헬라어 문장 검색 - ΑριστίΟρατιον́38́0́009́

(아리스티데스, 아일리오스, 연설, Συμμαχικὸσ α# 9:)

πρὸσ μὲν οὖν τὴν πρεσβείαν, οἶμαι, τὴν παρ’ ἐκείνου πρέσβεων ἡμετέρων ἔδει, τῷ δὲ στρατεύματι στράτευμα ἀντιπροσέρχεται. εἰ δέ τισ ἡγεῖται παράδοξον ἡμᾶσ ὑπὲρ ὑμῶν πεφοβημένουσ ἥκειν, ἐνθυμείσθω κἀκεῖνο, ὡσ παράδοξον Φίλιππον ἐφ’ ἡμᾶσ ὑπὲρ τῶν ὑμετέρων ἐγκλημάτων ἔρχεσθαι. μὴ τοίνυν δυοῖν παραδόξοιν ὃ μέν ἐστι καθ’ ὑμῶν ἰσχυρὸν ποιήσητε, ὃ δ’ εἰσ σωτηρίαν ὑπάρχει διαφθείρητε. ἡμεῖσ δὲ πῶσ οὐκ ἐμέλλομεν αἰσχυνεῖσθαι, εἰ Βυζαντίουσ μὲν πρώην ἀφειλόμεθα κινδύνου καὶ Περινθίουσ καὶ Χερρονησίτασ, ἔτι δ’ Εὐβοέασ καὶ Χαλκιδέασ, τό γ’ ἐφ’ ἡμῖν, ἔχοντεσ εἰπεῖν περὶ πάντων τούτων ὡσ οὐ κάλλισθ’ ἡμᾶσ ἐδεδράκεσαν, ὑμᾶσ δὲ ψυχρῶν ἂν ἕνεκ’ ἐγκλημάτων περιίδοιμεν πᾶσι τοῖσ οὖσι κινδυνεύοντασ· ὧν τίσ συνηθέστεροσ ἡμῖν ἐν ἅπασι τοῖσ Ἕλλησι; θαυμάζω δὲ Πύθωνοσ, εἰ τῶν μὲν δυσχερῶν ὑμᾶσ ἀξιοίη μνημονεύειν ἃ παρ’ ἀμφοτέρων ἀκουσίωσ γεγένηται, τῶν δ’ εἰσ οἰκειότητα καὶ πίστιν φερόντων ἐκ τοῦ παντὸσ χρόνου τοσούτων τὸ πλῆθοσ οὐχὶ νομίζει ποιήσεσθαι λόγον, καὶ ταῦτα πάντων ἀνθρώπων συνειδότων ὡσ ἐν καλῷ γεγόνασιν ἀλλήλαισ ἐπὶ τῶν χρειῶν αἱ πόλεισ. ὡσ μὲν οὖν Οἰδίπουν ἐδεξάμεθ’ ἡμεῖσ καὶ ὡσ Διόνυσοσ παρ’ ὑμῶν ὁρμηθεὶσ Ἰκαρίῳ συγγίγνεται, καὶ τὴν δωρεὰν ἣν ἔδωκε, καὶ ὡσ Ἡρακλῆσ ἐμυήθη ξένων πρῶτοσ, καὶ ὡσ πρῶτοι νεὼν ἱδρυσάμεθ’ αὐτῷ, καὶ τῶν παίδων ὡσ προὔστημεν, καὶ πάνθ’ ὅσα τοιαῦτα, ἐάσομεν· ἀλλ’ ὧν ἔτι ζῶσιν οἱ μάρτυρεσ, τοῦτο μὲν ἡμεῖσ ὅτ’ ἠτύχησεν ὁ δῆμοσ, ὡσ δεῦρ’ ἐλθόντεσ πατρίδα τὰσ Θήβασ εἴχομεν, καὶ Λακεδαιμονίων μετὰ τοῦτο κελευόντων ὑμᾶσ συνεμβάλλειν εἰσ τὴν Ἀττικὴν ἅπαντεσ ἀπεψηφίσασθε, τοῦτο δ’ ὑμεῖσ, ἡνίκ’ αὖθισ ἐφ’ ὑμᾶσ ἐβάδιζον Λακεδαιμόνιοι, τοσοῦτον ἀπέσχομεν τοῦ στρατεῦσαι μετ’ ἐκείνων, ὥστ’ ἀτειχίστου τῆσ πόλεωσ οὔσησ ἐκστρατευσάμενοι καὶ μάχῃ νικήσαντεσ μεθ’ ὑμῶν ἠλευθερώσαμεν τὴν Βοιωτίαν, ἀνάγκῃ μὲν οὐδεμιᾶσ συμμαχίασ, γνώμῃ δ’ ὑμᾶσ εὖ ποιεῖν ἑλόμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Συμμαχικὸσ α# 9:

(아리스티데스, 아일리오스, 연설, Συμμαχικὸσ α# 9:)

상위

목록

SEARCH

MENU NAVIGATION