헬라어 문장 검색 - ΑριστίΟρατιον́30́0́011́

(아리스티데스, 아일리오스, 연설, Εἰσ τὸ ἐναντίον 11:)

εἰ γὰρ ἐνταῦθα τὸ αἰσχρόν ἐστι, τί μᾶλλον ἐάν γε μένωσι λύεται, ἑώσ ἂν τὸ τυχεῖν ἓν τῶν ἀδυνάτων; ἐμοὶ μὲν γὰρ τοὐναντίον, ὦ Ἀθηναῖοι, φαίνεται, ἔτι μεῖζον ταύτῃ γε τὸ αἰσχρὸν καθίστασθαι. εἰ γὰρ ἐμμείναντεσ ὥσ τι δράσοντεσ, εἶτα πείσονται πλείονα ἢ νυνὶ πεπόνθασι, πῶσ οὐχ ὅπερ εἶπον συμβήσεται; ἀλλὰ μὴν ὅτε τοῦθ’ ἓν φαμὲν ἂν αἰσχύνεσθαι τὸ μηδὲν καταπρᾶξαι, οὐχ ἡ νῦν κλῆσισ ἔχει τὸ αἰσχρόν· οὐδὲν γὰρ μᾶλλον αὐτὴ τά γε ἐκεῖ διέφθαρκεν, ἀλλ’ ἡ τότε ἔκπεμψισ τῶν ἀδυνάτων ἡμᾶσ ἐπιθυμοῦντασ ἤλεγξεν. ὥστε τοῖσ ἐκεῖνα πείσασιν ἐγκλητέον, οὐ τοῖσ ταῦτα συμβουλεύουσι. διὰ γὰρ ἐκείνουσ φεύγειν ἠναγκάσμεθα, ὡσ αὐτοὶ λέγουσι, ἐξὸν κατὰ χώρασ ἐξ ἀρχῆσ μένειν. ἐγὼ δ’ οὐδὲ φυγὴν εἴποιμ’ ἂν, ὦ Ἀθηναῖοι, τόν γε τοιοῦτον εἶναι· οὐδαμῶσ. εἰ μὲν γὰρ ἐπιόντασ αὐτοὺσ μὴ ἐτολμῶμεν ὑφίστασθαι, εἰκότωσ ἄν τισ ἔφη δειλίαν εἶναι· εἰ δὲ ἐπήλθομεν ἐκ περιουσίασ, εἰ μὲν προὐχώρει, μὴ προαπελθεῖν, ἀντιπεσόντοσ δὲ ἀναχωρεῖν τῆσ αὐτῆσ ἐστι σωφροσύνησ. οἱ γὰρ ὑπὲρ τοῦ πλείονοσ πόλεμοι τοῦτον ἔχουσι τὸν νοῦν, ἂν μὲν ἐξῇ λαβεῖν, τολμᾶν, εἰ δὲ μὴ, τό γε δεύτερον, μὴ χείρω τἀρχαῖα ποιῆσαι· ὥσπερ οἶμαι καὶ τοὺσ ἀγαθοὺσ χρηματιστὰσ ὁρῶμεν οὐκ εἰ μὴ πλείω τὰ ὄντα ποιῆσαι δυνήσονται, καὶ τοῖσ ἀρχαίοισ ἑκόντασ βλαπτομένουσ, ἀλλ’ ἐπιχειροῦντασ μὲν ἐάν τι περιῇ, μὴ φιλονεικοῦντασ δὲ ἐάν τι κωλύῃ. ἐπὶ τούτοισ γε, ὦ Ἀθηναῖοι, τοῖσ λόγοισ οὐδὲ νῦν ἀπὸ τοῦ παρατειχίσματοσ χρῆν ἀναχωρῆσαι Νικίαν, οὐδ’ ὅσουσ ἀγῶνασ ἠγωνίσαντο οἱ στρατιῶται, οὐκέτι χρῆν ἀναχωρεῖν, ὡσ ἐοίκεν, ἐπειδή γε ἅπαξ συνέστησαν. μωρία ταῦτα καὶ γέλωσ. ὅτι δ’ οὐδὲν ἔξω τῶν εἰωθότων οὐδ’ ἀπὸ τῆσ ἀνθρωπείασ φύσεωσ ποιήσομεν, ἂν μὴ τοῖσ ἀνηνύτοισ προσκαθεζώμεθα, ὀλίγων ἅμα καὶ ἐναργῶν ἀναμνήσθητε. οἶδα μὲν γὰρ εἰσ Θετταλίαν ποθ’ ἡμᾶσ στρατεύσαντασ ὑπὲρ τῶν Ὀρέστου πραγμάτων, ὡσ οὐ προὐχώρει, πάλιν μετ’ ἐκείνου δεῦρ’ ἀναστρέψαντασ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Εἰσ τὸ ἐναντίον 11:

(아리스티데스, 아일리오스, 연설, Εἰσ τὸ ἐναντίον 11:)

상위

목록

SEARCH

MENU NAVIGATION