호흡부호 보기
강세부호 보기
장단부호 보기
작은 Iota 보기
모든 부호 보기
ἐπὶ τούτοισ ὁ Οὐλπιανὸσ ᾔτει πιεῖν μεγάλῃ κύλικι, ἐπιλέγων ἐκ τῶν αὐτῶν ἐλεγείων καὶ τόδε· ὕμνουσ οἰνοχοεῖν ἐπιδέξια σοί τε καὶ ἡμῖν τόν τε σὸν ἀρχαῖον τηλεδαπόν τε φίλον εἰρεσίῃ γλώσσησ ἀποπέμψομεν εἰσ μέγαν αἶνον τοῦδ’ ἐπὶ συμποσίου· δεξιότησ τε λόγου Φαίακοσ Μουσῶν ἐρέτασ ἐπὶ σέλματα πέμπει. κατὰ γὰρ τὸν νεώτερον Κρατῖνον, ὃσ ἐν Ὀμφάλῃ φησὶν πίνειν μένοντα τὸν καλῶσ εὐδαίμονα κρεῖττον· μάχαι δ’ ἄλλοισι καὶ πόνοι μέλοι.
σὸν οὖν ἐστιν, ὦ μουσικώτατε, τὴν χιλιέτη μου ταύτην ζήτησιν ἀπολύσασθαι, Δημόκριτε, καὶ διά τί οἱ ἐρῶντεσ στεφανοῦσι τὰσ τῶν ἐρωμένων θύρασ. ‐ πρὸσ ὃν ὁ Κύνουλκοσ ἀεὶ τῷ Σύρῳ ἀντικορυσσόμενοσ καὶ οὐδέποτε τῆσ φιλονεικίασ παυόμενοσ ἧσ εἶχε πρὸσ αὐτόν, ἐπεὶ θόρυβοσ κατεῖχεν τὸ συμπόσιον, ἔφη· "τίσ οὗτοσ ὁ τῶν συρβηνέων χορόσ; "καὶ αὐτὸσ δὲ τούτων τῶν ἐπῶν μεμνημένοσ τινῶν ἐρῶ, ἵνα μὴ ὁ Οὐλπιανὸσ βρενθύηται ὡσ ἐκ τῶν ἀποθέτων τοῖσ Ὁμηρίδαισ μόνοσ ἀνασπάσασ τὰ κοττάβεια · "ἀγγελίασ ἀγαθῆσ δεῦρ’ ἴτε πευσόμενοι καὶ κυλίκων ἔριδασ διαλύσατε καὶ κατάθεσθε τὴν ξύνεσιν παρ’ ἐμοὶ καὶ τάδε μανθάνετε, εἰσ τὴν παροῦσαν ζήτησιν ἐπιτήδεια ὄντα. "ὁρῶ γὰρ καὶ τοὺσ παῖδασ ἤδη φέροντασ ἡμῖν στεφάνουσ καὶ μύρα. "διὰ τί δὲ λέγονται, τῶν ἐστεφανωμένων ἐὰν λύωνται οἱ στέφανοι, ὅτι ἐρῶσιν; "τοῦτο γὰρ ἐν παισὶ τὰ Καλλιμάχου ἀναγινώσκων ἐπιγράμματα, ὧν ἐστι καὶ τοῦτο, ἐπεζήτουν μαθεῖν, εἰπόντοσ τοῦ Κυρηναίου· "τὰ δὲ ῥόδα φυλλοβολεῦντα τὠνδρὸσ ἀπὸ στεφάνων πάντ’ ἐγένοντο χαμαί.
호흡부호 보기
강세부호 보기
장단부호 보기
작은 Iota 보기
모든 부호 보기