헬라어 문장 검색 - ΑριστίΟρατιον́30́0́010́

(아리스티데스, 아일리오스, 연설, Εἰσ τὸ ἐναντίον 10:)

ἢ οὐκ ἀκούετε τῆσ ἐπιστολῆσ, ὡσ εἰ μή τισ αἱρήσει τὸ παρατείχισμα χειρὶ συχνῇ βιασάμενοσ, πέρασ τἀν τῇ γῇ πράγματα ἔχει; οὐκοῦν ἄτοπον τοὺσ αὐτοὺσ κινδύνουσ ὑπὲρ μὲν τῆσ οἰκείασ καὶ τῶν ὄντων φεύγειν, ὑπὲρ δὲ τῆσ ἀλλοτρίασ καὶ τῶν μηδὲν προσηκόντων ὑφίστασθαι. καὶ μὴν ἐνταῦθα μὲν πρὸσ Πελοποννησίουσ καὶ Βοιωτοὺσ ἐγίγνετ’ ἂν ἡ μάχη, ἐκεῖ δὲ πρόσ τε τοὺσ αὐτοὺσ τούτουσ παρόντασ καὶ πρὸσ ἄλλουσ ἔτι πλείονασ, τοὺσ μὲν ἐξ αὐτῆσ τῆσ νήσου, τοὺσ δ’ ὅθεν ἂν τύχῃ. καὶ μὴν οὐδ’ ὑπὲρ φυλακῆσ γε τῆσ χώρασ εἰ λάβοιμεν οὐδὲν ἂν εἴποιμι· παντελῶσ γὰρ ἂν ἀγνοοίην τὰ παρόντα. καίτοι πρόσ γε τὸ τῆσ Κύπρου παράδειγμα τοσοῦτον εἰπεῖν εἶχον, ὅτι βασιλεὺσ μὲν ἄρχει Κύπρου διὰ πάσησ συνεχοῦσ ἀπὸ τῆσ ἑαυτοῦ, ἡμῖν δὲ εὐθὺσ πρὶν Μαλέαν περιπλεῦσαι πᾶν τὸ ἐν δεξιᾷ πολέμιον. ἀλλ’ ἐῶ ταῦτα. διδότω τισ ἡμῖν θεῶν Σικελίαν καὶ τὸ λοιπὸν, εἰ βούλεσθε, ὁ πάντα ἐγὼ δεδιὼσ ἐγγυῶμαι. ἀλλὰ τί δεῖ τοὺσ πόρρωθεν φόβουσ καὶ κινδύνουσ δεδιέναι, ἀφέντα τοὺσ ἐν ὀφθαλμοῖσ; πρὸσ ταῦτα λεγόντων ὡσ ἡ Σικελία πολλὴ καὶ ἀγαθὴ καὶ πρὸσ τὸν πόλεμον λυσιτελεστάτη· ἀλλ’ ὅπωσ μὴ μεταβάλῃ ποθ’ ἡμῖν τὰσ ἐπωνυμίασ, μηδὲ τὸ τοῦ Πέρσου πάθωμεν, ὃσ ἀκούων Μαρδονίου περὶ τῆσ Εὐρώπησ ὅτι πολλὴ καὶ ἀγαθὴ καὶ οὐδὲν φαυλοτέρα τῆσ Ἀσίασ κεκτῆσθαι, ἀγαπητὸν κέρδοσ εὑρ͂ε τὴν σωτηρίαν. ὅτου γὰρ ἂν πράγματοσ μὴ τὸ δυνατὸν ἡγῆται, τό γε λοιπὸν ὕθλοι καὶ σκιαί. νὴ Δί’ αἰσχρὸν γὰρ φυγεῖν ἐκ Σικελίασ. πότερον εἰ κρατῆσαι παρὸν φεύγοιμεν, ἢ καὶ ὁπωσοῦν; εἰ μὲν γὰρ ἐὰν κρατῆσαι παρὸν, δειξάτω τισ ὡσ ἔξεστιν· εἰ δὲ καὶ ὁπωσοῦν, οὐδὲν ἄλλο ἢ τὸ σωθῆναι δεινὸν ἡγοῦνται. ἔτι τοίνυν ἡδέωσ ἂν ἐροίμην αὐτοὺσ πότερον αὐτὸν τὸν κατάπλουν τῶν τριήρων καὶ στρατιωτῶν αἰσχρὸν νομίζουσιν. ἀλλὰ μὴν τοῦτό γε εὐξάμεθα ἐξ ἀρχῆσ δή που, δέξασθαι σῶσ αὐτούσ. ἢ τοῦτο μὲν οὐκ αἰσχύνονται, ἐκεῖνο δὲ, εἰ μὴ τυχόντεσ τῶν πραγμάτων ἐπανίασιν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Εἰσ τὸ ἐναντίον 10:

(아리스티데스, 아일리오스, 연설, Εἰσ τὸ ἐναντίον 10:)

상위

목록

SEARCH

MENU NAVIGATION