헬라어 문장 검색 - ΑριστίΟρατιον́29́0́010́

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 10:)

οὗτοι δ’ ἦσαν οἱ πρεσβύτατοι καὶ νεώτατοι τῶν ἐν τῇ πόλει, καὶ συμβαλόντεσ Κορινθίοισ ἐκρατοῦμεν πρὸ Μεγάρων· καὶ πάλιν ὡσ ἠναίνοντο, ἑτέραν τὴν περὶ τοῦ τροπαίου· εἰσ ἃ βλέψαντασ καὶ δεδόσθαι τῇ πόλει παρὰ τῆσ ἀγαθῆσ τύχησ νομίσαντασ τὸ τολμᾶν, οὐ τοὺσ ἐκ Σικελίασ ἐνταῦθα χρὴ μεταπέμπεσθαι φοβηθέντασ· οὐ γὰρ οἱ πρὸσ τῷ πρυτανείῳ κάλλιστα τὰσ Ἀθήνασ φυλάξουσιν· ἀλλ’ εἰ προσδεῖ τοῖσ ἐκεῖ βοηθείασ, ὥσπερ ἔγωγε οὐκ ἀντιλέγω, πέμπειν ἥτισ μετρία, καὶ τάσ τε ναῦσ τὰσ διαβρόχουσ ἰᾶσθαι ταῖσ διαδοχαῖσ, αἳ παρέξουσι σχολὴν ἀναψύχειν, καὶ τὸν Γύλιππον μὴ φοβεῖσθαι, στρατιὰν ἐκ τῆσ Σικελίασ συλλέγοντα, ἀλλ’ οἵτινεσ ἀντιπρεσβεύσαντεσ διακωλύσουσιν, ἢ καὶ ἑτέραν ἡμῖν ποριοῦσι, τὴν μὲν ἐξ αὐτῆσ Σικελίασ, τὴν δ’ ὅθεν ἂν συμβῇ, ταῦτα σκοπεῖσθαι, καὶ τοῖσ λόγοισ ἐκείνοισ ἐρρῶσθαι λέγειν, ὡσ οὐδ’ εἰ λάβοιμεν τὴν Σικελίαν, ῥᾳδίωσ ἂν φυλάξαιμεν. ἐγὼ γὰρ, ὦ Ἀθηναῖοι, βουλοίμην ἂν οὕτωσ ἔχειν ἤδη Σικελίαν, ὡσ κεκτῆσθαί γε βεβαίωσ ἐπιτηδειοτάτην ἁπασῶν ὑπολαμβάνω. βλέψωμεν δὲ εἰσ τὸ τοῦ βασιλέωσ παράδειγμα, ὃσ ἔχει Κύπρον, τοσοῦτον ἀπέχων οὐ Κύπρου μόνον, ἀλλὰ καὶ θαλάττησ ὅλωσ, καὶ ταῦτα διὰ τοῦ Φοινίκων ναυτικοῦ· καὶ προσέτι γε αὐτοὺσ τοὺσ Φοίνικασ τοὺσ ἔχοντασ τὰσ ναῦσ, αὐτὸσ οὐκ ἔχων οἰκείαν οὐδεμίαν, ὡσ ἔποσ εἰπεῖν. καὶ ἐῶ λέγειν Κίλικασ καὶ τὸ κύκλῳ τοῦτο πᾶν. τί δὴ τὸ αἴτιον, ὦ Ἀθηναῖοι, ὅτι κἂν μὴ τοῖσ ὁμοίοισ ἰσχυρὸσ ᾖ τισ, τῇ δὲ ὅλῃ δυνάμει κρατῇ, πάντα δουλοῦται καὶ κατέχει ῥᾳδίωσ ἀφορμῇ τῷ φόβῳ χρώμενοσ; ἐπὶ τούτοισ γε, ὦ Ἀθηναῖοι, τοῖσ λόγοισ οὐκ ἔσθ’ ἥτισ ἂν πώποτε ἀρχὴ μεγάλη συνέστη, εἴ τινεσ ἐξεφόβουν τοὺσ ἐπιχειροῦντασ, ὡσ οὐδ’ εἰ προχωροίη, κατασχήσουσι. νῦν δ’ ἐνταῦθα δὴ καὶ κάλλιστα ἴδοι τισ ἂν ὡσ θεῖον τὸ χρῆμα τῆσ ἀρχῆσ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ τοῦ πέμπειν βοήθειαν τοῖσ ἐν Σικελίᾳ 10:

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 10:)

상위

목록

SEARCH

MENU NAVIGATION