헬라어 문장 검색 - Αρριαν́Αναβασί4́18́

(아리아노스, Anabasis, book 4, chapter 18)

Καὶ ἐν τούτῳ Κοῖνόσ τε ἐσ Ναύτακα παῤ Ἀλέξανδρον ἐπανέρχεται καὶ οἱ ἀμφὶ Κρατερόν τε καὶ Φραταφέρνην τὸν τῶν Παρθυαίων σατράπην καὶ Στασάνωρ ὁ Ἀρείων, πεπραγμένων σφίσι πάντων ὅσα ἐξ Ἀλεξάνδρου ἐτέτακτο. Ἀλέξανδροσ δὲ περὶ Ναύτακα ἀναπαύων τὴν στρατιὰν ὅ τι περ ἀκμαῖον τοῦ χειμῶνοσ, Φραταφέρνην μὲν ἀποστέλλει ἐσ Μάρδουσ καὶ Ταπούρουσ Αὐτοφραδάτην ἐπανάξοντα τὸν σατράπην, ὅτι πολλάκισ ἤδη μετάπεμπτοσ ἐξ Ἀλεξάνδρου γιγνόμενοσ οὐχ ὑπήκουε καλοῦντι.

Στασάνορα δὲ ἐσ Δράγγασ σατράπην ἐκπέμπει, ἐσ Μήδουσ δὲ Ἀτροπάτην ἐπὶ σατραπείᾳ καὶ τοῦτον τῇ Μήδων, ὅτι Ὀξυδάτησ ἐθελοκακεῖν αὐτῷ ἐφαίνετο.

Σταμένην δὲ ἐπὶ Βαβυλῶνοσ στέλλει, ὅτι Μαζαῖοσ ὁ Βαβυλώνιοσ ὕπαρχοσ τετελευτηκέναι αὐτῷ ἐξηγγέλλετο. Σώπολιν δὲ καὶ Ἐπόκιλλον καὶ Μεν[ν]ίδαν ἐσ Μακεδονίαν ἐκπέμπει, τὴν στρατιὰν τὴν ἐκ Μακεδονίασ αὐτῷ ἀνάξοντασ. Ἅμα δὲ τῷ ἦρι ὑποφαίνοντι προὐχώρει ὡσ ἐπὶ τὴν ἐν τῇ Σογδιανῇ πέτραν, ἐσ ἣν πολλοὺσ μὲν τῶν Σογδιανῶν ξυμπεφευγέναι αὐτῷ ἐξηγγέλλετο·

καὶ ἡ Ὀξυάρτου δὲ γυνὴ τοῦ Βακτρίου καὶ αἱ παῖδεσ αἱ Ὀξυάρτου ἐσ τὴν πέτραν ταύτην ξυμπεφευγέναι ἐλέγοντο, Ὀξυάρτου αὐτὰσ ὡσ ἐσ ἀνάλωτον δῆθεν τὸ χωρίον ἐκεῖνο ὑπεκθεμένου, ὅτι καὶ αὐτὸσ ἀφειστήκει ἀπ̓ Ἀλεξάνδρου. ταύτησ γὰρ ἐξαιρεθείσησ οὐκέτι οὐδὲν ὑπολειφθήσεσθαι ἐδόκει τῶν Σογδιανῶν τοῖσ νεωτερίζειν ἐθέλουσιν. ὡσ δὲ ἐπέλασαν τῇ πέτρᾶ, καταλαμβάνει πάντῃ ἀπότομον ἐσ τὴν προσβολὴν σιτία τε ξυγκεκομισμένουσ τοὺσ βαρβάρουσ ὡσ ἐσ χρόνιον πολιορκίαν.

καὶ χιὼν πολλὴ ἐπιπεσοῦσα τήν τε πρόσβασιν ἀπορωτέραν ἐποίει τοῖσ Μακεδόσι καὶ ἅμα ἐν ἀφθονίᾳ ὕδατοσ τοὺσ βαρβάρουσ διῆγεν. ἀλλὰ καὶ ὣσ προσβάλλειν ἐδόκει τῷ χωρίῳ. καὶ γάρ τι καὶ ὑπέρογκον ὑπὸ τῶν βαρβάρων λεχθὲν ἐσ φιλοτιμίαν.

ξὺν ὀργῇ ἐμβεβλήκει Ἀλέξανδρον. προκληθέντεσ γὰρ ἐσ ξύμβασιν καὶ προτεινομένου σφίσιν, ὅτι σώοισ ὑπάρξει ἐπὶ τὰ σφέτερα ἀπαλλαγῆναι παραδοῦσι τὸ χωρίον, οἱ δὲ σὺν γέλωτι βαρβαρίζοντεσ πτηνοὺσ ἐκέλευον ζητεῖν στρατιώτασ Ἀλέξανδρον, οἵτινεσ αὐτῷ ἐξαιρήσουσι τὸ ὄροσ, ὡσ τῶν γε ἄλλων ἀνθρώπων οὐδεμίαν ὤραν σφίσιν οὖσαν. ἔνθα δὴ ἐκήρυξεν Ἀλέξανδροσ τῷ μὲν πρώτῳ ἀναβάντι δώδεκα τάλαντα εἶναι τὸ γέρασ, δευτέρῳ δὲ ἐπὶ τούτῳ τὰ δεύτερα καὶ τρίτῳ τὰ ἐφεξῆσ, ὡσ τελευταῖον εἶναι τῷ τελευταίῳ ἀνελθόντι τριακοσίουσ Δαρεικοὺσ τὸ γέρασ.

καὶ τοῦτο τὸ κήρυγμα παρώξυνεν ἔτι μᾶλλον καὶ ἄλλωσ τοὺσ Μακεδόνασ ὡρμημένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 18

(아리아노스, Anabasis, book 4, chapter 18)

상위

목록

SEARCH

MENU NAVIGATION