Arrian, Anabasis, book 4, chapter 16

(아리아노스, Anabasis, book 4, chapter 16)

Διαβὰσ οὖν ξὺν μέρει τῆσ στρατιᾶσ ἐσ τὴν Σογδιανήν, Πολυπέρχοντα δὲ καὶ Ἄτταλον καὶ Γοργίαν καὶ Μελέαγρον αὐτοῦ ἐν Βάκτροισ ὑπολιπόμενοσ τούτοισ μὲν παρήγγειλεν τήν τε χώραν ἐν φυλακῇ ἔχειν, ὡσ μή τι νεωτερίσωσιν οἱ ταύτῃ βάρβαροι, καὶ τοὺσ ἔτι ἀφεστηκότασ αὐτῶν ἐξαιρεῖν· αὐτὸσ δὲ ἐσ πέντε μέρη διελὼν τὴν ἅμα οἷ στρατιὰν τῶν μὲν Ἡφαιστίωνα ἄρχειν ἔταξε, τῶν δὲ Πτολεμαῖον τὸν Λάγου τὸν σωματοφύλακα·

τοῖσ τρίτοισ δὲ Περδίκκαν ἐπέταξε· τῆσ δὲ τετάρτησ τάξεωσ Κοῖνοσ καὶ Ἀρτάβαζοσ ἡγοῦντο αὐτῷ· τὴν δὲ πέμπτην μοῖραν ἀναλαβὼν αὐτὸσ ἐπῄει τὴν χώραν ὡσ ἐπὶ Μαράκανδα. καὶ οἱ ἄλλοι ὡσ ἑκάστοισ προὐχώρει ἐπῄεσαν, τοὺσ μέν τινασ τῶν ἐσ τὰ ἐρύματα ξυμπεφευγότων βίᾳ ἐξαιροῦντεσ, τοὺσ δὲ καὶ ὁμολογίᾳ προσχωροῦντάσ σφισιν ἀναλαμβάνοντεσ.

ὡσ δὲ ξύμπασα αὐτῷ ἡ δύναμισ ἐπελθοῦσα τῶν Σογδιανῶν τῆσ χώρασ τὴν πολλὴν ἐσ Μαράκανδα ἀφίκετο, Ἡφαιστίωνα μὲν ἐκπέμπει τὰσ ἐν τῇ Σογδιανῇ πόλεισ συνοικίζειν, Κοῖνον δὲ καὶ Ἀρτάβαζον ὡσ ἐσ Σκύθασ, ὅτι ἐσ Σκύθασ καταπεφευγέναι Σπιταμένησ αὐτῷ ἐξηγγέλλετο, αὐτὸσ δὲ ξὺν τῇ λοιπῇ στρατιᾷ ἐπιὼν τῆσ Σογδιανῆσ ὅσα ἔτι πρὸσ τῶν ἀφεστηκότων κατείχετο ταῦτα οὐ χαλεπῶσ ἐξῄρει. Ἐν τούτοισ δὲ Ἀλεξάνδρου ὄντοσ Σπιταμένησ τε καὶ σὺν αὐτῷ τῶν Σογδιανῶν τινεσ φυγάδων ἐσ τῶν Σκυθῶν τῶν Μασσαγετῶν καλουμένων τὴν χώραν ξυμπεφευγότεσ ξυναγαγόντεσ τῶν Μασσαγετῶν ἱππέασ ἑξακοσίουσ ἀφίκοντο πρόσ τι φρούριον τῶν κατὰ τὴν Βακτριανήν.

καὶ τῷ τε φρουράρχῳ οὐδὲν πολέμιον προσδεχομένῳ ἐπιπεσόντεσ καὶ τοῖσ ξὺν τούτῳ τὴν φυλακὴν ἔχουσιν τοὺσ μὲν στρατιώτασ διέφθειραν, τὸν φρούραρχον δὲ ἑλόντεσ ἐν φυλακῇ εἶχον.

θαρσήσαντεσ δὲ ἐπὶ τοῦ φρουρίου τῇ καταλήψει ὀλίγαισ ἡμέραισ ὕστερον Ζαριάσποισ πελάσαντεσ τῇ μὲν πόλει προσβαλεῖν ἀπέγνωσαν, λείαν δὲ πολλὴν περιβαλλόμενοι ἤλαυνον. Ἦσαν δὲ ἐν τοῖσ Ζαριάσποισ νόσῳ ὑπολελειμμένοι τῶν ἑταίρων ἱππέων οὐ πολλοὶ καὶ ξὺν τούτοισ Πείθων τε ὁ Σωσικλέουσ, ἐπὶ τῆσ βασιλικῆσ θεραπείασ τῆσ ἐν Ζαριάσποισ τεταγμένοσ, καὶ Ἀριστόνικοσ ὁ κιθαρῳδόσ.

καὶ οὗτοι αἰσθόμενοι τῶν Σκυθῶν τὴν καταδρομήν ἡ̓́δη γὰρ ἐκ τῆσ νόσου ἀναρρωσθέντεσ ὅπλα τε ἔφερον καὶ τῶν ἵππων ἐπέβαινον̓ ξυναγαγόντεσ τούσ τε μισθοφόρουσ ἱππέασ ἐσ ὀγδοήκοντα, οἳ ἐπὶ φυλακῇ τῶν Ζαριάσπων ὑπολελειμμένοι ἦσαν, καὶ τῶν παίδων τινὰσ τῶν βασιλικῶν ἐκβοηθοῦσιν ἐπὶ τοὺσ Μασσαγέτασ. καὶ τῇ μὲν πρώτῃ προσβολῇ οὐδὲν ὑποτοπήσασι τοῖσ Σκύθαισ ἐπιπεσόντεσ τήν τε λείαν ξύμπασαν ἀφείλοντο αὐτοὺσ καὶ τῶν ἀγόντων τὴν λείαν οὐκ ὀλίγουσ ἀπέκτειναν.

ἐπανιόντεσ δὲ αὐτοὶ ἀτάκτωσ, ἅτε οὐδενὸσ ἐξηγουμένου, ἐνεδρευθέντεσ πρὸσ Σπιταμένουσ καὶ τῶν Σκυθῶν τῶν μὲν ἑταίρων ἀποβάλλουσιν ἑπτά, τῶν δὲ μισθοφόρων ἱππέων ἑξήκοντα. καὶ Ἀριστόνικοσ ὁ κιθαρῳδὸσ αὐτοῦ ἀποθνήσκει, οὐ κατὰ κιθαρῳδὸν ἀνὴρ ἀγαθὸσ γενόμενοσ. Πείθων δὲ τρωθεὶσ ζῶν λαμβάνεται πρὸσ τῶν Σκυθῶν.

일치하는 문장이 없습니다.

SEARCH

MENU NAVIGATION