헬라어 문장 검색 - ΑριστίΟρατιον́38́0́004́

(아리스티데스, 아일리오스, 연설, Συμμαχικὸσ α# 4:)

τί οὖν; ἐπεὶ πρὸσ τὸν εὐεργέτην ἐκινδύνευον καὶ περιειστήκει κακῶν αὐτοὺσ Ἰλιὰσ, τίνεσ αὐτοῖσ ἧκον εἰσ σωτηρίαν; οὐδένεσ οὔτε πρὸ ἡμῶν οὔτε μεθ’ ἡμᾶσ. ἀλλ’ ἐνταῦθα καὶ κάλλιστα ἐδείχθη τὸ μέσον τῆσ τε ἡμετέρασ καλοκἀγαθίασ καὶ τῆσ ἐκείνου πλεονεξίασ. οἱ μὲν γὰρ ἐν ἐχθρῶν μοίρᾳ κριθέντεσ ὑπ’ αὐτῶν, ἡνίκ’ ἀληθινῶν φίλων ἐδέησε, παρῆμεν πρῶτοι καὶ μόνοι, ὁ δὲ πάντ’ ἐλάττω διδοὺσ ἢ ἐβούλετο, οὑτοσὶ πάντα συλλαβὼν εἶχεν, αὐτοὺσ, τὰ ὅπλα, τὴν πόλιν, τὴν χώραν· καὶ διὰ μέν γε Φίλιππον ἠρήμωνται, διὰ δὲ τὴν ἡμετέραν ἀρετὴν οἱ διαφυγόντεσ Ἀθήνησι σώζονται. ἆρ’ οὐχ ἡμεῖσ πολέμιοι βελτίουσ ἢ Φίλιπποσ φίλοσ καὶ πλείω χάριν ἡμῖν τῆσ ἔχθρασ ἢ Φιλίππῳ δεῖ τῶν εὐεργεσιῶν ἔχειν; καὶ μὴν οὐδ’ ἐκεῖνό γ’ ἔστ’ εἰπεῖν ὡσ ὑμεῖσ τι τοιοῦτον ἐνδείξεσθε φιλανθρώπευμα Φιλίππῳ, διὸ καὶ παρὰ τὴν ὑπάρχουσαν φύσιν αὐτῷ φείσαιτ’ ἂν ὑμῶν. οὔτε γὰρ τῆσ ἀξίασ τῆσ ὑμετέρασ τοὺσ ἔξω θαυμάζειν οὔθ’ ὑπερβάλλοισθ’ ἂν Ἀμφιπολίτασ καὶ Πυδναίουσ, ὧν οἱ μὲν ἔθυον ὡσ θεῷ, οἱ δὲ τοῦ πατρὸσ αὐτοῦ νεὼν εἶχον δεικνύναι. ἀλλ’ ὅμωσ τοὺσ μὲν ἐξέβαλεν, ἡνίκ’ αὐτῶν ἦν διακορὴσ, τοὺσ δ’ ἀπέσφαττεν ἐν τῷ νεῷ τοῦ πατρὸσ, ὀμνὺσ ἔτι, καὶ τὰσ σπονδὰσ αἱ σφαγαὶ κατελάμβανον. καίτοι μὴ νομίζετ’ αὐτὸν τοῖσ μὲν ἔξω Πυλῶν καὶ τοῖσ ἐπὶ Θρᾴκησ ἐποικοῦσιν οὕτω χαλεπῶσ ἔχειν καὶ φθονεῖν, οἳ τίνοσ αὐτοὺσ εἶναι δεῖ σκοποῦντεσ ἀεὶ διαγεγόνασιν, ὑμῶν δὲ τῶν σὺν ἡμῖν τοῖσ Ἕλλησιν ἐξεταζομένων καὶ ὧν οἱ τῶν Ἑλλήνων ποτ’ ἄρχοντεσ μίαν πληγὴν οὐχ ὑπήνεγκαν μηδένα ποιεῖσθαι λόγον, ἀλλ’ ἡδέωσ ἂν ἄμεινον ὁρᾶν πράττοντασ ἢ ’κείνῳ συμφέρει· οὐχ οὕτω ταπεινὸν οὐδὲν σύνιστε ὑμῖν αὐτοῖσ, ὥστε ἢ μὴ δεῖσαι τὸν Φίλιππον, ἢ μὴ πιστεύειν ἐκείνῳ τοῦτ’ ἐνεῖναι πρὸσ ὑμᾶσ, ἀλλ’ ἐξ ὧνπερ ἡμᾶσ, ἐκ τῶν αὐτῶν οἶμαι καὶ ὑμᾶσ κρῖναι πολεμίουσ. ἡμᾶσ τε γὰρ οἶδεν οὐδαμῶσ ἂν ὑπείξοντασ ἐν δούλων μοίρᾳ ὑμᾶσ τε ἑτέρουσ τοιούτουσ ὑπολαμβάνων ἐχθροὺσ εἰκότωσ ἡγεῖται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Συμμαχικὸσ α# 4:

(아리스티데스, 아일리오스, 연설, Συμμαχικὸσ α# 4:)

상위

목록

SEARCH

MENU NAVIGATION