Arrian, Anabasis, book 4, chapter 27 8:

οἱ δὲ ἐκ τῶν Βαζίρων ὡσ εἶδον ἀπιόντα ξὺν τῷ πλείστῳ τῆσ στρατιᾶσ τὸν Κοῖνον, καταφρονήσαντεσ τῶν Μακεδόνων, ὡσ οὐ γενομένων ἄν σφισιν ἀξιομάχων, ἐπεκθέουσιν ἐσ τὸ πεδίον· καὶ γίγνεται αὐτῶν μάχη καρτερά. καὶ ἐν ταύτῃ πίπτουσι μὲν τῶν βαρβάρων ἐσ πεντακοσίουσ, ζῶντεσ δὲ ἐλήφθησαν ὑπὲρ τοὺσ ἑβδομήκοντα· οἱ δὲ λοιποὶ ἐν τῇ πόλει ξυμφυγόντεσ βεβαιότερον ἤδη εἴργοντο τῆσ χώρασ ὑπὸ τῶν ἐκ τοῦ ἐπιτειχίσματοσ.