헬라어 문장 검색 - ΑριστίΟρατιον́23́0́012́

(아리스티데스, 아일리오스, 연설, Ιἑροὶ λόγοι α# 12:)

μέσοσ τε γὰρ ἐγιγνόμην πολλάκισ ἀμφοῖν καὶ ὁπότε βουληθείην περιελθεῖν, ὥστε τὸν πρεσβύτερον μέσον καταστῆσαι, ὁ νεώτεροσ τοῦτ’ ἐποίει αὐτόσ· ἐμὲ δ’ ἐν χώρᾳ ἀεὶ διαμένειν. ἐδόκει δέ μοι καὶ παιδὸσ ἡλικίαν ἔχειν, τοῦτο καὶ πολλάκισ συνέβη. καὶ δὴ καὶ ὡσ πρὸσ ὑψηλόν τι καὶ οἱο͂ν κλίμακα ἔδει προσβαλεῖν, τὸ μὲν πρῶτον ὁ νεώτεροσ ἐβοήθησε, καὶ ἐπεφθεγξάμην οἱᾶ δὴ καὶ χάριν εἰδώσ· ἔπειτ’ ἄνω ἐπὶ τέλει ὁ πρεσβύτεροσ. καὶ ἐρομένου αὐτοῦ πῶσ, τὸ ὅλον τε καὶ πᾶν αὐτὸν ἔφην βοηθῆσαι. καὶ ἐπὶ τούτοισ ἤδη ἔλεγον ἀπαλλαξείων, χάριν ὑμῖν, ἔφην, ἔχω, αὐτοκράτορεσ, πάσησ προνοίασ καὶ τιμῆσ ἥν με τετιμήκατε. οἱ δ’ ὑπολαβόντεσ, ἡμεῖσ μὲν οὖν, ἔφασαν, τοῖσ θεοῖσ ἔχομεν χάριν πειραθέντεσ ἀνδρὸσ τοιούτου· ἡγούμεθα γὰρ καὶ περὶ τοὺσ λόγουσ ὅμοιον εἶναι. κἀκ τούτου ἤρχετο ὁ πρεσβύτεροσ λέγειν ὅτι τοῦ αὐτοῦ εἰή καὶ ἄνδρα ἀγαθὸν εἶναι καὶ περὶ λόγουσ ἀγαθόν. ἐπεξῄει δὲ ὁ νεώτεροσ ῥῆμα τινὸσ, λέγων ὅτι ἀκολουθοίη τῷ τρόπῳ καὶ τὰ τῶν λόγων. κἀγὼ εἶπον ὅτι βουλοίμην ἂν ταῦτα οὕτωσ ἔχειν· λυσιτελεῖν γάρ μοι εἰσ τοὺσ λόγουσ, εἴπερ γε τὰ ἄλλα τοιοῦτοσ ὑφ’ ὑμῶν ὑπείλημμαι, καὶ ἅμα εἰ μέλλω δύ’ ἀνθ’ ἑνὸσ ἕξειν τἀγαθά. τοιαῦτ’ ἄττα ἠμειψάμην αὐτούσ. ἦν δὲ μυρία ἄλλα καὶ γιγνόμενα καὶ λεγόμενα, κρείττω λόγου τε καὶ ἐλπίδοσ. εἶτ’ ἐπὶ τούτοισ ἐπικαταδαρθὼν ἐδόκουν τινὰ τῶν γνωρίμων, Διοφάνη ὄνομα, λέγειν μοι ὡσ συμπαρόντα καὶ ὁρῶντα τὰσ ὑπερβολὰσ τῶν τιμῶν, παρεῖναι δὲ καὶ τῶν ἑταίρων τινὰ τῶν νεωτέρων καὶ θαυμάζειν ἀκούοντα, ὡσ παρὰ πᾶσιν οὕτωσ εὐδοκιμοίην. ἐκ δὲ τούτου φαίνομαι ἐν βαλανείῳ τινι. καὶ τὸ μὲν πρῶτον εἰσῆλθέ με οἱο͂́ν τι εἰήν πεποιηκὼσ, πρὶν ἰδεῖν τοὺσ αὐτοκράτορασ, ὅτι λουοίμην, δοκεῖν γὰρ δὴ χθὲσ αὐτοῖσ ἐντετυχηκέναι· ἔπειτα ὡσ ἀνετριβόμην τε ἤδη καὶ ἱδρώσ τισ προσῄει, πορευώμεθα, ἔφην, εἴσω. οὕτω δὴ ἐλουσάμην τε καὶ ἤμεσα εἰσ ἑσπέραν, ἐνθύμιον ποιησάμενοσ τὸ τοῦ χοῦ τοῦ ἐμφορουμένου. ὅμωσ δὲ ἔτι διεσκοπούμην περὶ τῆσ ὁδοῦ τῆσ εἰσ Πέργαμον διὰ τὰ πρόσθεν ὀνείρατα·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ιἑροὶ λόγοι α# 12:

(아리스티데스, 아일리오스, 연설, Ιἑροὶ λόγοι α# 12:)

상위

목록

SEARCH

MENU NAVIGATION