헬라어 문장 검색 - ΑριστίΟρατιον́42́0́003́

(아리스티데스, 아일리오스, 연설, Περὶ ὁμονοίασ ταῖσ πόλεσιν 3:)

ἔτι δὲ χωρῶν κάλλη παντοῖα καὶ ὡρῶν συμμετρίαν καὶ διαίτασ παντοίασ καὶ θέσιν τὴν πᾶσαν, ὡσ ἐν ὀμφαλῷ μὲν τῆσ πάσησ ἡγεμονίασ ἵδρυται, πολλοῖσ καὶ ἡμέροισ τοῖσ περὶ αὐτὴν ἔθνεσι καὶ γένεσιν ἐκ γῆσ καὶ θαλάττησ ἐστεφανωμένη· ὡσ μὲν οὖν ἦρξέ ποτε τῶν περὶ τὸν τόπον τοῦτον καὶ ὡσ ὕστερον αὐτὰ ταῦτα ἐφ’ οἷσ φιλοτιμούμεθα ἐντεῦθεν ἔσχε τὴν ἀρχὴν ἐάσειν μοι δοκῶ, ἃ δ’ εὐθὺσ εἰσ ὀφθαλμοὺσ ἔρχεται, ἀκρόπολισ μὲν αὕτη τοσαύτη τὸ μέγεθοσ, πόρρωθεν ἀστράπτουσα ἀπὸ πάσησ εἰσόδου, ὥσπερ κοινή τισ κορυφὴ τοῦ ἔθνουσ. τάξει δὲ τῇ βελτίστῃ συνοικεῖ καὶ οὔτε αὐθάδειαν οὔτ’ ἄγαν δουλείαν ἔχοι τισ ἂν αἰτιάσασθαι, ἀλλ’ ἐν μέσῳ σχήματι κάλλιστα δὴ τῶν ὑφ’ ἡλίῳ πολιτεύεται. εἰσ τοῦτο δὲ ἀνήκει τῆσ ἀξίασ ὥστε τοσαύτησ οὔσησ τῆσ ἁπάσησ χώρασ, ἣν ὅ τε Φᾶσισ καὶ ὁ Νεῖλοσ διειλήφασι πρὸσ τὸν ἄνω τόπον, καὶ ταύτησ συλλήβδην κληθείσησ Ἀσίασ ὑφ’ Ἑλλήνων ἐξ ἀρχῆσ, ἡ περὶ θάλατταν αὕτη νυνὶ μοῖρα ἀφελομένη τὴν ἤπειρον τοὔνομα ἑαυτῆσ ἴδιον πεποίηται, οὕτωσ ἀντὶ πάσησ τῆσ ἄλλησ νενίκηκεν εἶναι. πρὸσ δὲ τούτοισ ἡ παρὰ τῶν ἡγεμόνων αἰδὼσ καὶ φιλανθρωπία καὶ τὸ συγκεχωρηκὸσ εἰσ ἅπαντα βελτίουσ ἢ ὁμοτίμουσ ὑμᾶσ εἶναι τοῖσ πολλοῖσ τῶν ἀρχομένων πεποίηκε δοκεῖν. ὥστε πῶσ οὐκ εἰκὸσ ἅπαντασ μὲν ἀγάλλεσθαι τοῖσ ὑπάρχουσι, πάντασ δὲ ὡσ ὑπὲρ οἰκείων καὶ κοινῶν ἀγαθῶν οὕτω διανοεῖσθαι, στασιάζειν δὲ πρὸσ αὑτοὺσ μηδαμῶσ, περὶ ὧν γε οὐδεὶσ τῶν ἔξω στασιάζει τὸ μὴ οὐ τοῖσ πᾶσι κρατεῖν. φέρε δὴ καὶ τὰσ πόλεισ ἐπέλθω τὰσ περὶ τοῦ πρωτείου νῦν ἁμιλλωμένασ καὶ παρ’ ὧν ἡ πλείστη τῆσ ἔριδοσ ἀρχὴ συμβαίνει, οὐκ αὐτῶν, ὥσ γ’ ἐγὼ φαίην ἂν, μᾶλλον ἁμαρτανουσῶν ἢ τῶν ἄλλων ὅσοι περὶ ταύτασ διῄρηνται. ᾗ γὰρ ἂν οἰκείωσ ἕκαστοσ ἔχων τυγχάνῃ, τὰσ ἄλλασ ὑπὲρ ταύτησ κακίζειν καθ’ ὅσον δύναται βούλεται. ἐγὼ δὲ τοῦτο μὲν οὔτ’ ἂν αὐτὸσ ποιήσαιμι οὔθ’ ὅστισ ἄλλοσ ποιεῖ νοῦν ἔχειν ἡγοῦμαι, τὴν δὲ ἐναντίαν πᾶσαν βαδιοῦμαι καὶ τὰσ πόλεισ ὡσ ἂν οἱο͂́σ τε ὦ κοσμήσω, κεφαλαίοισ τῶν ἐπαίνων ὥσπερ εἰκόσ ἐστι χρώμενοσ. ἄρξομαι δ’ ἀπὸ τῆσ δεχομένησ ἡμᾶσ τὰ νῦν καὶ ἢ τὸ βουλευτήριον τοῖσ περὶ τούτων λόγοισ παρέχεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ ὁμονοίασ ταῖσ πόλεσιν 3:

(아리스티데스, 아일리오스, 연설, Περὶ ὁμονοίασ ταῖσ πόλεσιν 3:)

상위

목록

SEARCH

MENU NAVIGATION