αὐτὸν ἦν δ’ οὗτοσ Ἐπικούρειοσ Ἄξιον, ἔφη, τοὺσ ἰδιώτασ ἡμᾶσ παρ’ ὑμῶν τῶν φιλοσόφων πυνθάνεσθαι, καθάπερ τοὺσ εἰσ ξένην πόλιν ἐλθόντασ παρὰ τῶν πολιτῶν καὶ εἰδότων, τί κράτιστόν ἐστιν ἐν κόσμῳ, ἵνα καὶ αὐτοὶ ἱστορήσαντεσ μετίωμεν, ὡσ ἐκεῖνοι τὰ ἐν ταῖσ πόλεσι, καὶ θεώμεθα. ὅτι μὲν γὰρ τρία ἐστὶ περὶ τὸν ἄνθρωπον, ψυχὴ καὶ σῶμα καὶ τὰ ἐκτόσ, σχεδὸν οὐδεὶσ ἀντιλέγει·

λοιπὸν ὑμέτερόν ἐστιν ἀποκρίνασθαι, τί ἐστι τὸ κράτιστον. τί ἐροῦμεν τοῖσ ἀνθρώποισ; τὴν σάρκα;

καὶ διὰ ταύτην Μάξιμοσ ἔπλευσεν μέχρι Κασσιόπησ χειμῶνοσ μετὰ τοῦ υἱοῦ προπέμπων, ἵν’ ἡσθῇ τῇ σαρκί; Ἀρνησαμένου δ’ ἐκείνου καὶ εἰπόντοσ Μὴ γένοιτο·

Οὐ προσήκει περὶ τὸ κράτιστον ἐσπουδακέναι; ‐ Πάντων μάλιστα προσήκει. ‐ Τί οὖν κρεῖσσον ἔχομεν τῆσ σαρκόσ; ‐ Τὴν ψυχήν, ἔφη. ‐ Ἀγαθὰ δὲ τὰ τοῦ κρατίστου κρείττονά ἐστιν ἢ τὰ τοῦ φαυλοτέρου; ‐ Τὰ τοῦ κρατίστου.

‐ Ψυχῆσ δὲ ἀγαθὰ πότερον προαιρετικά ἐστιν ἢ ἀπροαίρετα; ‐ Προαιρετικά. ‐ Προαιρετικὸν οὖν ἐστιν ἡ ἡδονὴ ἡ ψυχική; ‐ Ἔφη.

‐ Αὕτη δ’ ἐπὶ τίσιν γίνεται; πότερον ἐφ’ αὑτῇ; ἀλλ’ ἀδιανόητόν ἐστιν· προηγουμένην γάρ τινα ὑφεστάναι δεῖ οὐσίαν τοῦ ἀγαθοῦ, ἧσ τυγχάνοντεσ ἡσθησόμεθα κατὰ ψυχήν. ‐ Ὡμολόγει καὶ τοῦτο. ‐ Ἐπὶ τίνι οὖν ἡσθησόμεθα ταύτην τὴν ψυχικὴν ἡδονήν; εἰ γὰρ ἐπὶ τοῖσ ψυχικοῖσ ἀγαθοῖσ, εὑρ́ηται ἡ οὐσία τοῦ ἀγαθοῦ.

οὐ γὰρ δύναται ἄλλο μὲν εἶναι ἀγαθόν, ἄλλο δ’ ἐφ’ ᾧ εὐλόγωσ ἐπαιρόμεθα, οὐδὲ τοῦ προηγουμένου μὴ ὄντοσ ἀγαθοῦ τὸ ἐπιγέννημα ἀγαθὸν εἶναι. ἵνα γὰρ εὔλογον ᾖ τὸ ἐπιγέννημα, τὸ προηγούμενον δεῖ ἀγαθὸν εἶναι. ἀλλ’ οὐ μὴ εἴπητε φρένασ ἔχοντεσ·

ἀνακόλουθα γὰρ ἐρεῖτε καὶ Ἐπικούρῳ καὶ τοῖσ ἄλλοισ ὑμῶν δόγμασιν. ὑπολείπεται λοιπὸν ἐπὶ τοῖσ σωματικοῖσ ἥδεσθαι τὴν κατὰ ψυχὴν ἡδονήν·

πάλιν ἐκεῖνα γίνεται προηγούμενα καὶ οὐσία τοῦ ἀγαθοῦ. εἰ δι’ ἄλλο τι ἔπλευσεν ἢ διὰ τὴν σάρκα, τοῦτ’ ἔστι διὰ τὸ κράτιστον.

ἀφρόνωσ δὲ ποιεῖ καὶ εἰ ἀπέχεται τῶν ἀλλοτρίων δικαστὴσ ὢν καὶ δυνάμενοσ λαμβάνειν.

ἀλλ’ ἄν σοι δόξῃ, ἐκεῖνο μόνον σκεπτώμεθα, ἵνα κεκρυμμένωσ, ἵν’ ἀσφαλῶσ, ἵνα μή τισ γνῷ. τὸ γὰρ κλέψαι οὐδ’ αὐτὸσ Ἐπίκουροσ ἀποφαίνει κακόν, ἀλλὰ τὸ ἐμπεσεῖν·

καὶ ὅτι πίστιν περὶ τοῦ λαθεῖν λαβεῖν ἀδύνατον, διὰ τοῦτο λέγει " 3μὴ κλέπτετε". ἀλλ’ "ἐγώ σοι λέγω, ὅτι ἐὰν κομψῶσ καὶ περιεσταλμένωσ γίνηται, λησόμεθα"· εἶτα καὶ "φίλουσ ἐν τῇ Ῥώμῃ ἔχομεν δυνατοὺσ καὶ φίλ[ι]ασ" καὶ "οἱ Ἕλληνεσ ἀδρανεῖσ εἰσιν·

οὐδεὶσ τολμήσει ἀναβῆναι τούτου ἕνεκα" 3. τί ἀπέχῃ τοῦ ἰδίου ἀγαθοῦ; ἄφρον ἐστὶ τοῦτο, ἠλίθιόν ἐστιν.

ἀλλ’ οὐδ’ ἂν λέγῃσ μοι, ὅτι ἀπέχῃ, πιστεύσω σοι. ὡσ γὰρ ἀδύνατόν ἐστι τῷ ψευδεῖ φαινομένῳ συγκαταθέσθαι καὶ ἀπὸ τοῦ ἀληθοῦσ ἀπονεῦσαι, οὕτωσ ἀδύνατόν ἐστι τοῦ φαινομένου ἀγαθοῦ ἀποστῆναι.

ὁ πλοῦτοσ δ’ ἀγαθὸν καὶ οἱονανεὶ τὸ ποιητικώτατόν γε τῶν ἡδονῶν. διὰ τί μὴ περιποιήσῃ αὐτόν;

διὰ τί δὲ μὴ τὴν τοῦ γείτονοσ γυναῖκα διαφθείρωμεν, ἂν δυνώμεθα λαθεῖν, ἂν δὲ φλυαρῇ ὁ ἀνήρ, καὶ αὐτὸν προσεκτραχηλίσωμεν; εἰ θέλεισ εἶναι φιλόσοφοσ οἱο͂σ δεῖ, εἴ γε τέλειοσ, εἰ ἀκολουθῶν σου τοῖσ δόγμασιν·

εἰ δὲ μή, οὐδὲν διοίσεισ ἡμῶν τῶν λεγομένων Στωικῶν· καὶ αὐτοὶ γὰρ ἄλλα λέγομεν, ἄλλα δὲ ποιοῦμεν. ἡμεῖσ λέγομεν τὰ καλά, ποιοῦμεν τὰ αἰσχρά·

σὺ τὴν ἐναντίαν διαστροφὴν ἔσῃ διεστραμμένοσ δογματίζων τὰ αἰσχρά, ποιῶν τὰ καλά. Τὸν θεόν σοι, ἐπινοεῖσ Ἐπικουρείων πόλιν; "ἐγὼ οὐ γαμῶ.

ἃ Λακεδαιμόνιοι ἐπαιδεύοντο ἢ Ἀθηναῖοι; " "οὐδ’ ἐγώ· οὐ γὰρ γαμητέον. " ἀλλ’ οὐδὲ παιδοποιητέον, ἀλλ’ οὐδὲ πολιτευτέον. τί οὖν γένηται; πόθεν οἱ πολῖται; τίσ αὐτοὺσ παιδεύσει; τίσ ἐφήβαρχοσ, τίσ γυμνασίαρχοσ; τί δὲ καὶ παιδεύσει αὐτούσ; λάβε μοι νέον, ἄγαγε κατὰ τὰ δόγματά σου.

πονηρά ἐστι τὰ δόγματα, ἀνατρεπτικὰ πόλεωσ, λυμαντικὰ οἴκων, οὐδὲ γυναιξὶ πρέποντα. ἄφεσ ταῦτ’, ἄνθρωπε. ζῇσ ἐν ἡγεμονούσῃ πόλει·

ἄρχειν σε δεῖ, κρίνειν δικαίωσ, ἀπέχεσθαι τῶν ἀλλοτρίων, σοὶ καλὴν γυναῖκα φαίνεσθαι μηδεμίαν ἢ τὴν σήν, καλὸν παῖδα μηδένα, καλὸν ἀργύρωμα μηδέν, χρύσωμα μηδέν. ἀφ’ ὧν ὁρμώμενοσ ἡδέωσ ἀφέξῃ πραγμάτων οὕτωσ πιθανῶν πρὸσ τὸ ἀγαγεῖν καὶ νικῆσαι.

ἂν δὲ πρὸσ τῇ πιθανότητι τῇ ἐκείνων καὶ φιλοσοφίαν τινά ποτε ταύτην ἐξευρηκότεσ ὦμεν συνεπωθοῦσαν ἡμᾶσ ἐπ’ αὐτὰ καὶ ἐπιρρωννύουσαν, τί γένηται;

ἐν τορεύματι τί κράτιστόν ἐστιν, ὁ ἄργυροσ ἢ ἡ τέχνη;

χειρὸσ οὐσία μὲν ἡ σάρξ, προηγούμενα δὲ τὰ χειρὸσ ἔργα. οὐκοῦν καὶ καθήκοντα τρισσά·

τὰ μὲν πρὸσ τὸ εἶναι, τὰ δὲ πρὸσ τὸ ποιὰ εἶναι, τὰ δ’ αὐτὰ τὰ προηγούμενα. οὕτωσ καὶ ἀνθρώπου οὐ τὴν ὕλην δεῖ τιμᾶν, τὰ σαρκίδια, ἀλλὰ τὰ προηγούμενα. τίνα ἐστὶ ταῦτα;

πολιτεύεσθαι, γαμεῖν, παιδοποιεῖσθαι, θεὸν σέβειν, γονέων ἐπιμελεῖσθαι, καθόλου ὀρέγεσθαι, ἐκκλίνειν, ὁρμᾶν, ἀφορμᾶν, ὡσ ἕκαστον τούτων δεῖ ποιεῖν, ὡσ πεφύκαμεν. πεφύκαμεν δὲ πῶσ; ὡσ ἐλεύθεροι, ὡσ γενναῖοι, ὡσ αἰδήμονεσ.

ποῖον γὰρ ἄλλο ζῷον ἐρυθριᾷ, ποῖον αἰσχροῦ φαντασίαν λαμβάνει; τὴν ἡδονὴν δ’ ὑπόταξαι τούτοισ ὡσ διάκονον, ὡσ ὑπηρέτιν, ἵνα προθυμίασ ἐκκαλέσηται, ἵν’ ἐν τοῖσ κατὰ φύσιν ἔργοισ παρακρατῇ.

Ἀλλ’ ἐγὼ πλούσιόσ εἰμι καὶ οὐδενὸσ χρεία μοί ἐστιν. ‐ Τί οὖν ἔτι προσποιῇ φιλοσοφεῖν;

ἀρκεῖ τὰ χρυσώματα καὶ τὰ ἀργυρώματα· τί σοι χρεία δογμάτων; ‐ Ἀλλὰ καὶ κριτήσ εἰμι τῶν Ἑλλήνων.

‐ Οἶδασ κρίνειν; τί σε ἐποίησεν εἰδέναι; ‐ Καῖσάρ μοι κωδίκελλον ἔγραψεν. ‐ Γραψάτω σοι, ἵνα κρίνῃσ περὶ τῶν μουσικῶν· καὶ τί σοι ὄφελοσ; ὅμωσ δὲ πῶσ κριτὴσ ἐγένου;

τὴν τίνοσ χεῖρα καταφιλήσασ, τὴν Συμφόρου ἢ τὴν Νουμηνίου; τίνοσ πρὸ τοῦ κοιτῶνοσ κοιμηθείσ; τίνι πέμψασ δῶρα; εἶτα οὐκ αἰσθάνῃ, ὅτι τοσούτου ἄξιόν ἐστι κριτὴν εἶναι ὅσου Νουμήνιοσ; ‐ Ἀλλὰ δύναμαι ὃν θέλω εἰσ φυλακὴν βαλεῖν. ‐ Ὡσ λίθον.

‐ Ἀλλὰ δύναμαι ξυλοκοπῆσαι ὃν θέλω. ‐ Ὡσ ὄνον. οὐκ ἔστι τοῦτο ἀνθρώπων ἀρχή. ὡσ λογικῶν ἡμῶν ἄρξον δεικνὺσ ἡμῖν τὰ συμφέροντα καὶ ἀκολουθήσομεν·

δείκνυε τὰ ἀσύμφορα καὶ ἀποστραφησόμεθα. ζηλωτὰσ ἡμᾶσ κατασκεύασον σεαυτοῦ ὡσ Σωκράτησ ἑαυτοῦ.

ἐκεῖνοσ ἦν ὁ ὡσ ἀνθρώπων ἄρχων, ὁ κατεσκευακὼσ ὑποτεταχότασ αὐτῷ τὴν ὄρεξιν τὴν αὑτῶν, τὴν ἔκκλισιν, τὴν ὁρμήν, τὴν ἀφορμήν. "τοῦτο ποίησον, τοῦτο μὴ ποιήσῃσ·

εἰ δὲ μή, εἰσ φυλακήν σε βαλῶ. " οὐκέτι ὡσ λογικῶν ἡ ἀρχὴ γίνεται. ἀλλ’ "ὡσ ὁ Ζεὺσ διέταξεν, τοῦτο ποίησον·

ἂν δὲ μὴ ποιήσῃσ, ζημιωθήσῃ, βλαβήσῃ". ποίαν βλάβην; ἄλλην οὐδεμίαν, ἀλλὰ τὸ μὴ ποιῆσαι ἃ δεῖ· ἀπολέσεισ τὸν πιστόν, τὸν αἰδήμονα, τὸν κόσμιον. τούτων ἄλλασ βλάβασ μείζονασ μὴ ζήτει.

상위

Works

목록

일치하는 문장이 없습니다.

SEARCH

MENU NAVIGATION