헬라어 문장 검색 - ΑριστίΟρατιον́42́0́008́

(아리스티데스, 아일리오스, 연설, Περὶ ὁμονοίασ ταῖσ πόλεσιν 8:)

ὥσθ’ ὅσῳ τισ μᾶλλον ἐπαινεῖσθαι βούλεται καὶ τῶν ὑπαρχόντων ἀπολαύειν πλεονεκτημάτων, τοσούτῳ μᾶλλον τῶν ἴσων ὑπαρκτέον αὐτῷ καὶ ταῖσ ἐπιεικείαισ χρηστέον. ἀλογώτατον δ’ ἂν εἰή πάντων ἄχθεσθαι μὲν τοῖσ ἑτέρων ἀγαθοῖσ, λυμαίνεσθαι δὲ τοῖσ ἑαυτῶν, καὶ μᾶλλον δυσχεραίνειν εἴ τισ καὶ ἕτεροσ τὰ εἰκότα τιμήσεται ἢ εἰ τῶν προσηκόντων αὐτὸσ παρὰ πάντων ἑκόντων μὴ τεύξεται. καὶ μὴν ἅμα τε ἀχθεσθήσεται τοῖσ ἑτέρων ἀγαθοῖσ καὶ δῆλοσ ἔσται φθονῶν. τοῦτο δὲ οὐ τοῦ κρείττονοσ οὐδαμῶσ. ἄξιον τοίνυν κἀκεῖνο ἐνθυμηθῆναι, ὅτι ταυτὶ μὲν ἅπαντα ὅσα μικρῷ πρόσθεν διῄειμεν καὶ ὅσα τοιαῦτα ἂν εἴποι τισ, οἱο͂ν κάλλη δημοσίων οἰκοδομημάτων καὶ μεγέθη περιβόλων, καὶ κεῖσθαι καλῶσ καὶ χρήμασιν ἰσχύειν ἐγγείοισ ἢ ναυτικοῖσ, καὶ πάνθ’ ὅσα τούτου τοῦ γένουσ ἔχεται, τύχησ ἄν τισ φήσειεν εἶναι, τῆσ καὶ διδούσησ ἕκαστα τούτων καὶ παραιρουμένησ ἡνίκ’ ἂν αὖ καὶ τοῦτο βουληθῇ· ἡ δὲ τῆσ ὁμονοίασ προαίρεσισ καὶ τὸ χρῆσθαι τὰ πρέποντα ἀλλήλοισ αὐτῆσ τῆσ γνώμησ τῶν οὕτω διακειμένων ἐστίν. ὥστ’ οὐχὶ τοσοῦτον εἰκὸσ τοὺσ ἐκείνῃ προέχοντασ φρονεῖν, ὅσον τοὺσ κατὰ ταῦτα νικῶντασ. καὶ μὴν ἐκεῖνα μὲν ἔξεστι μὴ πάντων ἐφεξῆσ εἶναι φῆσαι, ἀλλὰ τῶν κατασκευασαμένων καὶ παρ’ ὧν ἕκαστα παρειλήφαμεν, οἱ μὲν κατὰ τοὺσ αὐτοὺσ χρόνουσ, οἱ δ’ ὕστερον γενόμενοι. τὸ δ’ εὖ βουλεύεσθαι καὶ σωφρονεῖν ἅπαντόσ ἐστι δή που τοῦ βουλομένου τοῦτο ἑαυτῷ παρεῖναι. χρὴ δ’ ὥσπερ οἰκίαν ἄριστα κατεσκευάσθαι κρίνομεν οὐχ ἥτισ ἂν ὡσ κάλλιστα λίθων ἔχῃ, ἀλλ’ ἥτισ ἂν μιᾷ γνώμῃ μάλιστα οἰκῆται, οὕτω καὶ πόλεισ ἄριστα νομίζειν οἰκεῖν αἵτινεσ ἂν ταυτὸν φρονεῖν ἐπίστωνται. δεινὸν γὰρ ἡ στάσισ πανταχῆ καὶ θορυβῶδεσ καὶ τῇ φθόῃ παραπλήσιον. ἕλκει γὰρ ἁπάσασ τὰσ δυνάμεισ καὶ προσπεφυκὸσ ἐκμυζεῖ καὶ κενοῖ καὶ οὐ πρότερον παύεται πρὶν ἂν ἐκτρίψῃ παντελῶσ, ὑπηρέταισ αὐτοῖσ καθ’ ἑαυτῶν χρησάμενον τοῖσ νοσοῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ ὁμονοίασ ταῖσ πόλεσιν 8:

(아리스티데스, 아일리오스, 연설, Περὶ ὁμονοίασ ταῖσ πόλεσιν 8:)

상위

목록

SEARCH

MENU NAVIGATION