헬라어 문장 검색 - ΑριστίΟρατιον́30́0́009́

(아리스티데스, 아일리오스, 연설, Εἰσ τὸ ἐναντίον 9:)

ταὐτὰ δὲ ταῦτα λέγω καὶ περὶ τῶν ἐν Ἰταλίᾳ πραγμάτων, ὡσ οὐκ ἂν ὑμᾶσ ἐκφύγοι σχολῆσ ἀπὸ τῶν ἄλλων παραπεσούσησ. εἰ μέντοι δεήσει κατὰ ταυτὸν καὶ Πελοποννησίοισ καὶ τοῖσ ἐν Σικελίᾳ καὶ Ἕλλησι καὶ βαρβάροισ πολεμεῖν, καὶ πρὸσ τούτοισ ἔτι τοῖσ ἀπὸ τῆσ ἀντιπέρασ ἠπείρου μετ’ ἐκείνων ἐσομένοισ, οὐκέτι τοῦτ’ ἔχω θαρρεῖν, ἀλλὰ δέδοικα τὰσ ἐλπίδασ ἡμῶν μακρὰσ οὔσασ. ἡ γὰρ παρενθήκη τοῦ πολέμου κινδυνεύει μείζων τοῦ κεφαλαίου ἡμῖν καθίστασθαι, οἵτινεσ ἀξιοῦμεν Σικελίαν καὶ Ἰταλίαν καὶ Καρχηδόνα καὶ μικροῦ δεῖν πάντασ ἀνθρώπουσ ὑποχειρίουσ ποιήσασθαι, ἵν’ αὐτοὺσ δεῦρο κομίσαντεσ τὴν Πελοπόννησον παριστῶμεν. ἐμοὶ δὲ, ὦ Ἀθηναῖοι, καὶ μηδεὶσ ὑπολάβῃ δυσκόλωσ, τοὐναντίον δοκεῖ πρότερον ἐγχωρεῖν τε καὶ χρῆναι τὴν Πελοπόννησον ὑφ’ ἡμῖν αὐτοῖσ ποιήσασθαι, ἵνα διὰ τούτων τῶν ἔξω τοσούτων κρατήσωμεν, καὶ δεῖν διὰ τούτων ἐκεῖνα προσκτήσασθαι μᾶλλον ἢ τοῖσ ἐκεῖ τούτων ἕνεκα ἐγχειρεῖν ἐν ἀκαιρίᾳ. ὅτι δ’ οὐκ ἐκείνῳ τῷ λόγῳ χρὴ πιστεύειν, ὡσ ἡ πολλὴ τῆσ Συρακοσίων δυνάμεωσ πρὸσ ἡμῶν ἐστιν, ἀκούσατε. οὐδεὶσ, ὦ Ἀθηναῖοι, τῶν ἐν Σικελίᾳ οὔτε Ἑλλήνων λέγω οὔτε βαρβάρων ἐξ ἴσου Συρακοσίουσ τε μισεῖ καὶ ἡμῖν εὐνοϊκῶσ ἔχει, ἀλλ’ ὥσ μοι δοκοῦσι διακεῖσθαι φράσω. ἐκεῖνοι, μέχρι μὲν μηδεὶσ ἀφῖκτο παρ’ ἡμῶν εἰσ Σικελίαν, ἐδυσχέραινον Συρακοσίουσ, ὥσπερ ἡμᾶσ πολλοὶ τῶν ἡμετέρων συμμάχων. οὐδεὶσ γὰρ ἑκὼν οἶμαι δουλεύειν βούλεται. δυνάμεωσ δὲ τοσαύτησ φανείσησ, καὶ πάλιν ἄλλησ πεμπομένησ ὑφ’ ἡμῶν καὶ τῆσ διανοίασ οὔσησ περιφανοῦσ, οὐκέτ’ ἐκείνουσ μισοῦσι μᾶλλον ἢ ἡμᾶσ δεδίασιν, ὥσθ’ ἡμεῖσ διαλλακταὶ γιγνόμεθα αὐτοῖσ. πολὺ γὰρ αὖ μᾶλλον αἱρήσονται τοὺσ οἰκείουσ καὶ ὁμοίουσ, ἐὰν ἄρα καὶ παριδεῖν δέῃ μικρὸν ἐλαττουμένουσ αὐτῶν, ἢ τοὺσ ἀλλοτρίουσ καὶ ἐπήλυδασ. ταῦτ’ ἐστὶν ἃ δέδοικα καὶ πρὸσ τούτοισ, ὦ Ἀθηναῖοι, τὴν Λακεδαιμονίων ψευδολογίαν, ὑφ’ ἧσ διαβεβλήμεθα, ὡσ τῷ βιαίωσ ἄρχειν ἅπαντασ ὑπερβεβληκότεσ. πάντων δ’ ἀτοπώτατον τῆσ μὲν Ἀττικῆσ αὐτῆσ παραχωρῆσαι τοῦ μὴ μάχεσθαι μηδὲ κινδυνεύειν ἕνεκα, ὑπὲρ δὲ τῶν ἐν Συρακούσαισ αἱρεῖσθαι ὁτιοῦν καὶ παθεῖν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Εἰσ τὸ ἐναντίον 9:

(아리스티데스, 아일리오스, 연설, Εἰσ τὸ ἐναντίον 9:)

상위

목록

SEARCH

MENU NAVIGATION