헬라어 문장 검색 - ΑριστίΟρατιον́42́0́016́

(아리스티데스, 아일리오스, 연설, Περὶ ὁμονοίασ ταῖσ πόλεσιν 16:)

μὴ γὰρ εἰ μηδὲν ἀνήκεστον νῦν γίγνεται, μηδὲ γὰρ γένοιτό ποτε ὦ Ζεῦ καὶ θεοὶ, ἀλλά τοι τῶν γε πονηρῶν καρπῶν οὐδὲ τὸ σπέρμα φασὶ δεῖν σώζειν. πιστεύειν δὴ χρὴ καὶ Ὅμηρον ἀληθῆ λέγειν, ὡσ ἄρα ἔρισ ἄρχεται μὲν ἐξ ὀλιγίστου, προέρχεται δὲ ἐπὶ μήκιστον. ἄνευ γὰρ τοῦ πᾶσαν αὐτῷ τὴν Ἰλιάδα εἰσ τοῦτο αὐτὸ συγκεῖσθαι καὶ στάσεωσ εἶναι κατηγορίαν ἅπαν τὸ ποίημα, λέγει δή που καὶ διαρρήδην εἰσ τὴν Ἔριν ταυτὶ τὰ ἔπη ἣ ὀλίγον μὲν πρῶτα κορύσσεται, αὐτὰρ ἔπειτα οὐρανῷ ἐστήριξε κάρη καὶ ἐπὶ χθονὶ βαίνει. ἐγὼ δ’ οὐρανοῦ μὲν ψαύειν ἔριν οὐκ ἔχω ὅπωσ συγχωρῶ· δειναὶ γὰρ αἱ Διὸσ, οἶμαι, πύλαι κλεῖσαι πάροδον παντὶ νοσήματι· τοσοῦτον δ’ ἂν ἔχοιμι διισχυρίσασθαι ὅτι ἥκιστα δὴ τοῦτο τῶν ἀνθρωπείων περιγραπτοὺσ ἔχει τοὺσ ὁρ́ουσ. ὅλωσ μὲν οὖν οὐδὲν, οἶμαι, χρὴ τοσοῦτον ἆθλον νομίζειν οὔθ’ ὑπὸ γῆσ οὔτ’ ἐν φανερῷ κατακείμενον ὥστ’ ἀξιόχρεων εἶναι μανίασ τοσαύτησ· εἰ δ’ ἄρα δεῖ καὶ τοῦτ’ εἰπεῖν, ἐνθυμεῖσθ’ ὅτι τοῖσ Λακεδαιμονίοισ τότε καὶ τοῖσ Ἀθηναίοισ καὶ πρόσ γ’ ἔτι Θηβαίοισ ἦν τι σχῆμα τῶν πρὸσ ἀλλήλουσ πραγμάτων. προστασία γὰρ τῶν Ἑλλήνων καὶ τὸ δοκοῦν ἑαυτοῖσ προστάξαι κυρίοισ εἶναι καὶ παρ’ ἐκείνουσ ἰέναι τοὺσ δεομένουσ, καὶ χρημάτων δὴ σύλλογοι καὶ πολλὰ τοιαῦτα ὑπῆρχεν ὥσπερ ἀφορμὴ τῆσ φιλονεικίασ. οὐ πάντη μὲν, οἶμαι, πράγματα αἱρετὰ ‐ τίσ δ’ ἂν φήσειεν εὖ φρονῶν; ‐ ὅμωσ δ’ εἶχέ τινα νοῦν ὡσ εἰπεῖν ἡ νόσοσ. ὑμεῖσ δὲ, ὦ ἄνδρεσ Ιὤνεσ, καὶ ὑμεῖσ, ὦ ἄνδρεσ εἴτε αὐτόχθονεσ εἴτε Ἀρκάδεσ, χαίρετε ἀκούοντεσ, εἴ τισ ἔροιθ’ ὑμᾶσ ἀντὶ τοῦ στασιάζετε καὶ φιλονεικεῖτε καὶ ταράττεσθε καὶ τετύφωσθε, τί πρὸσ θεῶν ἀποκρινεῖσθε; ὑπὲρ ποίασ ταῦτα ποιεῖν ἡγεμονίασ, ἢ τίνων συμμάχων, ἢ ποίων λιμένων, ἢ τριήρων, ἢ φόρων, ἢ τόπων, ἢ τί τοσοῦτόν ἐστι τὸ νικῶν τοὺσ λογισμούσ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ ὁμονοίασ ταῖσ πόλεσιν 16:

(아리스티데스, 아일리오스, 연설, Περὶ ὁμονοίασ ταῖσ πόλεσιν 16:)

상위

목록

SEARCH

MENU NAVIGATION