헬라어 문장 검색 - Αρριαν́Αναβασί4́17́

(아리아노스, Anabasis, book 4, chapter 17)

Καὶ ταῦτα ὡσ Κρατερῷ ἐξηγγέλθη, σπουδῇ ἐπὶ τοὺσ Μασσαγέτασ ἤλαυνεν. οἱ δὲ ὡσ ἐπύθοντο πλησίον ἐπελαύνοντά σφισι Κρατερόν, ἔφευγον ἀνὰ κράτοσ ὡσ εἰσ τὴν ἐρήμην. καὶ Κρατερὸσ ἐχόμενοσ αὐτῶν αὐτοῖσ τε ἐκείνοισ περιπίπτει οὐ πόρρω τῆσ ἐρήμου καὶ ἄλλοισ ἱππεῦσι Μασσαγετῶν ὑπὲρ τοὺσ χιλίουσ. καὶ μάχη γίγνεται τῶν τε Μακεδόνων καὶ τῶν Σκυθῶν καρτερά·

καὶ ἐνίκων οἱ Μακεδόνεσ. τῶν δὲ Σκυθῶν ἀπέθανον μὲν ἑκατὸν καὶ πεντήκοντα ἱππεῖσ· οἱ δε ἄλλοι οὐ χαλεπῶσ ἐσ τὴν ἐρήμην διεσώθησαν, ὅτι ἄπορον ἦν προσωτέρω τοῖσ Μακεδόσι διώκειν. Καὶ ἐν τούτῳ Ἀλέξανδροσ Ἀρτάβαζον μὲν τῆσ σατραπείασ τῆσ Βακτρίων ἀπαλλάττει δεηθέντα διὰ γῆρασ, Ἀμύνταν δὲ τὸν Νικολάου σατράπην ἀντ̓ αὐτοῦ καθίστησι.

Κοῖνον δὲ ἀπολείπει αὐτοῦ τὴν τε αὑτοῦ τάξιν καὶ τὴν Μελεάγρου ἔχοντα καὶ τῶν ἑταίρων ἱππέων ἐσ τετρακοσίουσ καὶ τοὺσ ἱππακοντιστὰσ πάντασ καὶ τῶν Βακτρίων τε καὶ Σογδιανῶν καὶ ὅσοι ἄλλοι μετὰ Ἀμύντου ἐτάχθησαν, προστάξασ ἅπασιν ἀκούειν Κοίνου καὶ διαχειμάζειν αὐτοῦ ἐν τῇ Σογδιανῇ, τῆσ τε χώρασ ἕνεκα τῆσ φυλακῆσ καὶ εἴ πῃ ἄρα Σπιταμένην περιφερόμενον κατὰ τὸν χειμῶνα ἐνεδρεύσαντασ ξυλλαβεῖν. Σπιταμένησ δὲ καὶ οἱ ἀμφ̓ αὐτὸν ὡσ φρουραῖσ τε πάντα κατειλημμένα ἑώρων ἐκ τῶν Μακεδόνων καί σφιν ἄπορα πάντῃ τὰ τῆσ φυγῆσ ἐγίγνετο, ὡσ ἐπὶ Κοῖνόν τε καὶ τὴν ξὺν τούτῳ στρατιὰν ἐτράποντο, ὡσ ταύτῃ μᾶλλόν τι ἀξιόμαχοι ἐσόμενοι.

ἀφικόμενοι δὲ ἐσ Γαβάσ, χωρίον τῆσ Σογδιανῆσ ὀχυρὸν ἐν μεθορίῳ τῆσ τε Σογδιανῶν γῆσ καὶ τῆσ Μασσαγετῶν Σκυθῶν ᾠκισμένον, ἀναπείθουσιν οὐ χαλεπῶσ τῶν Σκυθῶν ἱππέασ ἐσ τρισχιλίουσ συνεμβάλλειν σφίσιν ἐσ τὴν Σογδιανήν. οἱ δὲ Σκύθαι οὗτοι ἀπορίᾳ τε πολλῇ ἔχονται καὶ ἅμα ὅτι οὔτε πόλεισ εἰσὶν αὐτοῖσ οὔτε ἑδραῖοι οἰκοῦσιν, ὡσ δειμαίνειν ἂν περὶ τῶν φιλτάτων, οὐ χαλεποὶ ἀναπεισθῆναί εἰσιν ἐσ ἄλλον καὶ ἄλλον πόλεμον.

ὡσ δὲ Κοῖνόσ τε καὶ οἱ ἀμφ̓ αὐτὸν ἔμαθον προσιόντασ τοὺσ ξὺν Σπιταμένει ἱππέασ, ἀπήντων καὶ αὐτοὶ μετὰ τῆσ στρατιᾶσ. καὶ γίγνεται αὐτῶν μάχη καρτερά, καὶ νικῶσιν οἱ Μακεδόνεσ, ὥστε τῶν μὲν βαρβάρων ἱππέων ὑπὲρ τοὺσ ὀκτακοσίουσ πεσεῖν ἐν τῇ μάχῃ, τῶν δὲ ξὺν Κοίνῳ ἱππέασ μὲν ἐσ εἴκοσι καὶ πέντε, πεζοὺσ δὲ δώδεκα.

οἵ τε οὖν Σογδιανοὶ οἱ ἔτι ὑπολειπόμενοι ξὺν Σπιταμένει καὶ τῶν Βακτρίων οἱ πολλοὶ ἀπολείπουσιν ἐν τῇ φυγῇ Σπιταμένην καὶ ἀφικόμενοι παρὰ Κοῖνον παρέδοσαν σφᾶσ αὐτοὺσ Κοίνῳ, οἵ τε Μασσαγέται οἱ Σκύθαι κακῶσ πεπραγότεσ τὰ μὲν σκευοφόρα τῶν ξυμπαραταξαμένων σφίσι Βακτρίων τε καὶ Σογδιανῶν διήρπασαν, αὐτοὶ δὲ ξὺν Σπιταμένει ἐσ τὴν ἔρημον ἔφευγον. ὡσ δὲ ἐξηγγέλλετο αὐτοῖσ Ἀλέξανδροσ ἐν ὁρμῇ ὢν ἐπὶ τὴν ἔρημον ἐλαύνειν ἀποτεμόντεσ τοῦ Σπιταμένουσ τὴν κεφαλὴν παρὰ Ἀλέξανδρον πέμπουσιν, ὡσ ἀποτρέψοντεσ ἀπὸ σφῶν αὐτῶν τούτῳ τῷ ἔργῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 17

(아리아노스, Anabasis, book 4, chapter 17)

상위

목록

SEARCH

MENU NAVIGATION