헬라어 문장 검색 - ΑριστίΟρατιον́42́0́007́

(아리스티데스, 아일리오스, 연설, Περὶ ὁμονοίασ ταῖσ πόλεσιν 7:)

καὶ μὴν αἱ μὲν δύο τῶν πόλεων μιᾶσ καὶ τῆσ αὐτῆσ ἄποικοι τῆσ Ἀθηναίων πόλεωσ, ἣν οὐδ’ ἂν εἷσ αἰσχυνθείη δή που πρόσχημα παντὸσ τοῦ Ἑλληνικοῦ προσειπεῖν· ἤδη δὲ ἔχει τι καὶ αὕτη παραπλήσιον ταῖσ Ἀθήναισ αὐχῆσαι κατὰ τὴν τῶν αὐτοχθόνων ἀνδρῶν τε καὶ ἡρώων φοράν· εἰ δὲ μὴ, ταύταισ γ’ ἔχει παραπλήσιον. καὶ γὰρ αὐτῇ τὰ τῶν ἀποίκων ἀπὸ αὐτοχθόνων ἐστὶ τῶν Ἀρκάδων. ὥστε κἀκ τούτων εἰκὸσ γνῶναί τε ἀλλήλασ καὶ τιμῆσαι τὰ γιγνόμενα. εἰε͂ν. ἃ μὲν δὴ κοινῇ τοῖσ γένεσι τοῖσ συντελοῦσι καὶ ταῖσ πόλεσι ταῖσ τοῦ πρωτείου ἀντιποιουμέναισ ἀποδοθῆναι προσῆκεν εἴρηται διὰ πάσησ βραχύτητοσ, ὥσ γ’ ἐμοὶ φαίνεται, καὶ ἅμα οὐ τὰ φαυλότατα, ὡσ ὑμεῖσ ἐπεσημήνασθε· καὶ πολλὴ χάρισ ὑμῖν ταῦτά γε δὴ δεξαμένοισ εὐμενῶσ. ἀκόλουθον δ’ ἐμοί τε τὸν λοιπὸν λόγον προσθεῖναι τὸν τῆσ παρακλήσεωσ, εἴπερ μὴ ψυχαγωγία τισ ἔσεσθαι μέλλει μόνον τῆσ ἀκροάσεωσ, ἀλλά τι καὶ χρείασ προσέσται, ὑμῖν τ’ ἐθελῆσαι καὶ τούτων μετὰ τῆσ ὁμοίασ ἀκοῦσαι γνώμησ, ἵνα μὴ μόνον τῇ παραχρῆμα εὐφημίᾳ τετιμηκότεσ ἦτε τὸν λόγον, ἀλλὰ καὶ τῇ παρὰ πάντα τὸν χρόνον καὶ ἐπ’ αὐτῶν τῶν πραγμάτων μνήμῃ. ἐγὼ γὰρ, ὦ ἄνδρεσ ἄριστοι τῶν τῇδε Ἑλλήνων, εἰ μὲν ἔμελλον ὑμῶν ἕκαστοι ταῦτα ἐφ’ οἷσ νῦν ἀγάλλονται προήσεσθαι τῇ πρὸσ τοὺσ ἄλλουσ ἐπιεικείᾳ καὶ κοινότητι, οὐδ’ ἂν αὐτὸσ συνεβούλευον τὰ οἴκοι βλάπτοντασ τὰ τῶν πλησίον κοσμεῖν. ὅτε δέ ἐστι τοσαῦτα ἑκάστοισ ἐφ’ οἷσ ὑπάρχει φιλοτιμεῖσθαι καὶ οὐδὲν ἔλαττον ἀνάγκη φρονεῖν ἀρετῇ χρωμένουσ εἰσ ἀλλήλουσ, οὐχ ὁρῶ τίν’ ἔχει λόγον ἡ διαφορὰ, ἀλλὰ καὶ τοὐναντίον εἴποιμ’ ἂν ἅπαν τούτου, βουλομένων μὲν εἶναι σώζειν τὴν ἑαυτῶν φιλοτιμίαν, πράωσ τοῖσ ἄλλοισ ὁμιλεῖν, ἐπηρεαζόντων δὲ τοῖσ ὑπάρχουσιν εἰσ ἔριν καὶ φιλονεικίαν ἐξάγειν. ἐν μὲν γὰρ τῇ ὁμονοίᾳ καὶ ἑτέρουσ ἔστιν ἐπαινέσαι καὶ τὰ ἑαυτῶν ἀκούειν ἐπαινούμενα, ἐν δὲ τῷ διαστῆναι κακῶσ ἑτέρουσ εἰπόντασ ἀντακοῦσαι κακῶσ αὐτοὺσ καὶ ἃ μὴ προσῆκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ ὁμονοίασ ταῖσ πόλεσιν 7:

(아리스티데스, 아일리오스, 연설, Περὶ ὁμονοίασ ταῖσ πόλεσιν 7:)

상위

목록

SEARCH

MENU NAVIGATION