Epictetus, Works, book 3, Ὅτι ἀπὸ πάντων τῶν ἐκτὸσ ἔστιν ὠφελεῖσθαι.

(에픽테토스, Works, book 3, Ὅτι ἀπὸ πάντων τῶν ἐκτὸσ ἔστιν ὠφελεῖσθαι.)

Ἐπὶ τῶν θεωρητικῶν φαντασιῶν πάντεσ σχεδὸν τὸ ἀγαθὸν καὶ τὸ κακὸν ἐν ἡμῖν ἀπέλιπον, οὐχὶ δ’ ἐν τοῖσ ἐκτόσ. οὐδεὶσ λέγει ἀγαθὸν τὸ ἡμέραν εἶναι, κακὸν τὸ νύκτα εἶναι, μέγιστον δὲ κακῶν τὸ τρία τέσσαρα εἶναι.

ἀλλὰ τί; τὴν μὲν ἐπιστήμην ἀγαθόν, τὴν δ’ ἀπάτην κακόν, ὥστε καὶ περὶ αὐτὸ τὸ ψεῦδοσ ἀγαθὸν συνίστασθαι, τὴν ἐπιστήμην τοῦ ψεῦδοσ εἶναι αὐτό.

ἔδει οὖν οὕτωσ καὶ ἐπὶ τοῦ βίου.

ὑγεία ἀγαθόν, νόσοσ δὲ κακόν; οὔ, ἄνθρωπε. ἀλλὰ τί; τὸ καλῶσ ὑγιαίνειν ἀγαθόν, τὸ κακῶσ κακόν. ‐ Ὥστε καὶ ἀπὸ νόσου ἔστιν ὠφεληθῆναι; ‐ Τὸν θεόν σοι, ἀπὸ θανάτου γὰρ οὐκ ἔστιν; ἀπὸ π[λ]ηρώσεωσ γὰρ οὐκ ἔστιν, μικρά σοι δοκεῖ ὁ Μενοικεὺσ ὠφεληθῆναι, ὅτ’ ἀπέθνῃσκεν; ‐ Τοιαῦτά τισ εἰπὼν ὠφεληθείη [ἢ] οἱᾶ ἐκεῖνοσ ὠφελήθη.

‐ Εἄ, ἄνθρωπε, οὐκ ἐτήρησεν τὸν φιλόπατριν, τὸν μεγαλόφρονα, τὸν πιστόν, τὸν γενναῖον; ἐπιζήσασ δὲ οὐκ ἀπώλλυεν ταῦτα πάντα; οὐ περιεποιεῖτο τὰ ἐναντία;

τὸν δειλὸν οὐκ ἀνελάμβανεν, τὸν ἀγεννῆ, τὸν μισόπατριν, τὸν φιλόψυχον; ἄγε δοκεῖ σοι μικρὰ ὠφεληθῆναι ἀποθανών; οὔ·

ἀλλ’ ὁ τοῦ Ἀδμήτου πατὴρ μεγάλα ὠφελήθη ζήσασ οὕτωσ ἀγεννῶσ καὶ ἀθλίωσ; ὕστερον γὰρ οὐκ ἀπέθανεν;

παύσασθε, τοὺσ θεοὺσ ὑμῖν, τὰσ ὕλασ θαυμάζοντεσ, παύσασθ’ ἑαυτοὺσ δούλουσ ποιοῦντεσ πρῶτον τῶν πραγμάτων, εἶτα δι’ αὐτὰ καὶ τῶν ἀνθρώπων τῶν ταῦτα περιποιεῖν ἢ ἀφαιρεῖσθαι δυναμένων. Ἔστιν οὖν ἀπὸ τούτων ὠφεληθῆναι; ‐ Ἀπὸ πάντων.

‐ Καὶ ἀπὸ τοῦ λοιδοροῦντοσ; ‐ Τί δ’ ὠφελεῖ τὸν ἀθλητὴν ὁ προσγυμναζόμενοσ; τὰ μέγιστα. καὶ οὗτοσ ἐμοῦ προγυμναστὴσ γίνεται· τὸ ἀνεκτικόν μου γυμνάζει, τὸ ἀόργητον, τὸ πρᾷον. οὔ·

ἀλλ’ ὁ μὲν τοῦ τραχήλου καθάπτων καὶ τὴν ὀσφῦν μου καὶ τοὺσ ὤμουσ καταρτίζων ὠφελεῖ με καὶ ὁ ἀλείπτησ καλῶσ ποιῶν λέγει "ἆρον ὕπερον ἀμφοτέραισ" καὶ ὅσῳ βαρύτερόσ ἐστιν ἐκεῖνοσ, τοσούτῳ μᾶλλον ὠφελοῦμαι ἐγώ· εἰ δέ τισ πρὸσ ἀοργησίαν με γυμνάζει, οὐκ ὠφελεῖ με; τοῦτ’ ἔστι τὸ μὴ εἰδέναι ἀπ’ ἀνθρώπων ὠφελεῖσθαι.

κακὸσ γείτων; αὑτῷ· ἀλλ’ ἐμοὶ ἀγαθόσ· γυμνάζει μου τὸ εὔγνωμον, τὸ ἐπιεικέσ. κακὸσ πατήρ;

αὑτῷ· ἀλλ’ ἐμοὶ ἀγαθόσ. τοῦτ’ ἔστι τὸ τοῦ Ἑρμοῦ ῥαβδίον· "οὗ θέλεισ", φησίν, "ἅψαι καὶ χρυσοῦν ἔσται". οὔ· ἀλλ’ ὃ θέλεισ φέρε κἀγὼ αὐτὸ ἀγαθὸν ποιήσω. φέρε νόσον, φέρε θάνατον, φέρε ἀπορίαν, φέρε λοιδορίαν, δίκην τὴν περὶ τῶν ἐσχάτων· πάντα ταῦτα τῷ ῥαβδίῳ τοῦ Ἑρμοῦ ὠφέλιμα ἔσται. 3τὸν θάνατον τί ποιήσεισ;

τί γὰρ ἄλλο ἢ ἵνα σε κοσμήσῃ ἢ ἵνα δείξῃσ2[ε] ἔργῳ δι’ αὐτοῦ, τί ἐστιν ἄνθρωποσ τῷ βουλήματι τῆσ φύσεωσ παρακολουθῶν; "τὴν νόσον τί ποιήσεισ;

δείξω αὐτῆσ τὴν φύσιν, διαπρέψω ἐν αὐτῇ, εὐσταθήσω, εὐροήσω, τὸν ἰατρὸν οὐ κολακεύσω, οὐκ εὔξομαι ἀποθανεῖν. τί ἔτι ἄλλο ζητεῖσ;

πᾶν ὃ ἂν δῷσ, ἐγὼ αὐτὸ ποιήσω μακάριον, εὐδαιμονικόν, σεμνόν, ζηλωτόν. Οὔ· ἀλλὰ " 3βλέπε μὴ νοσήσῃσ· κακόν ἐστιν".

οἱο͂ν εἴ τισ ἔλεγεν "βλέπε μὴ λάβῃσ ποτὲ φαντασίαν τοῦ τὰ τρία τέσσαρα εἶναι· κακόν ἐστιν". ἄνθρωπε, πῶσ κακόν; ἂν ὃ δεῖ περὶ αὐτοῦ ὑπολάβω, πῶσ ἔτι με βλάψει; οὐχὶ δὲ μᾶλλον καὶ ὠφελήσει; ἂν οὖν περὶ πενίασ ὃ δεῖ ὑπολάβω, ἂν περὶ νόσου, ἂν περὶ ἀναρχίασ, οὐκ ἀρκεῖ μοι;

οὐκ ὠφέλιμα ἔσται; πῶσ οὖν ἔτι ἐν τοῖσ ἐκτὸσ τὰ κακὰ καὶ τἀγαθὰ δεῖ με ζητεῖν; ἀλλὰ τί;

ταῦτα μέχρι ὧδε, εἰσ οἶκον δ’ οὐδεὶσ ἀποφέρει· ἀλλ’ εὐθὺσ πρὸσ τὸ παιδάριον πόλεμοσ, πρὸσ τοὺσ γείτονασ, πρὸσ τοὺσ σκώψαντασ, πρὸσ τοὺσ καταγελάσαντασ. καλῶσ γένοιτο Λεσβίῳ, ὅτι με καθ’ ἡμέραν ἐξελέγχει μηδὲν εἰδότα.

상위

Works

목록

일치하는 문장이 없습니다.

SEARCH

MENU NAVIGATION