헬라어 문장 검색 - ΕπιξτέΩορκσ́05́21́

(에픽테토스, Works, book 3, Πρὸσ τοὺσ εὐκόλωσ ἐπὶ τὸ σοφιστεύειν ἐρχομένουσ.)

Ὅτι τὰ θεωρήματα ἀναλαβόντεσ ψιλὰ εὐθὺσ αὐτὰ ἐξεμέσαι θέλουσιν ὡσ οἱ στομαχικοὶ τὴν τροφήν. πρῶτον αὐτὸ πέψον, εἶθ’ οὕτω μὴ ἐξεμέσῃσ·

εἰ δὲ μή, ἔμετοσ τῷ ὄντι γίνεται, πρᾶγμ’ ἀκάθαρτον καὶ ἄβρωτον. ἀλλ’ ἀπ’ αὐτῶν ἀναδοθέντων δεῖξόν τινα ἡμῖν μεταβολὴν τοῦ ἡγεμονικοῦ τοῦ σεαυτοῦ, ὡσ οἱ ἀθληταὶ τοὺσ ὤμουσ, ἀφ’ ὧν ἐγυμνάσθησαν καὶ ἔφαγον, ὡσ οἱ τὰσ τέχνασ ἀναλαβόντεσ, ἀφ’ ὧν ἔμαθον.

οὐκ ἔρχεται ὁ τέκτων καὶ λέγει "ἀκούσατέ μου διαλεγομένου περὶ τῶν τεκτονικῶν", ἀλλ’ ἐκμισθωσάμενοσ οἰκίαν ταύτην κατασκευάσασ δείκνυσιν, ὅτι ἔχει τὴν τέχνην.

τοιοῦτόν τι καὶ σὺ ποίησον·

φάγε ὡσ ἄνθρωποσ, πίε ὡσ ἄνθρωποσ, κοσμήθητι, γάμησον, παιδοποίησον, πολίτευσαι· ἀνάσχου λοιδορίασ, ἔνεγκε ἀδελφὸν ἀγνώμονα, ἔνεγκε πατέρα, ἔνεγκε υἱόν, γείτονα, σύνοδον. ταῦτα ἡμῖν δεῖξον, ἵν’ ἴδωμεν, ὅτι μεμάθηκασ ταῖσ ἀληθείαισ τι τῶν φιλοσόφων.

οὔ· ἀλλ’ "ἐλθόντεσ ἀκούσατέ μου σχόλια λέγοντοσ". ὕπαγε, ζήτει τίνων κατεξεράσεισ. "καὶ μὴν ἐγὼ ὑμῖν ἐξηγήσομαι τὰ Χρυσίππεια ὡσ οὐδείσ, τὴν λέξιν διαλύσω καθαρώτατα, προσθήσω ἄν που καὶ Ἀντιπάτρου καὶ Ἀρχεδήμου φοράν.

Εἶτα τούτου ἕνεκα ἀπολίπωσιν οἱ νέοι τὰσ πατρίδασ καὶ τοὺσ γονεῖσ τοὺσ αὑτῶν, ἵν’ ἐλθόντεσ λεξείδιά σου ἐξηγουμένου ἀκούσωσιν;

οὐ δεῖ αὐτοὺσ ὑποστρέψαι ἀνεκτικούσ, συνεργητικούσ, ἀπαθεῖσ, ἀταράχουσ, ἔχοντάσ τι ἐφόδιον τοιοῦτον εἰσ τὸν βίον, ἀφ’ οὗ ὁρμώμενοι φέρειν δυνήσονται τὰ συμπίπτοντα καλῶσ καὶ κοσμεῖσθαι ὑπ’ αὐτῶν;

καὶ πόθεν σοι μεταδιδόναι τούτων ὧν οὐκ ἔχεισ;

αὐτὸσ γὰρ ἄλλο τι ἐποίησασ ἐξ ἀρχῆσ ἢ περὶ ταῦτα κατετρίβησ, πῶσ οἱ συλλογισμοὶ ἀναλυθήσονται, πῶσ οἱ μεταπίπτοντεσ, πῶσ οἱ τῷ ἠρωτῆσθαι περαίνοντεσ; 3ἀλλ’ ὁ δεῖνα σχολὴν ἔχει·

διὰ τί μὴ κἀγὼ σχῶ; οὐκ εἰκῇ ταῦτα γίνεται, ἀνδράποδον, οὐδ’ ὡσ ἔτυχεν, ἀλλὰ καὶ ἡλικίαν εἶναι δεῖ καὶ βίον καὶ θεὸν ἡγεμόνα. οὔ·

ἀλλ’ ἀπὸ λι[πο]μένοσ μὲν οὐδεὶσ ἀνάγεται μὴ θύσασ τοῖσ θεοῖσ καὶ παρακαλέσασ αὐτοὺσ βοηθοὺσ οὐδὲ σπείρουσιν ἄλλωσ οἱ ἄνθρωποι εἰ μὴ τὴν Δήμητρα ἐπικαλεσάμενοι· τηλικούτου δ’ ἔργου ἁψάμενόσ τισ ἄνευ θεῶν ἀσφαλῶσ ἅψεται καὶ οἱ τούτῳ προσιόντεσ εὐτυχῶσ προσελεύσονται; τί ἄλλο ποιεῖσ, ἄνθρωπε, ἢ τὰ μυστήρια ἐξορχῇ καὶ λέγεισ "οἴκημά ἐστι καὶ ἐν Ἐλευσῖνι, ἰδοὺ καὶ ἐνθάδε.

ἐκεῖ ἱεροφάντησ· καὶ ἐγὼ ποιήσω ἱεροφάντην. ἐκεῖ κήρυξ· κἀγὼ κήρυκα καταστήσω. ἐκεῖ δᾳδοῦχοσ· κἀγὼ δᾳδοῦχον. ἐκεῖ δᾷδεσ· καὶ ἐνθάδε. αἱ φωναὶ αἱ αὐταί· τὰ γινόμενα τί διαφέρει ταῦτα ἐκείνων" 3; ἀσεβέστατε ἄνθρωπε, οὐδὲν διαφέρει;

καὶ παρὰ τόπον ταῦτα ὠφελεῖ καὶ παρὰ καιρόν· καὶ μετὰ θυσίασ δὲ καὶ μετ’ εὐχῶν καὶ προηγνευκότα καὶ προδιακείμενον τῇ γνώμῃ, ὅτι ἱεροῖσ προσελεύσεται καὶ ἱεροῖσ παλαιοῖσ. οὕτωσ εἰσ φαντασίαν ἐρχόμεθα, ὅτι ἐπὶ παιδείᾳ καὶ ἐπανορθώσει τοῦ βίου κατεστάθη πάντα ταῦτα ὑπὸ τῶν παλαιῶν.

σὺ δ’ ἐξαγγέλλεισ αὐτὰ καὶ ἐξορχῇ παρὰ καιρόν, παρὰ τόπον, ἄνευ θυμάτων, ἄνευ ἁγνείασ·

οὐκ ἐσθῆτα ἔχεισ ἣν δεῖ τὸν ἱεροφάντην, οὐ κόμην, οὐ στρόφιον οἱο͂ν δεῖ, οὐ φωνήν, οὐχ ἡλικίαν, οὐχ ἥγνευκασ ὡσ ἐκεῖνοσ, ἀλλ’ αὐτὰσ μόνασ τὰσ φωνὰσ ἀνειληφὼσ λέγεισ. ἱεραί εἰσιν αἱ φωναὶ αὐταὶ καθ’ αὑτάσ; Ἄλλον τρόπον δεῖ ἐπὶ ταῦτα ἐλθεῖν· μέγα ἐστὶ τὸ πρᾶγμα, μυστικόν ἐστιν, οὐχ ὡσ ἔτυχεν οὐδὲ τῷ τυχόντι δεδομένον.

ἀλλ’ οὐδὲ σοφὸν εἶναι τυχὸν ἐξαρκεῖ πρὸσ τὸ ἐπιμεληθῆναι νέων·

ὡσ Σωκράτει συνεβούλευεν τὴν ἐλεγκτικὴν χώραν ἔχειν, ὡσ Διογένει τὴν βασιλικὴν καὶ ἐπιπληκτικήν, ὡσ Ζήνωνι τὴν διδασκαλικὴν καὶ δογματικήν.

σὺ δ’ ἰατρεῖον ἀνοίγεισ ἄλλο οὐδὲν ἔχων ἢ φάρμακα, ποῦ δὲ ἢ πῶσ ἐπιτίθεται ταῦτα, μήτε εἰδὼσ μήτε πολυπραγμονήσασ.

"ἰδοὺ ἐκεῖνοσ ταῦτα, κολλύρια·

κἀγὼ ἔχω. " μή τι οὖν καὶ τὴν δύναμιν τὴν χρηστικὴν αὐτοῖσ; μή τι οἶδασ καὶ πότε καὶ πῶσ ὠφελήσει καὶ τίνα; τί οὖν κυβεύεισ ἐν τοῖσ μεγίστοισ, τί ῥᾳδιουργεῖσ, τί ἐπιχειρεῖσ πράγματι μηδέν σοι προσήκοντι;

ἄφεσ αὐτὸ τοῖσ δυναμένοισ, τοῖσ κοσμοῦσι. μὴ προστρίβου καὶ αὐτὸσ αἶσχοσ φιλοσοφίᾳ διὰ σαυτοῦ, μηδὲ γίνου μέροσ τῶν διαβαλλόντων τὸ ἔργον. ἀλλὰ εἴ σε ψυχαγωγεῖ τὰ θεωρήματα, καθήμενοσ αὐτὰ στρέφε αὐτὸσ ἐπὶ σεαυτοῦ·

φιλόσοφον δὲ μηδέποτ’ εἴπῃσ σεαυτὸν μηδ’ ἄλλου ἀνάσχῃ λέγοντοσ, ἀλλὰ λέγε "πεπλάνηται· ἐγὼ γὰρ οὔτ’ ὀρέγομαι ἄλλωσ ἢ πρότερον οὐδ’ ὁρμῶ ἐπ’ ἄλλα οὐδὲ συγκατατίθεμαι ἄλλοισ οὐδ’ ὅλωσ ἐν χρήσει φαντασιῶν παρήλλαχά τι ἀπὸ τῆσ πρότερον καταστάσεωσ" 3. ταῦτα φρόνει καὶ λέγε περὶ σεαυτοῦ, εἰ θέλεισ τὰ κατ’ ἀξίαν φρονεῖν· εἰ δὲ μή, κύβευε καὶ ποίει ἃ ποιεῖσ.

ταῦτα γάρ σοι πρέπει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 3, Πρὸσ τοὺσ εὐκόλωσ ἐπὶ τὸ σοφιστεύειν ἐρχομένουσ.

(에픽테토스, Works, book 3, Πρὸσ τοὺσ εὐκόλωσ ἐπὶ τὸ σοφιστεύειν ἐρχομένουσ.)

상위

목록

SEARCH

MENU NAVIGATION