헬라어 문장 검색 - Πλυταρ́Τηεμιστ́10́

(플루타르코스, Θεμιστοκλῆς, chapter 10)

ἔνθα δὴ Θεμιστοκλῆσ ἀπορῶν τοῖσ ἀνθρωπίνοισ λογισμοῖσ προσάγεσθαι τὸ πλῆθοσ, ὥσπερ ἐν τραγῳδίᾳ μηχανὴν ἄρασ, σημεῖα δαιμόνια καὶ χρησμοὺσ ἐπῆγεν αὐτοῖσ· σημεῖον μὲν λαμβάνων τὸ τοῦ δράκοντοσ, ὃσ ἀφανὴσ ἐκείναισ ταῖσ ἡμέραισ ἐκ τοῦ σηκοῦ δοκεῖ γενέσθαι· καὶ τὰσ καθ’ ἡμέραν αὐτῷ προτιθεμένασ ἀπαρχὰσ εὑρίσκοντεσ ἀψαύστουσ οἱ ἱερεῖσ, ἐξήγγελλον εἰσ τοὺσ πολλούσ, τοῦ Θεμιστοκλέουσ λόγον διδόντοσ, ὡσ ἀπολέλοιπε τὴν πόλιν ἡ θεὸσ ὑφηγουμένη πρὸσ τὴν θάλατταν αὐτοῖσ. τῷ δὲ χρησμῷ πάλιν ἐδημαγώγει, λέγων μηδὲν ἄλλο δηλοῦσθαι ξύλινον τεῖχοσ ἢ τὰσ ναῦσ·

διὸ καὶ τὴν Σαλαμῖνα θείαν, οὐχὶ δεινὴν οὐδὲ σχετλίαν καλεῖν τὸν θεόν, ὡσ εὐτυχήματοσ μεγάλου τοῖσ Ἕλλησιν ἐπώνυμον ἐσομένην. κρατήσασ δὲ τῇ γνώμῃ ψήφισμα γράφει, τὴν μὲν πόλιν παρακαταθέσθαι τῇ Ἀθηνᾷ τῇ Ἀθηνάων μεδεούσῃ, τοὺσ δ’ ἐν ἡλικίᾳ πάντασ ἐμβαίνειν εἰσ τὰσ τριήρεισ, παῖδασ δὲ καὶ γυναῖκασ καὶ ἀνδράποδα σώζειν ἕκαστον ὡσ δυνατόν. κυρωθέντοσ δὲ τοῦ ψηφίσματοσ οἱ πλεῖστοι τῶν Ἀθηναίων ὑπεξέθεντο γενεὰσ καὶ γυναῖκασ εἰσ Τροιζῆνα, φιλοτίμωσ πάνυ τῶν Τροιζηνίων ὑποδεχομένων·

καὶ γὰρ τρέφειν ἐψηφίσαντο δημοσίᾳ, δύο ὀβολοὺσ ἑκάστῳ διδόντεσ, καὶ τῆσ ὀπώρασ λαμβάνειν τοὺσ παῖδασ ἐξεῖναι πανταχόθεν, ἔτι δ’ ὑπὲρ αὐτῶν διδασκάλοισ τελεῖν μισθούσ. τὸ δὲ ψήφισμα Νικαγόρασ ἔγραψεν. οὐκ ὄντων δὲ δημοσίων χρημάτων τοῖσ Ἀθηναίοισ, Ἀριστοτέλησ μέν φησι τὴν ἐξ Ἀρείου πάγου βουλὴν πορίσασαν ὀκτὼ δραχμὰσ ἑκάστῳ τῶν στρατευομένων αἰτιωτάτην γενέσθαι τοῦ πληρωθῆναι τὰσ τριήρεισ, Κλείδημοσ δὲ καὶ τοῦτο τοῦ Θεμιστοκλέουσ ποιεῖται στρατήγημα.

καταβαινόντων γὰρ εἰσ Πειραιᾶ τῶν Ἀθηναίων, φησὶν ἀπολέσθαι τὸ Γοργόνειον ἀπὸ τῆσ θεοῦ τοῦ ἀγάλματοσ· τὸν οὖν Θεμιστοκλέα προσποιούμενον ζητεῖν καὶ διερευνώμενον ἅπαντα χρημάτων ἀνευρίσκειν πλῆθοσ ἐν ταῖσ ἀποσκευαῖσ ἀποκεκρυμμένον, ὧν εἰσ μέσον κομισθέντων εὐπορῆσαι τοὺσ ἐμβαίνοντασ εἰσ τὰσ ναῦσ ἐφοδίων. ἐκπλεούσησ δὲ τῆσ πόλεωσ τοῖσ μὲν οἶκτον τὸ θέαμα, τοῖσ δὲ θαῦμα τῆσ τόλμησ παρεῖχε, γενεὰσ μὲν ἄλλῃ προπεμπόντων, αὐτῶν δ’ ἀκάμπτων πρὸσ οἰμωγὰσ καὶ δάκρυα γονέων καὶ περιβολὰσ διαπερώντων εἰσ τὴν νῆσον.

καίτοι πολλοὶ μὲν διὰ γῆρασ ὑπολειπόμενοι τῶν πολιτῶν ἔλεον εἶχον· ἦν δέ τισ καὶ ἀπὸ τῶν ἡμέρων καὶ συντρόφων ζῴων ἐπικλῶσα γλυκυθυμία, μετ’ ὠρυγῆσ καὶ πόθου συμπαραθεόντων ἐμβαίνουσι τοῖσ ἑαυτῶν τροφεῦσιν. ἐν οἷσ ἱστορεῖται κύων Ξανθίππου τοῦ Περικλέουσ πατρὸσ οὐκ ἀνασχόμενοσ τὴν ἀπ’ αὐτοῦ μόνωσιν ἐναλέσθαι τῇ θαλάττῃ καὶ τῇ τριήρει παρανηχόμενοσ ἐκπεσεῖν εἰσ τὴν Σαλαμῖνα καὶ λιποθυμήσασ ἀποθανεῖν εὐθύσ·

οὗ καὶ τὸ δεικνύμενον ἄχρι νῦν καὶ καλούμενον Κυνὸσ σῆμα τάφον εἶναι λέγουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 10

(플루타르코스, Θεμιστοκλῆς, chapter 10)

상위

목록

SEARCH

MENU NAVIGATION