헬라어 문장 검색 - ΠολψβίΗιστορί06́055́

(폴리비오스, Histories, book 6, chapter 53)

Ὅταν γὰρ μεταλλάξῃ τισ παρ’ αὐτοῖσ τῶν ἐπιφανῶν ἀνδρῶν, συντελουμένησ τῆσ ἐκφορᾶσ κομίζεται μετὰ τοῦ λοιποῦ κόσμου πρὸσ τοὺσ καλουμένουσ ἐμβόλουσ εἰσ τὴν ἀγορὰν ποτὲ μὲν ἑστὼσ ἐναργήσ, σπανίωσ δὲ κατακεκλιμένοσ. πέριξ δὲ παντὸσ τοῦ δήμου στάντοσ, ἀναβὰσ ἐπὶ τοὺσ ἐμβόλουσ, ἂν μὲν υἱὸσ ἐν ἡλικίᾳ καταλείπηται καὶ τύχῃ παρών, οὗτοσ, εἰ δὲ μή, τῶν ἄλλων εἴ τισ ἀπὸ γένουσ ὑπάρχει, λέγει περὶ τοῦ τετελευτηκότοσ τὰσ ἀρετὰσ καὶ τὰσ ἐπιτετευγμένασ ἐν τῷ ζῆν πράξεισ.

δι’ ὧν συμβαίνει τοὺσ πολλοὺσ ἀναμιμνησκομένουσ καὶ λαμβάνοντασ ὑπὸ τὴν ὄψιν τὰ γεγονότα, μὴ μόνον τοὺσ κεκοινωνηκότασ τῶν ἔργων, ἀλλὰ καὶ τοὺσ ἐκτόσ, ἐπὶ τοσοῦτον γίνεσθαι συμπαθεῖσ ὥστε μὴ τῶν κηδευόντων ἴδιον, ἀλλὰ κοινὸν τοῦ δήμου φαίνεσθαι τὸ σύμπτωμα.

μετὰ δὲ ταῦτα θάψαντεσ καὶ ποιήσαντεσ τὰ νομιζόμενα τιθέασι τὴν εἰκόνα τοῦ μεταλλάξαντοσ εἰσ τὸν ἐπιφανέστατον τόπον τῆσ οἰκίασ, ξύλινα ναί̈δια περιτιθέντεσ.

ἡ δ’ εἰκών ἐστι πρόσωπον εἰσ ὁμοιότητα διαφερόντωσ ἐξειργασμένον καὶ κατὰ τὴν πλάσιν καὶ κατὰ τὴν ὑπογραφήν.

ταύτασ δὴ τὰσ εἰκόνασ ἔν τε ταῖσ δημοτελέσι θυσίαισ ἀνοίγοντεσ κοσμοῦσι φιλοτίμωσ, ἐπάν τε τῶν οἰκείων μεταλλάξῃ τισ ἐπιφανήσ, ἄγουσιν εἰσ τὴν ἐκφοράν, περιτιθέντεσ ὡσ ὁμοιοτάτοισ εἶναι δοκοῦσι κατά τε τὸ μέγεθοσ καὶ τὴν ἄλλην περικοπήν.

οὗτοι δὲ προσαναλαμβάνουσιν ἐσθῆτασ, ἐὰν μὲν ὕπατοσ ἢ στρατηγὸσ ᾖ γεγονώσ, περιπορφύρουσ, ἐὰν δὲ τιμητήσ, πορφυρᾶσ, ἐὰν δὲ καὶ τεθριαμβευκὼσ ἤ τι τοιοῦτον κατειργασμένοσ, διαχρύσουσ.

αὐτοὶ μὲν οὖν ἐφ’ ἁρμάτων οὗτοι πορεύονται, ῥάβδοι δὲ καὶ πελέκεισ καὶ τἄλλα τὰ ταῖσ ἀρχαῖσ εἰωθότα συμπαρακεῖσθαι προηγεῖται κατὰ τὴν ἀξίαν ἑκάστῳ τῆσ γεγενημένησ κατὰ τὸν βίον ἐν τῇ πολιτείᾳ προαγωγῆσ ὅταν δ’ ἐπὶ τοὺσ ἐμβόλουσ ἔλθωσι, καθέζονται πάντεσ ἑξῆσ ἐπὶ δίφρων ἐλεφαντίνων.

οὗ κάλλιον οὐκ εὐμαρὲσ ἰδεῖν θέαμα νέῳ φιλοδόξῳ καὶ φιλαγάθῳ·

τὸ γὰρ τὰσ τῶν ἐπ’ ἀρετῇ δεδοξασμένων ἀνδρῶν εἰκόνασ ἰδεῖν ὁμοῦ πάσασ οἱο͂ν εἰ ζώσασ καὶ πεπνυμένασ τίν’ οὐκ ἂν παραστήσαι;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 53

(폴리비오스, Histories, book 6, chapter 53)

상위

목록

SEARCH

MENU NAVIGATION