헬라어 문장 검색 - ΑριστίΟρατιον́29́0́001́

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 1:)

τὸ μὲν κατηγορεῖν, ὦ Ἀθηναῖοι, Νικίου καὶ λέγειν ὡσ οὔτ’ ἐξ ἀρχῆσ ἐκπλεῖν ἐνθένδε ἐβούλετο νῦν τε δυοῖν θάτερον, ἢ πλείω καὶ μείζω τὰ δυσχερῆ ποιεῖ τῷ λόγῳ, ἢ εἰ τὰ μάλιστα ταῦθ’ οὕτωσ ἔχει, πάντωσ αὐτόσ ἐστ’ αἴτιοσ, ἄλλῳ παρίημι. καὶ γὰρ οὔτε φύσει πρὸσ ἀνδρὸσ σώφρονοσ προχείρωσ ἐθέλειν αἰτιᾶσθαι καὶ ὁντιναοῦν τῶν πολιτῶν, Νικίᾳ τε εἰσ εὔνοιαν πλείων μερὶσ παρὰ πάντων ἡμῶν ἐκ τῶν ὑπαρχόντων, ἂν τὰ δίκαια ποιῶμεν, ὀφείλεται. καὶ ὅπωσ γε εἰδῆτε, ὦ Ἀθηναῖοι, ὅσον φιλονεικίασ ἢ τοῦ βασκαίνειν τὸν ἄνδρα ἀφέστηκα, τὴν ἀρχὴν ἀπὸ τούτου ποιήσομαι. δυοῖν γὰρ ὄντοιν ὑπὲρ ὧν βουλεύεσθε, ἑνὸσ μὲν καὶ πρώτου πότερα χρὴ μεταπέμπεσθαι τὴν στρατιὰν, ἢ πέμπειν βοήθειαν, ἑτέρου δὲ τοῦ παραλύειν ἢ μὴ Νικίαν τῆσ ἀρχῆσ, ἐὰν τὸ πέμπειν κρατῇ, φημὶ χρῆναι Νικίαν ἄρχειν πρὸσ οἷσ ἂν προέλησθε νυνὶ καὶ μηδὲν πράττειν ἐκείνου χωρίσ. ὡσ δὲ οὔτ’ ἐγχωρεῖ τοὺσ ἐκεῖθεν καλεῖν, πέμπειν τε ἀνάγκη τοὺσ βοηθήσοντασ, ταῦτα ἀκούσατε. ἔστι δὴ πρῶτον, ὦ Ἀθηναῖοι, τῆσ συμβουλῆσ ἐπανεῖναι τὴν παροῦσαν ἀθυμίαν, λογιζομένουσ ὡσ οὐδενὶ τῶν παρ’ ἡμῶν οὕτω τἀκεῖ διάκειται. οὔτε γὰρ ταῖσ παρασκευαῖσ ἡττήμεθα τῶν πολεμίων οὔτε τὰσ φύσεισ δή που χείρουσ ἂν εἶναι φήσαιμεν, ἀλλ’ ἕνεκα μὲν τούτων κἂν πάλαι πέρασ εἶχε τὰ πράγματα, καὶ οὐ χεῖρον ἤ τισ ἂν ηὔξατο ἦν. τὸ δὲ μήτε ταχεῖαν τὴν ἐπιχείρησιν γενέσθαι μήτ’ ἐπ’ αὐτὰσ εὐθὺσ πλεῦσαι τοὺσ στρατηγοὺσ τὰσ Συρακούσασ, συμβῆναί τε νεώτερα ἐν τῷ στρατοπέδῳ, Ἀλκιβιάδου μὲν ἀπελθόντοσ, Λαμάχου δὲ τελευτήσαντοσ, Γυλίππου δὲ ἐπελθόντοσ, ταῦτ’ ἐστὶν ἃ τὴν τοῦ χρόνου τριβὴν ἐμπεποίηκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ τοῦ πέμπειν βοήθειαν τοῖσ ἐν Σικελίᾳ 1:

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 1:)

상위

목록

SEARCH

MENU NAVIGATION