헬라어 문장 검색 - ΑριστίΟρατιον́29́0́008́

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 8:)

τῶν γὰρ ἐξ ἁπάσησ τῆσ Σικελίασ τὴν κομιδὴν ἀσφαλῆ μέχρι τοῦ Πειραιῶσ ἔχει. εἰ δέ γε ἢ τὸν Ἄθω ἀκούοντεσ μεταποιούμενον ἢ τὸν Ἑλλήσποντον εὐθὺσ ἐξεπλάγησαν ὥσπερ ἐν τραγῳδίᾳ, ἢ καὶ μετὰ ταῦθ’ ὡσ ἐνίκησαν τὰσ ἐπ’ Ἀρτεμισίῳ νίκασ, ἀναγκαζόμενοι φεύγειν εἰσ τὸ εἴσω τῆσ Ἑλλάδοσ διὰ πλῆθοσ τῶν ἐπιουσῶν νεῶν, ἐνεθυμήθησαν ὡσ ἀπέραντα πονοῦσι καὶ περισχήσει σφᾶσ ὁ πόλεμοσ, καὶ πολλῷ γε μᾶλλον ὡσ εἶδον ἤδη πᾶσαν τὴν Ἀττικὴν πολεμίων καὶ πυρὸσ μεστὴν, εἰ μὴ ταῦτα πάντα καὶ τοῖσ ὀφθαλμοῖσ καὶ τῇ γνώμῃ γενναίωσ καὶ περαιτέρω τῆσ ἀνθρωπείασ, εἰ οἱο͂́ν τε εἰπεῖν, φύσεωσ διήνεγκαν, ποῦ μὲν ἂν τρόπαια τοσαῦτα, ποῦ δ’ ἡγεμονία τῶν Ἑλλήνων, ποῦ δ’ αὐτὸ τὸ τοὺσ Ἕλληνασ εἶναι; πρὸσ δὲ τοὺσ βαρέωσ ἔχοντασ τοῖσ ἐνθάδε πράγμασι καὶ τῷ Δεκέλειαν τετειχίσθαι πρῶτον μὲν ἐκεῖνο ἂν εἴποιμι, ὅτι πάντων ἔστ’ ἀτοπώτατον τῆσ μὲν Ἀττικῆσ ὅλησ παραχωρῆσαι, ὑπὲρ δὲ τοῦ Δεκελείασ τείχουσ ἀγανακτεῖν, ὥσπερ οὐ τοὺσ ἐκ τοῦ τείχουσ πλείω πράγματα ἔχοντασ ἡμῶν. ἔπειτ’ ἐνθυμηθῶμεν, τρέποιτο δ’ εἰσ ἑτέρουσ ἡ βλασφημία, πότερον νῦν χεῖρον ἔχει τὰ πράγματα τῇ πόλει καὶ φόβων ἔστ’ ἀξία πλειόνων, ἢ κατ’ ἐκεῖνον τὸν χρόνον, ἡνίχ’ ἧκον μὲν Πελοποννήσιοι πάντεσ αὐτοὶ καὶ οἱ σύμμαχοι καὶ τὴν χώραν ἐδῄουν, ἐνέκειτο δὲ ὁ λοιμὸσ, εἰρήνην τὰ πρὸσ τοὺσ πολεμίουσ εἶναι δοκεῖν ποιῶν, πάντα δ’ ἦν μεστὰ καπνοῦ, πυρκαϊᾶσ, φθορᾶσ τῆσ μὲν ἔξω, τῆσ δὲ ἔνδον κατὰ τὴν πόλιν. ἐγὼ μὲν γὰρ οὐδ’ ἐν ἅπαντι τῷ πολέμῳ τοσούτουσ ἡμῶν εὑρίσκω τοὺσ τεθνεῶτασ, μηδέ γ’ ἄλλοτε συμβαίη, Ζεῦ σῶτερ, ὅσουσ ἡ νόσοσ αὕτη διέφθειρεν. εἰ τοίνυν τότ’ ἀπαλγήσαντεσ κατελυσάμεθα, ὥσπερ τινὲσ ἡμᾶσ ἔπειθον, ἔσθ’ ὅπωσ ἄν τι τῶν μετὰ ταῦτα ἔργων πολλῶν καὶ καλῶν ἐπέπρακτο; οὐχ οἱο͂́ν τε. ἀλλ’ οἶμαι τὰ μὲν παρόντα λογισμῷ διενεγκόντεσ, τὸ δὲ μέλλον ταῖσ ἀμείνοσι τῶν ἐλπίδων ἐπιτρέψαντεσ, πολλὰσ μὲν ναυμαχίασ αὐτοὺσ κατεναυμαχήσαμεν, τελευτῶντεσ δὲ ἐν Πύλῳ ζῶντασ λαβόντεσ ἠγάγομεν δεῦρο αὐτοῖσ ὅπλοισ. τοιαῦτα ὁ πόλεμοσ τοῖσ ἐθέλουσι πονεῖν καὶ ταλαιπωρεῖν ἐθέλει χαρίζεσθαι. καὶ ταῦτ’ οὐ μόνον ἡμεῖσ οἱ νῦν οὕτωσ ἔγνωμεν, ἀλλὰ καὶ τὸ τῶν πατέρων ὑπάρχει παράδειγμα παμμέγεθεσ, οἱ καὶ τέκνα καὶ γυναῖκασ καὶ τὴν πόλιν αὐτὴν καὶ τὴν χώραν προεῖντο, οὐδὲν τοῦ παρ’ ἀξίαν εἶξαι νομίσαντεσ φοβερώτερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ τοῦ πέμπειν βοήθειαν τοῖσ ἐν Σικελίᾳ 8:

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 8:)

상위

목록

SEARCH

MENU NAVIGATION