Athenaeus, The Deipnosophists, Book 15, book 15, chapter 44

(아테나이오스, The Deipnosophists, Book 15, book 15, chapter 44)

παμπόλλου δ’ ἐπιπράσκετο Ἀθήνησιν ἡ τοῦ μύρου κοτύλη, καὶ ὡσ μὲν Ἵππαρχόσ φησιν ἐν Παννυχίδι, ε’ μνῶν, ὡσ δὲ Μένανδροσ ἐν Μισογύνῃ, ι’ Ἀντιφάνησ δ’ ἐν Φρεαρρίῳ στακτῆσ τοῦ μύρου μνημονεύων φησίν στακτὴ δυοῖν μναῖν οὐκ ἀρέσκει μ’ οὐδαμῶσ. οὐ μόνον δὲ τὸ τῶν Σαρδιανῶν γένοσ φιλόμυρον ἦν, ὡσ Ἄλεξίσ φησιν ἐν Ἐκπωματοποιῷ· ἀεὶ φιλόμυρον πᾶν τὸ Σάρδεων γένοσ, ἀλλὰ καὶ αὐτοὶ οἱ Ἀθηναῖοι οἱ πάντων τῶν καλλίστων εἰσηγηταὶ τῷ τῶν ἀνθρώπων βίῳ γενόμενοι, παρ’ οἷσ ἀνυπερβλήτου τιμῆσ, ὡσ προείρηται, τῶν μύρων ὑπαρχούσησ οὐκ ἀπείχοντο τῆσ χρήσεωσ,1 ὥσπερ οὐδὲ ἡμεῖσ νῦν οὕτω πολυτίμων τῶν καλλίστων ὑπαρχόντων ὡσ λῆρον εἶναι τὰ ἐν τῷ Εἰσοικιζομένῳ Ἀλέξιδοσ ταυτί3, οὐ γὰρ ἐμυρίζετ’ ἐξ ἀλαβάστου, πρᾶγμά τι γινόμενον ἀεί, κρονικόν, ἀλλὰ τέτταρασ περιστερὰσ ἀφῆκεν ἀποβεβαμμένασ εἰσ οὐχὶ ταὐτόν, μὰ Δία, τὴν αὐτὴν μύρον, ἰδίᾳ ὁ δ’ ἑκάστην. πετόμεναι δ’ αὗται κύκλῳ ἔρραινον ἡμῶν θαἰμάτια καὶ στρώματα.

μή μοι φθονήσητ’, ἄνδρεσ Ἑλλήνων ἄκροι·

ἠλειφόμην ὑόμενοσ ἰρίνῳ μύρῳ.

일치하는 문장이 없습니다.

SEARCH

MENU NAVIGATION