헬라어 문장 검색 - ΑριστίΟρατιον́30́0́015́

(아리스티데스, 아일리오스, 연설, Εἰσ τὸ ἐναντίον 15:)

ἐγὼ δὲ φοβοῦμαι μὲν ἃ μικρῷ πρόσθεν εἴρηκα, φοβοῦμαι δὲ καὶ τοὺσ οἰωνοὺσ, βλέπων μὲν εἰσ τὰ μυστήρια ὡσ οὐ καλῶσ ἐξεφοίτησε πρὶν ἐκπλεῖν ἡμᾶσ, βλέπων δ’ εἰσ τοὺσ ἑρμᾶσ ὡσ διετέθησαν, ἐνθυμούμενοσ δὲ ὡσ ὁ ταῦτα συμβουλεύσασ ἐπάρατοσ γεγένηται καὶ μόνῳ τούτῳ δημοσίᾳ τὰ γένη τὰ ἱερὰ κατηράσατο. ἀναμιμνήσκομαι δὲ καὶ τῆσ εἰσ Αἴγυπτον στρατείασ, ἣν καλῶσ οὗτοσ ἀρτίωσ περιέστελλεν, ἣ διακοσίασ ἡμῶν τριήρεισ παρείλετο, καὶ ταῦτ’ ἐχόντων μοῖραν ἤδη Αἰγύπτου οὐκ ἐλάττω τῆσ πάσησ Σικελίασ· καὶ οὐδ’ ἐνταῦθα ἔστημεν, ἀλλὰ χρόνου διελθόντοσ ᾤχοντο ἕτεραι πεντήκοντα βοηθοὶ ταῖσ ἐκεῖ, καὶ οὔτ’ ἐκείνασ οὐδὲν ὤνησαν καὶ αὐτοὶ προσαπώλοντο ἐπιθήκην. τοῦτο μέντοι, τοῦτο ἐγὼ φρίττω τὸ παράδειγμα, ὦ Ἀθηναῖοι, καὶ οὔτε νὺξ οὔτε ἡμέρα παραιρεῖται τὴν μνήμην αὐτοῦ· καὶ δέομαι πάντων ὑμῶν τὴν Σικελίαν ὡσ τὴν Αἴγυπτον φυλάξασθαι καὶ μὴ πολλὰ τοιαῦτα ποιεῖν παραδείγματα, λογιζομένουσ εἰ τότε τισ ταῦτ’ εἰπὼν ἔπεισε, μάλιστα μὲν ἐξ ἀρχῆσ μὴ πλεῖν εἰσ Αἴγυπτον, εἰ δὲ μὴ, τάσ γε δευτέρασ τριήρεισ μὴ πέμπειν, ὡσ οὐδ’ ὁτιοῦν ἂν πρᾶγμα τῇ πόλει συνέβη, ἢ τά γε δεύτερα οὐκ ἂν προσαπώλετο. ἀλλὰ μὴν εἰ πάντεσ ἐπίστασθε ὅτι κἀκεῖνα ἡμαρτήθη γνώμῃ συμβούλων καὶ τῷ τοὺσ κωλύοντασ ἔλαττον σχεῖν, ὁρᾶτε μή ποτε καὶ νῦν τῆσ ἡμετέρασ ἥττησ αὐτοὶ τὴν δίκην δῶτε. ἐνθυμεῖσθε δ’ ὡσ οὐδ’ ἀπὸ τῶν ἐν Κύπρῳ ποτὲ νικῶν πολλῶν καὶ μεγάλων περιεγένετο ἡμῖν αὐτήν γε κτήσασθαι τὴν Κύπρον, ἀλλ’ ἀφέντεσ αὐτὴν ἀνεχωρήσαμεν. ὡσ δὲ καὶ τὸ χωρίον λοιμῶδεσ οὗ τὸ στρατόπεδον πάντεσ ἴσωσ πυνθάνεσθε. ἃ χρὴ λογιζομένουσ οὐκ εἰ μετὰ παιάνων ἐκπλεύσαντασ ἀπράκτουσ ὑποδεξόμεθα ἀφόρητον νομίζειν, ἀλλ’ ἐκεῖνο πάντων ἂν γενέσθαι σχετλιώτατον, εἰ οὓσ τότε ὡσ ἀρχὴν ἐπικτησομένουσ καὶ μετὰ τοιούτου σχήματοσ ἐξεπέμπομεν, τούτουσ ὑπ’ ἄλλων ποτὲ φωνῶν ζητήσομεν, καὶ ἡ τότε ἅμιλλα μέχρι Αἰγίνησ οὐκ ἐάσει νῦν αὐτοὺσ εἰσ τοὺσ οἰκείουσ λιμένασ ἀποσωθῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Εἰσ τὸ ἐναντίον 15:

(아리스티데스, 아일리오스, 연설, Εἰσ τὸ ἐναντίον 15:)

상위

목록

SEARCH

MENU NAVIGATION