헬라어 문장 검색 - ΑριστίΟρατιον́45́0́039́

(아리스티데스, 아일리오스, 연설, Πρὸσ Πλάτωνα περὶ ῥητορικῆς 39:)

εἰ γὰρ μὴ φράσαισ τὸ ἐρώτημα, οὐδὲν ἔχει σοι λέγειν περὶ ὧν εἶδε σημείων. ἀλλ’ ἀντὶ τοῦ περὶ τοῦ μέλλοντοσ ἔχειν εἰπεῖν οὐδ’ αὐτὸ τοῦτο οἶδεν ὅτου χάριν ἥκεισ, εἰ μὴ πύθοιτο. οὐ γὰρ ἔγκειται τὰ πράγματα αὐτῷ προφαινόμενα, ἀλλὰ τὰσ πίστεισ τοῖσ σημείοισ προσάγων εἰκάζει πρὸσ τὸν λόγον. καὶ οὐ μόνον κατὰ τοῦτ’ ἐλέγχεται στοχάσασθαι τοῦ μέλλοντοσ ὂν τὸ μαντεύεσθαι, ὅπερ καὶ τῶν ποιητῶν ἤδη τισ ἐμαρτύρησεν, ἀλλὰ κἂν ἀποκρίνηται τὸ ἐρωτηθὲν, εἰκάζει τὰ κύκλῳ πρὸσ τὸ πρᾶγμα. νίκη πολέμου, καὶ τίνοσ συμβάντοσ οὐκ οἶδεν, οὐδ’ ἁπλῶσ τῶν περὶ τὴν μάχην οὐδὲν, ἀλλ’ εἰκάζει. πάλιν ἢ πολιτῶν, ἤ τινων ἄλλων ἐπιβουλὴ, καὶ τὸν τρόπον οὐκ ἔχει φράσαι, ἀλλ’ ὥσπερ τὰ ὀνείρατα οὕτωσ συμβάλλεται. τὴν δ’ Αἰγυπτίων σοφίαν τίσ οὐκ οἶδε τῶν ἐντετυχηκότων; ὡσ ἅ γ’ ἂν ἢ φοβήσῃ περὶ τοῦ μέλλοντοσ ἢ ὑπόσχηται, τόν γε τρόπον καὶ τοὺσ τόπουσ καὶ τὸ μέτρον, οὐκ ἔχει διορίσασθαι ἀλλ’ ἢ πλοῦτον, ἢ πενίαν, ἢ λύπην, ἢ χαρὰν, ἢ θάνατον, ἢ πράξεισ, ἢ τὰ τοιαῦτα λέγει, αὐτὰ δ’ ἕκαστα οὐ συνείληφεν, ἀλλὰ τὰ μὲν πρὸσ τὸ μέγεθοσ τῶν φαινομένων, τὰ δὲ πρὸσ τὰ νόμιμα εἰκάζει τὰ ἑκάστων, τὰ δὲ πρὸσ τὰ ὅμοια, ἔστι δ’ ἃ καὶ πλεῖστον ἀλλήλων κεχωρισμένα. πανταχοῦ δὲ τὴν ἐπίνοιαν παρακαλεῖ, ὅτι ταύτησ καὶ μόνησ καὶ μόνον εἶναι δοκεῖ τὸ εἰκάζειν, ἀλλὰ μὴ ἁπλῶσ εἰπεῖν. οὐδὲν οὖν ἀλλ’ ἢ εἰκάζουσα τῇ ἀληθείᾳ φαίνεται διὰ πάντων. τί δὲ περὶ ῥητορικῆσ εἰ στοχάζεται θαυμάζεισ; φαίνεται γὰρ ὁμοίωσ διακειμένη τῇ μαντικῇ, πλὴν ὅσον μαντικὴ μὲν ἀπήλλακται στοχασαμένη, ῥητορικὴ δὲ οὐ στοχάζεται μόνον τῶν πραγμάτων, ἀλλὰ καὶ πράττει διὰ τῶν ὑπηρετῶν ἅττ’ ἂν εὑρίσκῃ βέλτιστα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Πρὸσ Πλάτωνα περὶ ῥητορικῆς 39:

(아리스티데스, 아일리오스, 연설, Πρὸσ Πλάτωνα περὶ ῥητορικῆς 39:)

상위

목록

SEARCH

MENU NAVIGATION