헬라어 문장 검색 - ΑτηενάΤηεΔειπ

(아테나이오스, The Deipnosophists, Book 15, book 15, chapter 55)

καὶ ὁ Κύνουλκοσ· πολλοί τινεσ παρῳδιῶν ποιηταὶ γεγόνασιν, ὦ ἑταῖρε ἐνδοξότατοσ δ’ ἦν Εὔβοιοσ ὁ Πάριοσ, γενόμενοσ τοῖσ χρόνοισ κατὰ Φίλιππον. οὗτόσ ἐστιν ὁ καὶ Ἀθηναίοισ λοιδορησάμενοσ, καὶ σῴζεται αὐτοῦ τῶν παρῳδιῶν βιβλία τέσσαρα, μνημονεύει δ’ αὐτοῦ Τίμων ἐν τῷ πρώτῳ τῶν Σίλλων. Πολέμων δ’ ἐν τῷ δωδεκάτῳ τῶν πρὸσ Τίμαιον περὶ τῶν τὰσ παρῳδίασ γεγραφότων ἱστορῶν τάδε γράφει· · καὶ τὸν Βοιωτὸν δὲ καὶ τὸν Εὔβοιον τοὺσ τὰσ παρῳδίασ γράψαντασ λογίουσ ἂν φήσαιμι διὰ τὸ παίζειν ἀμφιδεξίωσ καὶ τῶν προγενεστέρων ποιητῶν ὑπερέχειν ἐπιγεγονότασ. εὑρετὴν μὲν οὖν τοῦ γένουσ Ἱππώνακτα φατέον τὸν ἰαμβοποιόν. λέγει γὰρ οὗτοσ ἐν τοῖσ ἑξαμέτροισ· Μοῦσά μοι Εὐρυμεδοντιάδεω τὴν ποντοχάρυβδιν,5 τὴν ἐγγαστριμάχαιραν,6 ὃσ ἐσθίει οὐ κατὰ κόσμον, ἔννεφ’, ὅπωσ ψηφῖδι κακὸσ κακὸν οἶτον ὄληται βουλῇ δημοσίῃ παρὰ θῖν’ ἁλὸσ ἀτρυγέτοιο.

κέχρηται δὲ καὶ Ἐπίχαρμοσ ὁ Συρακόσιοσ ἔν τισι τῶν δραμάτων ἐπ’ ὀλίγον καὶ Κρατῖνοσ ὁ τῆσ ἀρχαίασ κωμῳδίασ ποιητὴσ ἐν Εὐνείδαισ καὶ τῶν κατ’ αὐτὸν Ἡγήμων ὁ Θάσιοσ, ὃν ἐκάλουν Φακῆν. λέγει γὰρ οὕτωσ· ἐσ δὲ Θάσον μ’ ἐλθόντα μετεωρίζοντεσ ἔβαλλον πολλοῖσι σπελέθοισι,13 καὶ ὧδέ τισ εἶπε παραστάσ·

"ὦ πάντων ἀνδρῶν βδελυρώτατε, τίσ σ1’ ἀνέπεισε καλὴν ἐσ κρηπῖδα ποσὶν τοιοῖσδ’ ἀναβῆναι; τοῖσι δ’ ἐγὼ πᾶσιν μικρὸν μετὰ τοῦτ’ ἔποσ εἶπον μνῆ μ’ ἀνέπεισε γέροντα καὶ οὐκ ἐθέλοντ’ ἀναβῆναι καὶ σπάνισ, ἣ πολλοὺσ Θασίων εἰσ· ὁλκάδα βάλλει εὐκούρων βδελυρῶν, ὀλλύντων τ’ ὀλλυμένων τε ἀνδρῶν, οἳ νῦν κεῖθι κακῶσ κακὰ ῥαψῳδοῦσιν οἷσ καὶ ἐγὼ σίτοιο μέγα χρῄζων ἐπίθησα. αὖθισ δ’ οὐκ ἐπὶ κέρδοσ ἀπείσομαι,8 εἰσ Θασίουσ δὲ μηδένα πημαίνων κλυτὸν ἄργυρον ἐγγυαλίξω,11 μὴ τίσ μοι κατὰ οἶκον Ἀχαιϊάδων νεμεσήσῃ, πεσσομένησ ἀλόχου τὸν ἀχάϊνον ἄρτον ἀεικῶσ καί ποτέ τισ εἴπῃ σμικρὸν τυροῦντ’ ἐσιδοῦσα, ὦ φίλη, ὡνὴρ μὲν παρ’ Ἀθηναίοισιν ἀείσασ πεντήκοντ’ ἔλαβε δραχμάσ, σὺ δὲ μικρὸν ἐπέψω.

, ταῦτά μοι ὁρμαίνοντι παρίστατο Παλλὰσ Ἀθήνη, χρυσῆν ῥάβδον ἔχουσα, καὶ ἤλασεν εἶπέ τε φωνῇ·

"δεινὰ παθοῦσα, Φακῆ βδελυρά, χώρει ’σ τὸν ἀγῶνα.

καὶ τότε δὴ θάρσησα καὶ ἠείδον πολὺ μᾶλλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 15, book 15, chapter 55

(아테나이오스, The Deipnosophists, Book 15, book 15, chapter 55)

상위

목록

SEARCH

MENU NAVIGATION