헬라어 문장 검색 - ΑτηενάΤηεΔειπ

(아테나이오스, The Deipnosophists, Book 15, book 15, chapter 18)

περὶ δὲ τοῦ Ναυκρατίτου στεφάνου τίσ ἐστι τὴν ἄνθην πολλὰ ἀναζητήσασ καὶ πολλῶν πυθόμενοσ, ὡσ οὐδὲν ἐμάνθανον, ἐνέτυχον ὀψέ ποτε Πολυχάρμου Ναυκρατίτου ἐπιγραφομένῳ βιβλίῳ Περὶ Ἀφροδίτησ, ἐν ᾧ ταυτὶ γέγραπται· "κατὰ δὲ τὴν τρίτην πρὸσ ταῖσ εἴκοσιν Ὀλυμπιάδα ὁ Ἡρόστρατοσ, πολίτησ ἡμέτεροσ ἐμπορίᾳ χρώμενοσ καὶ χώραν πολλὴν περιπλέων, προσσχών ποτε καὶ Πάφῳ τῆσ Κύπρου ἀγαλμάτιον Ἀφροδίτησ σπιθαμιαῖον, ἀρχαῖον τῇ τέχνῃ, ὠνησάμενοσ ᾔει φέρων εἰσ τὴν Ναύκρατιν. "καὶ αὐτῷ πλησίον φερομένῳ τῆσ Αἰγύπτου τῇ χειμὼν αἰφνίδιον ἐπέπεσεν καὶ συνιδεῖν οὐκ ἦν ὅπου γῆσ ἦσαν, κατέφυγον ἅπαντεσ ἐπὶ τὸ τῆσ Ἀφροδίτησ ἄγαλμα σῴζειν αὑτοὺσ αὐτὴν δεόμενοι. "ἡ δὲ θεὸσ προσφιλὴσ γὰρ τοῖσ Ναυκρατίταισ ἦν αἰφνίδιον ἐποίησε πάντα τὰ παρακείμενα αὐτῇ μυρρίνησ χλωρᾶσ πλήρη ὀδμῆσ τε ἡδίστησ ἐπλήρωσεν τὴν ναῦν ἤδη ἀπειρηκόσι τοῖσ ἐμπλέουσιν τὴν σωτηρίαν διὰ τὴν πολλὴν ναυτίαν γενομένου τε ἐμέτου πολλοῦ· "καὶ ἡλίου ἐκλάμψαντοσ κατιδόντεσ τοὺσ ὁρ́μουσ ἧκον εἰσ τὴν Ναύκρατιν. "καὶ ὁ Ἡρόστρατοσ ἐξορμήσασ τῆσ νεὼσ μετὰ τοῦ ἀγάλματοσ, ἔχων καὶ τὰσ αἰφνίδιον αὐτῷ ἀναφανείσασ χλωρὰσ μυρρίνασ, ἀνέθηκεν ἐν τῷ τῆσ Ἀφροδίτησ ἱερῷ · "θύσασ δὲ τῇ θεῷ καὶ ἀναθεὶσ τῇ Ἀφροδίτῃ τἄγαλμα,3 καλέσασ δὲ καὶ ἐφ’ ἑστίασιν ἐν αὐτῷ τῷ ἱερῷ τοὺσ προσήκοντασ καὶ τοὺσ οἰκειοτάτουσ ἔδωκεν ἑκάστῳ καὶ στέφανον ἐκ τῆσ μυρρίνησ, ὃν καὶ τότε ἐκάλεσε Ναυκρατίτην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 15, book 15, chapter 18

(아테나이오스, The Deipnosophists, Book 15, book 15, chapter 18)

상위

목록

SEARCH

MENU NAVIGATION