Arrian, Anabasis, book 4, chapter 3

(아리아노스, Anabasis, book 4, chapter 3)

Οὕτω δὴ τὰσ πέντε πόλεισ ἐν δυσὶν ἡμέραισ ἑλών τε καὶ ἐξανδραποδισάμενοσ ᾔει ἐπὶ τὴν μεγίστην αὐτῶν τὴν Κύρου πόλιν. ἡ δὲ τετειχισμένη τε ἦν ὑψηλοτέρῳ τείχει ἤπερ αἱ ἄλλαι, οἱᾶ δὴ ὑπὸ Κύρου οἰκισθεῖσα, καὶ τοῦ πλείστου καὶ μαχιμωτάτου τῶν ταύτῃ βαρβάρων ἐσ ταύτην συμπεφευγότοσ οὐχ ὡσαύτωσ ῥᾳδία ἐξ ἐφόδου ἑλεῖν τοῖσ Μακεδόσιν ἐγίγνετο. ἀλλὰ μηχανὰσ γὰρ προσάγων τῷ τείχει Ἀλέξανδροσ ταύτῃ μὲν κατασείειν ἐπενόει τὸ τεῖχοσ καὶ κατὰ τὸ ἀεὶ παραρρηγνύμενον αὐτοῦ τὰσ προσβολὰσ ποιεῖσθαι. αὐτὸσ δὲ ὡσ κατεῖδε τοὺσ ἔκρουσ τοῦ ποταμοῦ, ὃσ διὰ τῆσ πόλεωσ χειμάρρουσ ὤν διέρχεται, ξηροὺσ ἐν τῷ τότε ὕδατοσ καὶ οὐ ξυνεχεῖσ τοῖσ τείχεσιν, ἀλλ̓ οἱούσ παρασχεῖν πάροδον τοῖσ στρατιώταισ διαδῦναι ἐσ τὴν πόλιν, ἀναλαβὼν τούσ τε σωματοφύλακασ καὶ τοὺσ ὑπασπιστὰσ καὶ τοὺσ τοξότασ καὶ τοὺσ Ἀγριᾶνασ τετραμμένων τῶν βαρβάρων πρὸσ τὰσ μηχανὰσ καὶ τοὺσ ταύτῃ προσμαχομένουσ λανθάνει κατὰ τοὺσ ἔκρουσ ξὺν ὀλίγοισ τὸ πρῶτον παρελθὼν ἐσ τὴν πόλιν·

ἀναρρήξασ δὲ ἔνδοθεν τῶν πυλῶν, αἳ κατὰ τοῦτο τὸ χωρίον ἦσαν, δέχεται καὶ τοὺσ ἄλλουσ στρατιώτασ εὐπετῶσ.

ἔνθα δὴ οἱ βάρβαροι ἐχομένην ἤδη τὴν πόλιν αἰσθόμενοι ἐπὶ τοὺσ ἀμφὶ Ἀλέξανδρον ὅμωσ ἐτράπησαν· καὶ γίνεται προσβολὴ αὐτῶν καρτερά, καὶ βάλλεται λίθῳ αὐτὸσ Ἀλέξανδροσ βιαίωσ τήν τε κεφαλὴν καὶ τὸν αὐχένα καὶ Κρατερὸσ τοξεύματι καὶ πολλοὶ ἄλλοι τῶν ἡγεμόνων· ἀλλὰ καὶ ὣσ ἐξέωσαν ἐκ τῆσ ἀγορᾶσ τοὺσ βαρβάρουσ. καὶ ἐν τούτῳ οἱ κατὰ τὸ τεῖχοσ προσβεβληκότεσ ἔρημον ἤδη τὸ τεῖχοσ τῶν προμαχομένων αἱροῦσιν.

ἐν μὲν δὴ τῇ πρώτῃ καταλήψει τῆσ πόλεωσ ἀπέθανον τῶν πολεμίων μάλιστα ἐσ ὀκτακισχιλίουσ. οἱ δὲ λοιποί ἡ̓͂σαν γὰρ οἱ πάντεσ ἐσ μυρίουσ καὶ πεντακισχιλίουσ μαχίμουσ οἱ ξυνεληλυθότεσ̓ καταφεύγουσιν ἐσ τὴν ἄκραν. καὶ τούτουσ περιστρατοπεδεύσασ Ἀλέξανδροσ ἡμέραν μίαν ἐφρούρησεν· οἱ δὲ ἐνδείᾳ ὕδατοσ ἐνεχείρισαν σφᾶσ Ἀλεξάνδρῳ. Τὴν δὲ ἑβδόμην πόλιν ἐξ ἐφόδου ἔλαβε, Πτολεμαῖοσ μὲν λέγει, ὅτι αὐτοὺσ σφᾶσ ἐνδόντασ, Ἀριστόβουλοσ δέ, ὅτι βίᾳ καὶ ταύτην ἐξεῖλεν καὶ ὅτι πάντασ τοὺσ καταληφθέντασ ἐν αὐτῇ ἀπέκτεινε. Πτολεμαῖοσ δὲ κατανεῖμαι λέγει αὐτὸν τοὺσ ἀνθρώπουσ τῇ στρατιᾷ καὶ δεδεμένουσ κελεῦσαι φυλάσσεσθαι ἔστ̓ ἄν ἐκ τῆσ χώρασ ἀπαλλάττηται αὐτόσ, ὡσ μηδένα ἀπολείπεσθαι τῶν τὴν ἀπόστασιν πραξάντων.

Ἐν τούτῳ δὲ τῶν τε ἐκ τῆσ Ἀσίασ Σκυθῶν στρατιὰ ἀφικνεῖται πρὸσ τὰσ ὄχθασ τοῦ ποταμοῦ τοῦ Τανάϊδοσ, ἀκούσαντεσ οἱ πολλοὶ αὐτῶν, ὅτι ἔστιν οἳ καὶ τῶν ἐπέκεινα τοῦ ποταμοῦ βαρβάρων ἀπ̓ Ἀλεξάνδρου ἀφεστᾶσιν, ὡσ, εἰ δή τι λόγου ὄν ἄξιον νεωτερίζοιτο, καὶ αὐτοὶ ἐπιθησόμενοι τοῖσ Μακεδόσι.

καὶ οἱ ἀμφὶ Σπιταμένην δὲ ἀπηγγέλθησαν ὅτι τοὺσ ἐν Μαρακάνδοισ καταλειφθέντασ ἐν τῇ ἄκρᾳ πολιορκοῦσιν. ἔνθα δὴ Ἀλέξανδροσ ἐπὶ μὲν τοὺσ ἀμφὶ Σπιταμένην Ἀνδρόμαχόν τε ἀποστέλλει καὶ Μενέδημον καὶ Κάρανον, ἱππέασ μὲν ἔχοντασ τῶν ἑταίρων ἐσ ἑξήκοντα καὶ τῶν μισθοφόρων ὀκτακοσίουσ, ὧν Κάρανοσ ἡγεῖτο, πεζοὺσ δὲ μισθοφόρουσ ἐσ χιλίουσ πεντακοσίουσ·

ἐπιτάσσει δὲ αὐτοῖσ Φαρνούχην τὸν ἑρμηνέα, τὸ μὲν γένοσ Λύκιον τὸν Φαρνούχην, ἐμπείρωσ δὲ τῆσ τε φωνῆσ τῶν ταύτῃ βαρβάρων ἔχοντα καὶ τὰ ἄλλα ὁμιλῆσαι αὐτοῖσ δεξιὸν φαινόμενον.

일치하는 문장이 없습니다.

SEARCH

MENU NAVIGATION