헬라어 문장 검색 - ΑριστίΟρατιον́29́0́004́

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 4:)

διεκίνησε δ’ αὐτὰ καλῶσ ὁ πόλεμοσ. νῦν μὲν οὖν πρὸσ τὴν ἐξαίφνησ εὐημερίαν αὐτῶν καὶ τὸ παρ’ ἐλπίδα δοκεῖν ἀνενηνοχέναι συνεσταλμένοι σχηματίζονται. εἰ δ’ αὖθισ ἄλλοσ στόλοσ φανείη, δι’ ὀλίγου εὑρήσετε, ὦ Ἀθηναῖοι, τὴν Σικελίαν τὴν πολλὴν καὶ πολυάνθρωπον ὑμετέραν οὖσαν. τὸ μὲν τοίνυν ἐξ ἀρχῆσ πείθειν ὑμᾶσ πλεῖν λόγου ἐδεῖτο ἴσωσ καὶ πλείονοσ τῆσ ἐξετάσεωσ· νῦν δ’ εἰσ τὰ πράγματ’ αὐτὰ βλέψασ ἄν τισ εὑρ́οι πανταχῆ καὶ συμφέροντα καὶ οὐ μείζονα ἢ καταπρᾶξαι δύνασθαι καὶ οὐκ ἀδύνατα εἰσ τὸ πραχθῆναι βεβουλευμένουσ ὑμᾶσ. τῆσ τε γὰρ θαλάττησ κεκρατήκαμεν τοσοῦτον ὅσον πλεῖστον ἐξῆν, κατὰ γῆν τε μάχην ἥντινα οὐ πολλῷ νενικήκαμεν οὐδεὶσ ἂν εἰπεῖν ἔχοι τοσούτων τῶν πασῶν ἄχρι τούτου γεγενημένων. καίτοι πῶσ οὐκ ἄτοπον εἰ διότι μὲν τοσαῦτα νενικήκαμεν ἑξῆσ μὴ θαρρεῖν οἰησόμεθα χρῆναι, ὅτι δ’ ἡ νῦν οὐ κατὰ νοῦν ἐχώρησε μάχη μία, τοῦτ’ εἰσ ἄφυκτον θήσομεν; καὶ Συρακόσιοι μὲν ἴσασι θαρρεῖν οὕτω πολλὰ καὶ συνεχῆ δυστυχήσαντεσ, ἡμεῖσ δ’ οἷσ τοσαῦτα ἀπ’ ἐκείνων ἕστηκε τρόπαια, ταυτὸν τοῦτ’ οὐχὶ ποιήσομεν; οὐδ’ ἀπ’ αὐτῶν ὧν προσπταῖσαι δοκοῦμεν εἰσόμεθα ὡσ οὐκ ἀγαθὸν τὸ ῥᾳδίωσ ὑφίεσθαι; φέρε γὰρ πρὸσ Διὸσ, εἴ τισ ἐν Συρακοσίοισ λέγων, ὅτε πάντ’ ἐφεξῆσ ἀπετύγχανον, ὡσ δεῖ καταλύσασθαι τὸν πόλεμον καὶ παραδοῦναι τὴν πόλιν ἡμῖν, εἶτ’ ἔπεισεν, ἔσθ’ ὅπωσ ἂν ἢ Γύλιπποσ ἦλθεν αὐτοῖσ πρῶτον, ἢ νὴ Δί’ ἐπελθὼν εἶχεν ὃ ποιοίη; καὶ πῶσ ἄν; οὐδαμῶσ. νῦν δ’ οἶμαι τὰσ ἐλπίδασ ἐκτείναντεσ καὶ τῶν ἐν ποσὶ δυσκόλων ἀεὶ κρείττουσ ταῖσ δόξαισ γενόμενοι τοσοῦτον γοῦν κεκερδάκασιν, ὅσον δοκεῖν ἤδη περὶ τῶν ἴσων αὐτοῖσ εἶναι τὸν λόγον. οὐ τοίνυν τὸ κεχωρηκέναι τι τῶν πάντων κατὰ νοῦν αὐτοῖσ φοβητέον μᾶλλον ἢ τοῦτ’ αὐτὸ ποιησαμένουσ παράδειγμα τοῖσ πράγμασι βοηθητέον ἐρρωμένωσ, ὡσ μήτε χείρουσ ἐκείνων ἐλπίζειν φανείημεν, καὶ ταῦτα πάντων ἀνθρώπων οὐ μόνον καταπρᾶξαι τὰ δοκοῦντα κρατίστουσ ἡμᾶσ ὑπειληφότων, ἀλλὰ κἀν τοῖσ δεινοῖσ ἐπὶ πλεῖστον διαφέρειν, μήθ’ ἃ τοῦ παρελθόντοσ ἡμῖν κέρδη γέγονε χρόνου, ταῦτ’ εἰκῆ διαφθείραιμεν. καὶ μὴν ὅτε Νικίου γε ἡγουμένου, ἐναντιώτατα τῷ στόλῳ ἔχοντοσ, καὶ χρόνων τριβέντων, ὅμωσ τοσαύταισ πλεονεξίαισ ἐπὶ τῶν πραγμάτων κεχρήμεθα, εὔδηλον ὡσ ἐξ ἀρχῆσ γε οὐδὲν ἡμάρτομεν οἷσ ἐψηφισάμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ τοῦ πέμπειν βοήθειαν τοῖσ ἐν Σικελίᾳ 4:

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 4:)

상위

목록

SEARCH

MENU NAVIGATION