헬라어 텍스트

Athenaeus, The Deipnosophists, Book 15, book 15, chapter 54

(아테나이오스, The Deipnosophists, Book 15, book 15, chapter 54)

καὶ μετὰ ταῦτα ἀποβλέψασ εἰσ αὐτὸν ἔφη· "ἀλλ’ ἐπειδή μοι ὀργίζῃ, ἔρχομαί σοι λέξων τὸν συρβηνέων χορὸν ὅστισ ἐστί. "οἰεί γάρ, ἔφη, κάθαρμα, θυμοῦσθαί με ἐφ’ οἷσ εἴρηκασ ἢ κἀπ’ ὀλίγον σου πεφροντικέναι, κύον ἀδδεέσ; "ἀλλ’ ἐπεὶ διδάσκειν μέ τι ἐπαγγέλλῃ,5 σπονδάσ σοι ποιοῦμαι οὐ τριακοντούτιδασ ἀλλ’ ἑκατοντούτιδασ. "σὺ δὲ μόνον δίδασκε τίσ ὁ συρβηνέων χορόσ. καὶ ὃσ· "Κλέαρχοσ, ὦ λῷστε, ἐν δευτέρῳ περὶ Παιδείασ οὑτωσί φησιν ’ λείπεταί ὁ συρβηνέων χορόσ, ὧν ἕκαστοσ τὸ δοκοῦν ἑαυτῷ κατᾴδει,1 προσέχων οὐδὲν τῷ προκαθημένῳ καὶ διδάσκοντι τὸν χορὸν ἀλλ’ αὐτὸσ πολὺ τούτων ἀτακτότερόσ ἐστιν ὁ θεατήσ, καὶ κατὰ τὸν παρῳδὸν Μάτρωνα· "οἱ μὲν γὰρ δὴ πάντεσ ὅσοι πάροσ ἦσαν ἄριστοι, Εὔβοιόσ τε καὶ Ἑρμογένησ δῖοί τε Φίλιπποι, οἱ μὲν δὴ τεθνᾶσι καὶ εἰν Αἴδαο δόμοισιν. "ἔστι δέ τισ Κλεόνικοσ, ὃν ἀθάνατον λάχε γῆρασ, οὔτε ποιητάων ἀδαήμων οὔτε θεάτρων, ᾧ καὶ τεθνειῶτι λαλεῖν πόρε Φερσεφόνεια` σὺ δὲ καὶ ζῶν, καλὲ Οὐλπιανέ, πάντα μὲν ζητεῖσ, λέγεισ δὲ οὐδὲ ἕν. καὶ ὅσ·