헬라어 문장 검색 - ΑριστίΟρατιον́30́0́013́

(아리스티데스, 아일리오스, 연설, Εἰσ τὸ ἐναντίον 13:)

πάντεσ γὰρ ἄνθρωποι συνήσονται, ὅσον μὲν εἰσ ἡμᾶσ κἀκείνουσ ἧκεν, οὐδὲ μικρὸν αὐτοὺσ ἀντᾶραι δυνηθέντασ, Λακεδαιμονίων δὲ καὶ Κορινθίων ἐπελθόντων καὶ τῶν ἀρχαίων πολεμίων οὕτωσ ἡμᾶσ δόντασ λογισμὸν ἡμῖν αὐτοῖσ πρὸσ τὰ παρόντα. ὥστ’ οὐ μόνον ἀσφάλεια, ἀλλὰ καὶ δόξα ἀγαθὴ τῇ γνώμῃ προσγίγνεται. οὗτοι μὲν οὖν φοβοῦνται μὴ φεύγειν δοκῶμεν, ἐγὼ δὲ ἀπεύχομαι μὲν τοῦ λόγου τὴν ἀλήθειαν, τὸν ἐναντίον δὲ φοβοῦμαι φόβον μὴ πλεονάζοντεσ, εἶτ’ οὐ δυνηθῶμεν φεύγειν, ἀλλὰ πάθωμεν ταυτὸν τοῖσ περὶ τοὺσ κύβουσ φιλονεικοῦσιν, οἷσ ἐξὸν παριδεῖν ὅσον ἐζημιώθησαν, εἶτα ἀθώοισ εἶναι τοῦ πλείονοσ, ἡ μετὰ τῆσ ὀργῆσ ἔρισ τὴν εἰσ τοὔσχατον ἤνεγκε βλάβην. δοκεῖ δ’ ἔμοιγε τοὐναντίον εἶναι οὐκ ἐν μὲν τῷ πέμπειν τὴν βοήθειαν ἢ λαβεῖν Σικελίαν ἢ κομίσασθαι τοὺσ ἄνδρασ πάλιν, ἐν δὲ τῷ καλεῖν ἤδη διεφθάρθαι τἀκεῖ πράγματα, ὥσπερ ἀρτίωσ ἠκούετε. ἀλλ’ ἡμεῖσ ἑώσ ἐστὶ καιρὸσ εἰ μὲν μεταπεμψόμεθα καὶ γενησόμεθα πάντεσ ἐν ταὐτῷ, φημὶ θεῶν ἵλεων ὄντων ἐλπίδασ καταλείπεσθαι περὶ τῶν ἐκεῖ πραγμάτων, ὥσπερ καὶ πρότερον συνέβη πέμψασι κατὰ καιροὺσ, ἔπειθ’ ὕστερον μειζόνωσ ἐπιθέσθαι δυνηθῆναι. ἂν δ’ ὠθιζώμεθα πρὸσ τὸ ἀδύνατον, φημί τιν’ ἡμῶν κέρδοσ τὴν ζημίαν ἡγήσεσθαι, εἰ μόνον τῶν πραγμάτων συμβαίη διαμαρτεῖν καὶ πλέον μηδὲν προσυπάρξει παθεῖν. ἔπειτα καὶ τίσ τῶν στρατηγῶν, ὦ Ἀθηναῖοι, θαρρήσει καθ’ αὑτὸν δεῦρο ἀνάγειν ἀθρόαν τὴν δύναμιν, ὅταν ὑμῖν προσαγγελθὲν ἀπεψηφισμένοι φαίνησθε, μηδὲ τοὺσ ἐλάττουσ ἐπανήκειν πρὶν πρᾶξαι περὶ ὧν ἐπέμφθησαν· καὶ ὅπου νῦν ὤκνησε Νικίασ τὰ παρ’ ὑμῶν, τί ποθ’ ἡγήσεται πείσεσθαι δευτέρασ ἐλπίδοσ ὑμῶν ἁμαρτόντων; οὕτωσ ἢ νικήσοντασ πέμπετε, ἢ θάτερον οὐ βούλομαι προσθεῖναι. ἐν οἷσ δὲ ἐγὼ λέγω πάντα ἐφ’ ὑμῖν μετὰ τοῦ καιροῦ γίγνεται, καὶ τὸ λαβεῖν Σικελίαν, ἐὰν ἐξῇ, καὶ τὸ αὐτούσ γε εἶναι σῶσ, ἐὰν ἄρα ἐκεῖνο μόνον μὴ συμβῇ. καὶ γὰρ εἰ μὲν ῥᾴδιον τἀνταῦθα καταστήσασθαι, χρησαμένουσ ἁπάσῃ τῇ δυνάμει, ῥᾴδιον πλεῖν ἐξ ὑπαρχῆσ ἐπ’ ἐκεῖνα·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Εἰσ τὸ ἐναντίον 13:

(아리스티데스, 아일리오스, 연설, Εἰσ τὸ ἐναντίον 13:)

상위

목록

SEARCH

MENU NAVIGATION