Athenaeus, The Deipnosophists, Book 15, book 15, chapter 5

(아테나이오스, The Deipnosophists, Book 15, book 15, chapter 5)

γὰρ δεῖ σφόδρα τὴν χεῖρα εὐρύθμωσ πέμπειν τὸν κότταβον, ὡσ Δικαίαρχόσ φησιν καὶ Πλάτων δ’ ἐν τῷ Διὶ Κακουμένῳ. παρακελεύεται δέ τισ τῷ Ἡρακλεῖ μὴ σκληρὰν ἔχειν τὴν χεῖρα μέλλοντα κοτταβίζειν. ἐκάλουν δ’ ἀπ’ ἀγκύλησ τὴν τοῦ κοττάβου πρόεσιν διὰ τὸ ἐπαγκυλοῦν τὴν δεξιὰν χεῖρα ἐν τοῖσ ἀποκοτταβισμοῖσ. οἱ δὲ ποτηρίου εἶδοσ τὴν ἀγκύλην φασί. Βακχυλίδησ ἐν Ἐρωτικοῖσ· εὖτε τὴν ἀπ’ ἀγκύλησ ἱήσι τοῖσδε τοῖσ νεανίαισ, λευκὸν ἀντείνασα πῆχυν. καὶ Αἰσχύλοσ δ’ ἐν Ὀστολόγοισ ἀγκυλητοὺσ λέγει κοττάβουσ διὰ τούτων Εὐρύμαχοσ, οὔ τισ ἄλλοσ,3 οὐδὲν ἥσσονασ ὕβριζ’ ὑβρισμοὺσ οὐκ ἐναισίουσ ἐμοί. ἦν μὲν γὰρ αὐτῷ σκοπὸσ ἀεὶ τοὐμὸν κάρα, τοῦ δ’ ἀγκυλητοὺσ κοσσάβουσ ἐπίσκοποσ % ἐκτεμὼν % ἡβῶσα χεὶρ ἐφίετο. ὅτι δὲ ἆθλον προὔκειτο τῷ εὖ προεμένῳ τὸν κότταβον προείρηκε μὲν καὶ ὁ Ἀντιφάνησ·

ᾠὰ γάρ ἐστι καὶ πεμμάτια καὶ τραγήματα. ὁμοίωσ δὲ διεξέρχονται Κηφισόδωροσ ἐν Τροφωνίῳ καὶ Καλλίασ ἢ Διοκλῆσ ἐν Κύκλωψι καὶ Εὔπολισ Ἕρμιππὸσ τε ἐν τοῖσ Ιἄμβοισ. τὸ δὲ καλούμενον κατακτὸν κοττάβιον τοιοῦτόν ἐστιν λυχνίον ἐστὶν ὑψηλόν, ἔχον τὸν μάνην καλούμενον, ἐφ’ ὃν τὴν καταβαλλομένην ἔδει πεσεῖν πλάστιγγα· "καί τισ ἦν ἀκριβὴσ εὐχέρεια τῆσ βολῆσ.

μνημονεύει δὲ τοῦ μάνου Νικοχάρησ ἐν Λάκωσιν.

일치하는 문장이 없습니다.

SEARCH

MENU NAVIGATION