헬라어 문장 검색 - ΑριστίΟρατιον́30́0́002́

(아리스티데스, 아일리오스, 연설, Εἰσ τὸ ἐναντίον 2:)

οἱ μὲν γὰρ ἐξ ἀρχῆσ τὰ δέοντα ἐλογίζοντο, οἱ δὲ ἔργῳ δεικνύουσι προνοητικῶσ ἔχοντεσ. ὅτε μὲν γὰρ ἐξῆν ἐφιέναι ταῖσ ἐλπίσι, μεθ’ ὑμῶν ἦσαν, ὅτε δ’ ἡ πεῖρα τἀληθὲσ εὑρίσκει, πρὸσ τὸ φαινόμενον τίθενται ἦν δ’ οἶμαι φιλονεικούντων μὲν οἷσ ἐξ ἀρχῆσ προείλοντο ἐθέλειν ἐμμένειν, νοῦν δὲ ἐχόντων καὶ βουλομένων σώζεσθαι τὴν πόλιν μετὰ τῶν πραγμάτων γίγνεσθαι. οὐ γὰρ τὰ ψηφίσματα τὰσ ἐν τοῖσ ὅπλοισ πράξεισ κατορθοῖ, ἀλλ’ ὅπωσ ἂν ἔχῃ τὰ τῶν πολέμων πράγματα, τοιαῦτα δεῖ περὶ αὐτῶν γίγνεσθαι τὰ ψηφίσματα. οὗτοι μὲν οὖν οὐδὲν ἄλλο λέγουσιν ἢ ὡσ ἐπειδήπερ τὸ κατ’ ἀρχὰσ προήχθημεν, διὰ τοῦτο καὶ νῦν ἐπεξαμαρτητέον, τὸ κακὸν τοῦ κακοῦ φάρμακον ποιουμένουσ. ἐγὼ δὲ ἐξ ὧν μεθ’ ὑμῶν ἀκούων εὑρίσκω, τοὐναντίον ἡγοῦμαι βέλτιον ἂν ἡμῖν ἔχειν, ἐξ ἀρχῆσ εἰ ταῦτ’ ἀπεψήφισθε. καὶ μὴν ἄριστον μὲν ἅπασιν ἀνθρώποισ λογισμῷ τὸ μέλλον καταλαμβάνειν· δυοῖν γάρ ἐστι τοῖν καλλίστοιν σύμβολον, εὐτυχίασ τε καὶ τοῦ καλῶσ βουλεύεσθαι· εἰ δὲ τοῖσ τοῦ βελτίστου διαμαρτοῦσι μὴ ἐξέσται τὰ δεύτερα ἐκ τῶν παρόντων μεταθέσθαι, ὃ πλεῖστόν ἐστι τῶν ἀνθρωπείων, τοῦτο ἀναιρήσεται, τὸ παιδεύεσθαι παρὰ τῶν πραγμάτων, ὥστ’ ἀπέραντον ἀνάγκη τὴν κακοπραγίαν εἶναι. καὶ μὴν εἴ τισ ἔροιθ’ ὑμᾶσ τίνι τῷ μεγίστῳ νόμον ἢ ψήφισμα εἶναι διαφέρει, τοῦτ’ ἂν εὑρ́οιτε, ὅτι οἱ μὲν νόμοι τὸ δίκαιον εἰσάπαξ εὑρόντεσ κοινὸν ἔταξαν κατὰ παντὸσ τοῦ χρόνου, τὰ δὲ ψηφίσματα ταῖσ χρείαισ ἀκολουθεῖ· καὶ τὸν αὐτὸν τρόπον ὅνπερ αἱ πράξεισ ἄλλοτ’ ἄλλωσ ἐπὶ τῶν καιρῶν ἀπαντῶσιν, οὕτω τὰ ψηφίσματα καὶ τὰσ γνώμασ οἱ καιροὶ καὶ ποιοῦσι καὶ λύουσιν· εἰκότωσ. ἐν ἐκείνῳ μὲν γὰρ τῷ τρόπῳ τοῖσ πολίταισ διαλεγόμεθα, ὥστ’ ἀρκεῖ φθέγγεσθαι ταυτὸν διὰ τέλουσ, ταῦτα δὲ πρὸσ τοὺσ ἔξω καὶ πρὸσ τὰσ τοῦ πολέμου τύχασ ἀνεύρηται. οὐδὲν οὖν αὐτῶν ἐστι βέβαιον οὐδ’ ἀκίνητον, οὐδ’ οἱο͂ν μὴ λῦσαί γε δεῖν ποτε. ἀλλὰ μὴν ὅπου καὶ τοὺσ νόμουσ αὐτοὺσ ἐξεῖναι λύειν, ἐάν τι βλάπτωσιν, ἐν αὐτοῖσ εἴρηται τοῖσ νόμοισ, ἦ που ψήφισμά γε, καὶ τοῦτο ὑπὲρ πλοῦ καὶ στρατείασ, ἀνεπίφθονον διορθώσασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Εἰσ τὸ ἐναντίον 2:

(아리스티데스, 아일리오스, 연설, Εἰσ τὸ ἐναντίον 2:)

상위

목록

SEARCH

MENU NAVIGATION