헬라어 문장 검색 - ΑριστίΟρατιον́47́0́003́

(아리스티데스, 아일리오스, 연설, Πρὸσ Καπίτωνα 3:)

καὶ φιλῶν οὐκ ἀνήσω, ὅτι μὴ καὶ ὅσον οἱο͂́ν τε προσθήσω, νομίζων ἀκριβῶσ ἑταῖρόν τε ἐμαυτοῦ καὶ στασιώτην εἶναι. ἔφησθα, ὡσ ἐγὼ πυνθάνομαι, δυσχεραίνειν ὅτι ἦν ἐν τοῖσ λόγοισ μνήμη τῆσ εἰσ Σικελίαν ἀποδημίασ αὐτοῦ, καὶ ὅτι τοῦ βίου δὴ καθάπτεσθαι τοῦ Πλάτωνοσ ἐν τούτοισ ἐδοκοῦμεν· οὐ γὰρ εἰσ μελάνδετον σάκοσ ταυροσφαγοῦντεσ, ὡσ Αἰσχύλοσ ἐποίησεν, ἀλλ’ εἰσ τοὺσ Πλάτωνοσ λόγουσ ἀφορῶντεσ, ὥσπερ τινὰσ συναγωγέασ καὶ κοινοὺσ, εἰκότωσ ἂν πιστεύειν ἀλλήλοισ ἔχοιμεν περὶ ἁπάντων. πάρεστι δέ σοι γνῶναι ὅτι καὶ ἡμῖν τι προσήκει Πλάτωνοσ, εἰ καὶ μὴ τοσοῦτον ὅσον τοῖσ σοφοῖσ, ἀλλ’ ὅσον γε ἐπίστασθαι χαίρειν τῷ ἀνδρί. ἥ τε γὰρ ἡμῖν φωνὴ σὺν θεοῖσ εἰπεῖν οὐχὶ κώλυμα τὸ μηδὲν ἂν τῶν ἐκείνου δέξασθαι δύνασθαι, οὐδέ τισ ἡμᾶσ ἀπελαύνει πρόρρησισ εἰ καὶ μυστηρίων, καὶ τὸν βίον οὐ παντάπασιν ἀπᾴδειν φασὶ τῆσ ἐκείνου γνώμησ οἱ πεπειραμένοι. ἀλλ’ εἴτ’ ἐγὼ κατ’ ἐκεῖνον ἔφην τότε εἴτ’ ἐκεῖνοσ νῦν κατ’ ἐμὲ, οὐκ ἄν μοι δοκεῖ μέσοσ ἐγγενέσθαι οὐδὲ παρελθεῖν παρὰ τῷ ἑτέρῳ τὸν ἕτερον εὐνοίασ ἕνεκα καὶ τοῦ ταὐτὰ γιγνώσκειν περὶ τῶν ὅλων εἰε͂ν. φέρε δὴ πρὸσ αὐτοῦ τοῦ φιλίου Διὸσ, ἐπεὶ καὶ Πλάτων τό τε ἀληθὲσ ἁπανταχοῦ τιμᾷ καὶ τὰσ ἐν τοῖσ λόγοισ συνουσίασ ἀφορμὴν φιλίασ ἀληθινῆσ ὑπολαμβάνει, σαφέστερον κατίδωμεν τί ποτε ἦν ὅ σοι προσέστη τῶν λόγων, οὓσ δὴ πρὸσ αὐτὸν ἡμῖν φασί τινεσ πεποιῆσθαι. ἐγὼ μὲν γὰρ αὐτὸν ἐπειρώμην πανταχοῦ σύμψηφον ὄντα ἐμαυτῷ δεικνύναι. εἴτε γάρ τι ἡμῖν λελήρηται, οὐδὲν δεῖ τῆσ Στησιχόρου παλινῳδίασ, ἀλλὰ σπογγιὰ ἰάσεται, εἴτε τι καὶ κρεῖττον ἐν τοῖσ λόγοισ ἔνεστιν ἢ ὡσ τοῦτο τὸ ἆθλον πρέπειν αὐτοῖσ. σὺ δὲ ἐπαίνει μὲν, εἴ σοι μὴ δοκεῖ, μηδὲν μᾶλλον, συγγίγνωσκε δὲ ὅμωσ, εἰ μὴ καὶ τιμῆσ ἀξιοῖσ, ἀλλὰ τούτου γε ἂν ἀξιοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Πρὸσ Καπίτωνα 3:

(아리스티데스, 아일리오스, 연설, Πρὸσ Καπίτωνα 3:)

상위

목록

SEARCH

MENU NAVIGATION