헬라어 문장 검색 - ΕπιξτέΩορκσ́05́04́

(에픽테토스, Works, book 3, Πρὸσ τὸν ἀκόσμωσ ἐν θεάτρῳ σπουδάσαντα.)

Τοῦ δ’ ἐπιτρόπου τῆσ Ἠπείρου ἀκοσμότερον σπουδάσαντοσ κωμῳδῷ τινι καὶ ἐπὶ τούτῳ δημοσίᾳ λοιδορηθέντοσ, εἶτα ἑξῆσ ἀπαγγείλαντοσ πρὸσ αὐτόν, ὅτι ἐλοιδορήθη, καὶ ἀγανακτοῦντοσ πρὸσ τοὺσ λοιδορήσαντασ Καὶ τί κακόν, ἔφη, ἐποίουν; ἐσπούδαζον καὶ οὗτοι ὡσ καὶ σύ. εἰπόντοσ δ’ ἐκείνου Οὕτωσ οὖν τισ σπουδάζει;

Σέ, ἔφη, βλέποντεσ τὸν αὐτῶν ἄρχοντα, τοῦ Καίσαροσ φίλον καὶ ἐπίτροπον, οὕτωσ σπουδάζοντα οὐκ ἔμελλον καὶ αὐτοὶ οὕτωσ σπουδάζειν; εἰ γὰρ μὴ δεῖ οὕτωσ σπουδάζειν, μηδὲ σὺ σπούδαζε·

εἰ δὲ δεῖ, τί χαλεπαίνεισ, εἴ σε ἐμιμήσαντο; τίνασ γὰρ ἔχουσιν μιμήσασθαι οἱ πολλοὶ ἢ τοὺσ ὑπερέχοντασ ὑμᾶσ; εἰσ τίνασ ἀπίδωσιν ἐλθόντεσ εἰσ τὰ θέατρα ἢ ὑμᾶσ; "ὁρ́α πῶσ ὁ ἐπίτροποσ τοῦ Καίσαροσ θεωρεῖ·

κέκραγεν· κἀγὼ τοίνυν κραυγάσω. ἀναπηδᾷ· κἀγὼ ἀναπηδήσω. οἱ δοῦλοι αὐτοῦ διακάθηνται κραυγάζοντεσ· ἐγὼ δ’ οὐκ ἔχω δούλουσ· ἀντὶ πάντων αὐτὸσ ὅσον δύναμαι κραυγάσω. " εἰδέναι σε οὖν δεῖ, ὅταν εἰσέρχῃ εἰσ τὸ θέατρον, ὅτι κανὼν εἰσέρχῃ καὶ παράδειγμα τοῖσ ἄλλοισ, πῶσ αὐτοὺσ δεῖ θεωρεῖν.

τί οὖν σε ἐλοιδόρουν;

ὅτι πᾶσ ἄνθρωποσ μισεῖ τὸ ἐμποδίζον. ἐκεῖνοι στεφανωθῆναι ἤθελον τὸν δεῖνα, σὺ ἕτερον· ἐκεῖνοι σοὶ ἐνεπόδιζον καὶ σὺ ἐκείνοισ. σὺ εὑρίσκου ἰσχυρότεροσ· ἐκεῖνοι ὃ ἐδύναντο ἐποίουν, ἐλοιδόρουν τὸ ἐμποδίζον. τί οὖν θέλεισ;

ἵνα σὺ μὲν ποιῇσ ὃ θέλεισ, ἐκεῖνοι δὲ μηδ’ εἴπωσιν ἃ θέλουσιν; καὶ τί θαυμαστόν; οἱ γεωργοὶ τὸν Δία οὐ λοιδοροῦσιν, ὅταν ἐμποδίζωνται ὑπ’ αὐτοῦ; οἱ ναῦται οὐ λοιδοροῦσι; τὸν Καίσαρα παύονται λοιδοροῦντεσ; τί οὖν;

οὐ γιγνώσκει ὁ Ζεύσ; τῷ Καίσαρι οὐκ ἀπαγγέλλονται τὰ λεγόμενα; τί οὖν ποιεῖ; οἶδεν ὅτι, ἂν πάντασ τοὺσ λοιδοροῦντασ κολάζῃ, οὐχ ἕξει τίνων ἄρξει. τί οὖν;

ἔδει εἰσερχόμενον εἰσ τὸ θέατρον τοῦτο εἰπεῖν "ἄγε ἵνα Σώφρων στεφανωθῇ"; ἀλλ’ ἐκεῖνο "ἄγε ἵνα τηρήσω τὴν ἐμαυτοῦ προαίρεσιν ἐπὶ ταύτησ τῆσ ὕλησ κατὰ φύσιν ἔχουσαν" 3. ἐμοὶ παρ’ ἐμὲ φίλτεροσ οὐδείσ· γελοῖον οὖν, ἵν’ ἄλλοσ νικήσῃ κωμῳδῶν, ἐμὲ βλάπτεσθαι.

‐ Τίνα οὖν θέλω νικῆσαι;

‐ Τὸν νικῶντα· καὶ οὕτωσ ἀεὶ νικήσει, ὃν θέλω. ‐ Ἀλλὰ θέλω στεφανωθῆναι Σώφρονα. ‐ Ἐν οἴκῳ ὅσουσ θέλεισ ἀγῶνασ ἄγων ἀνακήρυξον αὐτὸν Νέμεα, Πύθια, Ἴσθμια, Ὀλύμπια· ἐν φανερῷ δὲ μὴ πλεονέκτει μηδ’ ὑφάρπαζε τὸ κοινόν. εἰ δὲ μή, ἀνέχου λοιδορούμενοσ· ὅταν ταὐτὰ ποιῇσ τοῖσ πολλοῖσ, εἰσ ἴσον ἐκείνοισ καθιστᾷσ σαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 3, Πρὸσ τὸν ἀκόσμωσ ἐν θεάτρῳ σπουδάσαντα.

(에픽테토스, Works, book 3, Πρὸσ τὸν ἀκόσμωσ ἐν θεάτρῳ σπουδάσαντα.)

상위

목록

SEARCH

MENU NAVIGATION