헬라어 문장 검색 - ΑριστίΟρατιον́47́0́007́

(아리스티데스, 아일리오스, 연설, Πρὸσ Καπίτωνα 7:)

καὶ ὅπωσ αὖ μή με φήσεισ πικρότερα τοῦ δέοντοσ λέγειν. οὐ γὰρ ἔγωγέ τισ τούτων αἴτιοσ, ἀλλ’ ἔδει δέχεσθαι τὴν πρόκλησιν. αὕτη δὲ τίσ ἦν; τολμᾶν ἀκροᾶσθαι, ὥσπερ ἐν δικαστηρίῳ ἴσουσ καὶ κοινοὺσ ἀμφοῖν. ἀλλὰ γὰρ ὀρθῶσ ἐγὼ περὶ τούτων, ὡσ ἐοίκε, προεωρώμην καὶ προὔλεγον ὡσ εἰ μή τισ ἅπαντοσ τοῦ λόγου διακούσεται, οὐ μόνον οὐ τιμήσει τὰ πρέποντα, ἀλλ’ οὐδὲ εἴσεται τοῦ πράγματοσ οὐδέν. διὰ ταῦτα ἠξίουν ἀκροᾶσθαι διὰ τέλουσ ὅστισ μέλλει τὸ ἀγώνισμα πᾶν ὄψεσθαι καὶ ψῆφον ὀρθὴν καὶ δικαίαν ἐποίσειν. οὐδὲ γὰρ, ὦ ἄριστε ἀνδρῶν, οἱ δικασταὶ τοῦτον τὸν τρόπον κρίνουσι καὶ προοιμίου τινὸσ ἢ διηγήσεωσ ἀκούσαντεσ ἀπαλλάττονται, οὐδὲ αὖ ταῦτα παρέντεσ πρὸσ μέροσ τι τῶν εἰκότων συνῆλθον, ἢ ὅσον μιᾶσ τινοσ μαρτυρίασ ἀκοῦσαι ἢ τῆσ ἐπανόδου τῶν εἰρημένων, ἀλλ’ ἀκούσαντεσ ἀπ’ ἀρχῆσ εἰσ τέλοσ οὕτω τὴν ψῆφον φέρουσι· καὶ τοῦτο κἀκείνοισ οἶμαι λυσιτελεῖ. πρὸσ τῶν θεῶν τῶν ὁρκίων οὐδέ γε ὑμεῖσ ὅταν ποιῆτε Ὀλύμπια, οὐχ οὕτωσ ἀγωνοθετεῖτε, τοῦ μὲν ἅπαντα ἀκούσαντεσ τῶν ἀγωνιστῶν, τοῦ δὲ ὅσον εἰσόδιον, ἢ τῶν μὲν ἐν μέσῳ τι, ἢ τῶν ἐν τέλει. πρὸσ οὖν τί τοῦτο λέγω; ὅτι μικρῷ τινι τοῦ λόγου μέρει προστυχὼν ἀπὸ τούτου τὸ πᾶν ἔκρινασ, προοιμίου δὲ οὐκ ἤκουσασ οὐδὲ τῆσ ὅλησ καταστάσεωσ, ἣν ἐξῆν μηδὲν ἐλάττονοσ ἀξίαν νομίσαι τοῦ παντὸσ ἀγῶνοσ, ὡσ περὶ μέρουσ εἰπεῖν. τὸ γὰρ ἦθοσ ὅλον ἐνταῦθα ἂν μᾶλλον. ἐν αὐτοῖσ γὰρ ἔγνωσ ὡσ ἐπαινέσοντεσ πλέον τὸν ἄνδρα ἢ καθαιρήσοντεσ εἰσῄειμεν. οὕτω πᾶσαν αἰδῶ καὶ τιμὴν ἀπεδώκαμεν αὐτῷ, ὥστε εἰ αὐτὸσ πρὸσ αὑτὸν ἔμελλεν ἀντερεῖν, οὐκ ἄν μοι δοκοίη μᾶλλον αὑτοῦ φείσασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Πρὸσ Καπίτωνα 7:

(아리스티데스, 아일리오스, 연설, Πρὸσ Καπίτωνα 7:)

상위

목록

SEARCH

MENU NAVIGATION