헬라어 문장 검색 - ΑριστίΟρατιον́07́0́004́

(아리스티데스, 아일리오스, 연설, Ἀσκληπιάδαι 4:)

ἵδρυνται δὲ οὔτε ἐν Θετταλίᾳ οὔτε ἐν τοῖσ τῶν Κώων προαστείοισ, ἀλλὰ πάντα ἰατρικῆσ ἐνέπλησαν, ὥσπερ ὁ Τριπτόλεμοσ σίτου διὰ τῶν σπερμάτων· οὐ γὰρ ταῖσ εἰσ τὸ κοινὸν εὐεργεσίαισ, ἀλλὰ τῇ καθ’ αὑτοὺσ δυνάμει τὴν λαμπρότητα ἐκτήσαντο. πάντα γὰρ ἐκ τούτων καὶ παρὰ τούτων ἐξεφοίτησε. καὶ καθάπερ τὴν Μήδειάν φασι διὰ τοῦ Θετταλῶν πεδίου φεύγουσαν, ἐκχυθέντων τῶν φαρμάκων, ποιῆσαι Θετταλίαν ἅπασαν πολυφάρμακον, οὕτωσ ἡ τούτων ἐπιστήμη τε καὶ φιλανθρωπία χυθεῖσα ἐπὶ πλεῖστον πάσασ μὲν πόλεισ Ἑλλήνων, πολλοὺσ δὲ καὶ τῶν βαρβάρων τόπουσ ἐκόσμησέ τε καὶ κοσμεῖ, καὶ προσέτι γε ἔσωσε καὶ σώζει, καὶ ὁ τρίτοσ ἐπ’ ἀμφοῖν προσέστω χρόνοσ. εἰ δ’ ἀνὴρ εἷσ ἀπὸ τούτων Ἱπποκράτησ ἔφυ κληρονόμοσ τῆσ τέχνησ, διὰ πάντων ἰδιωτῶν τῶν μέσων ἱκανὴ τῇ τε γῇ φορὰ καὶ χάρισ τούτοισ παρ’ ἀνθρώπων ἦν ἂν τῆσ σπορᾶσ· νῦν δὲ ὥσπερ ἔθνοσ τὸ τῶν Ἀσκληπιαδῶν κατεσκευάσθη δι’ αἵματοσ τὴν τέχνην σῶζον, οὕτω θεία μοῖρα ἡγήσατο Μαχάονι καὶ Ποδαλειρίῳ τῆσ γενέσεωσ. μάθοι δ’ ἄν τισ τοῖσ Ἡρακλείδαισ αὐτοὺσ ἀντεξετάζων τῆσ χρείασ ἕνεκα τῆσ κοινῆσ καὶ τῆσ ἰδίασ τύχησ. Ἡρακλεῖδαι γὰρ ἓν μὲν καὶ πρῶτον ἐσκεδάσθησαν καὶ οὐχ ἓν σύνταγμα αὐτῶν ἐγένετο, ὡσ δ’ εἰπεῖν οὐδὲ ἓν φῦλον. οὐ γὰρ ἦσαν ὁμότιμοι, ὥστε ἀλλήλοισ ἀντὶ ξένων καθειστήκεσαν· ἔπειθ’ ὅσον αὐτῶν ἦν κράτιστον, οὔτε συμφορῶν ἄμοιρον λέγεται γενέσθαι τήν τε πατρῴαν οὐ παντελῶσ διασώσασθαι τέχνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ἀσκληπιάδαι 4:

(아리스티데스, 아일리오스, 연설, Ἀσκληπιάδαι 4:)

상위

목록

SEARCH

MENU NAVIGATION