헬라어 문장 검색 - ΑτηενάΤηεΔειπ

(아테나이오스, The Deipnosophists, Book 15, book 15, chapter 33)

ἡ δὲ τῶν στεφάνων καὶ μύρων πρότερον εἴσοδοσ εἰσ τὰ συμπόσια ἡγεῖτο τῆσ δευτέρασ τραπέζησ, ὡσ παρίστησι Νικόστρατοσ ἐν Ψευδοστιγματίᾳ διὰ τούτων. καὶ σὺ μὲν τὴν δευτέραν τράπεζαν εὐτρεπῆ ποίει, κόσμησον αὐτὴν παντοδαποῖσ τραγήμασιν, μύρον, στεφάνουσ, λιβανωτόν, αὐλητρίδα λαβέ. Φιλόξενοσ δ’ ὁ διθυραμβοποιὸσ ἐν τῷ ἐπιγραφομένῳ Δείπνῳ ἀρχὴν ποιεῖται τὸν στέφανον τῆσ εὐωχίασ οὑτωσὶ λέγων κατὰ χειρὸσ δ’ ἤλυθ’ ὕδωρ· ἁπαλὸσ παιδίσκοσ ἐν ἀργυρέᾳ φέρων προχόῳ ἐπέχευεν. εἶτ’ ἔφερεν στέφανον λεπτᾶσ ἀπὸ μυρτίδοσ εὐγνήτων κλάδων δισύναπτον. Εὔβουλοσ Τιτθαῖσ·

ὡσ γὰρ εἰσῆλθε τὰ γερόντια τότ’ εἰσ δόμουσ, εὐθὺσ ἀνεκλίνετο· παρῆν στέφανοσ ἐν τάχει, ᾔρετο τράπεζα, παρέκειθ’ ἅμα τετριμμένη μᾶζα χαριτοβλέφαροσ. τοῦτο δ’ ἦν ἔθοσ καὶ παρ’ Αἰγυπτίοισ, ὡσ Νικόστρατόσ φησιν ἐν Τοκιστῇ. Αἰγύπτιον γὰρ ὑποστησάμενοσ τὸν τοκιστήν φησιν καταλαμβάνομεν τὸν πορνοβοσκὸν καὶ δύο ἑτέρουσ κατὰ χειρὸσ ἀρτίωσ εἰληφότασ καὶ στέφανον. β.

εἰε͂ν καλὸσ ὁ καιρόσ, Χαιρεφῶν. σὺ δὲ γαστρίζου, Κύνουλκε· "τῷ τ’ ἀειφρούρῳ μελιλώτῳ. ἐπεὶ δέ σε ὁρῶ ἔξοινον ἤδη γεγενημένον ‐ οὕτωσ δ’ εἴρηκε τὸν μεθύσην Ἄλεξισ ἐν Εἰσοικιζομένῳ παύσομαί σε ἐρεσχηλῶν καὶ τοῖσ παισὶ παρακελεύομαι κατὰ τὸν Σοφοκλέα, ὃσ ἐν Συνδείπνοισ φησί· φορεῖτε, μασσέτω τισ, ἐγχείτω βαθὺν κρατῆρ’, ὅδ’ ἁνὴρ οὐ πρὶν ἂν φάγῃ καλῶσ ὅμοια καὶ βοῦσ ἐργάτησ ἐργάζεται.

καὶ κατὰ τὸν Φλιάσιον δὲ Ἀριστίαν καὶ γὰρ οὖτοσ ταῖσ ἐπιγραφομέναισ Κηρσὶν ἔφη· σύνδειπνοσ ἢ ’ πίκωμοσ ἢ μαζαγρέτασ, Αἵδου τραπεζεύσ, ἀκρατέα νηδὺν ἔχων. ἐπεὶ δὲ τοσούτων λεχθέντων μηδὲν ἀποκρίνεται, κελεύω αὐτὸν κατὰ τοὺσ Ἀλέξιδοσ Διδύμουσ χυδαίοισ στεφανωθέντα στεφάνοισ ἐξάγεσθαι τοῦ συμποσίου, τῶν δὲ χυδαίων στεφάνων μνημονεύων ὁ κωμῳδιοποιόσ φησιν στεφάνων τε τούτων τῶν χύδην πεπλεγμένων. κἀγὼ δ’ ἐπὶ τούτοισ τοῦ λέγειν ἤδη παύσομαι τὸ τήμερον, παραχωρῶν τε τὸν περὶ τῶν μύρων λόγον τοῖσ βουλομένοισ διεξέρχεσθαι τῷ τε παιδὶ προστάττων ἐπὶ τῇ στεφανηφόρῳ ταύτῃ μου διαλέξει κατὰ τὸν Ἀντιφάνη στεφάνουσ ἐνεγκεῖν δεῦρο τῶν χρηστῶν δύο καὶ δᾷδα χρηστὴν ἡμμένην χρηστῷ πυρί.

οὕτω γὰρ τὴν τῶν λόγων ἔξοδον ὥσπερ δράματοσ ποιήσομαι. καὶ μετ’ οὐ πολλὰσ ἡμέρασ ὥσπερ αὐτὸσ αὑτοῦ σιωπὴν καταμαντευσάμενοσ ἀπέθανεν εὐτυχῶσ, οὐδένα καιρὸν νόσῳ παραδούσ, πολλὰ δὲ λυπήσασ ἡμᾶσ τοὺσ ἑταίρουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 15, book 15, chapter 33

(아테나이오스, The Deipnosophists, Book 15, book 15, chapter 33)

상위

목록

SEARCH

MENU NAVIGATION