헬라어 문장 검색 - Αρριαν́Αναβασί4́19́

(아리아노스, Anabasis, book 4, chapter 19)

Ξυνταξάμενοι δὴ ὅσοι πετροβατεῖν ἐν ταῖσ πολιορκίαισ αὐτῷ μεμελετήκεσαν, ἐσ τριακοσίουσ τὸν ἀριθμόν, καὶ πασσάλουσ μικροὺσ σιδηροῦσ, οἷσ αἱ σκηναὶ καταπεπήγεσαν αὐτοῖσ, παρασκευάσαντεσ, τοῦ καταπηγνύναι αὐτοὺσ ἔσ τε τὴν χιόνα ὅπου πεπηγυῖα φανείη καὶ εἴ πού τι τῆσ χώρασ ἔρημον χιόνοσ ὑποφαίνοιτο, καὶ τούτουσ καλωδίοισ ἐκ λίνου ἰσχυροῖσ ἐκδήσαντεσ τῆσ νυκτὸσ προὐχώρουν κατὰ τὸ ἀποτομώτατόν τε τῆσ πέτρασ καὶ ταύτῃ ἀφυλακτότατον. καὶ τούτουσ τοὺσ πασσάλουσ καταπηγνύντεσ τοὺσ μὲν ἐσ τὴν γῆν, ὅπου διεφαίνετο, τοὺσ δὲ καὶ τῆσ χιόνοσ ἐσ τὰ μάλιστα οὐ θρυφθησόμενα, ἀνεῖλκον σφᾶσ αὐτοὺσ ἄλλοι ἄλλῃ τῆσ πέτρασ.

καὶ τούτων ἐσ τριάκοντα μὲν ἐν τῇ ἀναβάσει διεφθάρησαν, ὥστε οὐδὲ τὰ σώματα αὐτῶν ἐσ ταφὴν εὑρέθη ἐμπεσόντα ἄλλῃ καὶ ἄλλῃ τῆσ χιόνοσ. οἱ δὲ λοιποὶ ἀναβάντεσ ὑπὸ τὴν ἑώ καὶ τὸ ἄκρον τοῦ ὄρουσ καταλαβόντεσ σινδόνασ κατέσειον ὡσ ἐπὶ τὸ στρατόπεδον τῶν Μακεδόνων, οὕτωσ αὐτοῖσ ἐξ Ἀλεξάνδρου παρηγγελμένον.

πέμψασ δὴ κήρυκα ἐμβοῆσαι ἐκέλευσε τοῖσ προφυλάσσουσι τῶν βαρβάρων μὴ διατρίβειν ἔτι, ἀλλὰ παραδιδόναι σφᾶσ· ἐξευρῆσθαι γὰρ δὴ τοὺσ πτηνοὺσ ἀνθρώπουσ καὶ ἔχεσθαι ὑπὸ αὐτῶν τοῦ ὄρουσ τὰ ἄκρα· καὶ ἅμα ἐδείκνυεν τοὺσ ὑπὲρ τῆσ κορυφῆσ στρατιώτασ. Οἱ δὲ βάρβαροι ἐκπλαγέντεσ τῷ παραλόγῳ τῆσ ὄψεωσ καὶ πλείονάσ τε ὑποτοπήσαντεσ εἶναι τοὺσ κατέχοντασ τὰ ἄκρα καὶ ἀκριβῶσ ὡπλισμένουσ ἐνέδοσαν σφᾶσ αὐτούσ·

οὕτω πρὸσ τὴν ὄψιν τῶν ὀλίγων ἐκείνων Μακεδόνων φοβεροὶ ἐγένοντο. ἔνθα δὴ ἄλλων τε πολλῶν γυναῖκεσ καὶ παῖδεσ ἐλήφθησαν καὶ ἡ γυνὴ ἡ Ὀξυάρτου καὶ οἱ παῖδεσ. καὶ ἦν γὰρ Ὀξυάρτῃ παῖσ παρθένοσ ἐν ὡρ́ᾳ γάμου, Ῥωξάνη ὀνόματι, ἣν δὴ καλλίστην τῶν Ἀσιανῶν γυναικῶν λέγουσιν ὀφθῆναι οἱ ξὺν Ἀλεξάνδρῳ στρατεύσαντεσ μετά γε τὴν Δαρείου γυναῖκα.

καὶ ταύτην ἰδόντα Ἀλέξανδρον ἐσ ἔρωτα ἐλθεῖν αὐτῆσ· ἐρασθέντα δὲ οὐκ ἐθελῆσαι ὑβρίσαι καθάπερ αἰχμάλωτον, ἀλλὰ γῆμαι γὰρ οὐκ ἀπαξιῶσαι. καὶ τοῦτο ἐγὼ Ἀλεξάνδρου τὸ ἔργον ἐπαινῶ μᾶλλόν τι ἢ μέμφομαι.

καίτοι τῆσ γε Δαρείου γυναικόσ, ἣ καλλίστη δὴ ἐλέγετο τῶν ἐν τῇ Ἀσίᾳ γυναικῶν, ἢ οὐκ ἦλθεν ἐσ ἐπιθυμίαν ἢ καρτερὸσ αὐτὸσ αὑτοῦ ἐγένετο, νέοσ τε ὢν καὶ τὰ μάλιστα ἐν ἀκμῇ τῆσ εὐτυχίασ, ὁπότε ὑβρίζουσιν οἱ ἄνθρωποι· ὁ δὲ κατῃδέσθη τε καὶ ἐφείσατο, σωφροσύνῃ τε πολλῇ διαχρώμενοσ καὶ δόξησ ἅμα ἀγαθῆσ οὐκ ἀτόπῳ ἐφέσει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 19

(아리아노스, Anabasis, book 4, chapter 19)

상위

목록

SEARCH

MENU NAVIGATION