헬라어 문장 검색 - ΑριστίΟρατιον́29́0́006́

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 6:)

καὶ μηδεὶσ ὑμῶν ἐκεῖνο ἐνθυμηθῇ, ὡσ οὐχ ὁμοίων τῶν πραγμάτων ὄντων τότε πρῶτον ἐπέμψαμεν καὶ νῦν ἐπανάξομεν, ἂν ταῦτα νικήσῃ. οὐδὲ γὰρ τότε ταῖσ σπονδαῖσ ταῖσ πρὸσ Λακεδαιμονίουσ θαρροῦντεσ ἐπέμπομεν. μέγα δὲ, ὦ Ἀθηναῖοι, τούτου σημεῖον· ἔτι γὰρ τοῦ πολέμου συνεστηκότοσ καὶ πολὺ πρότερον τῶν σπονδῶν ἐνεχειρήσαμεν τοῖσ πράγμασιν. ἀλλὰ τί δὴ ποιῆσαν ἡμᾶσ προθύμουσ εἰσ τὴν στρατείαν ἦν; ὅπερ, ὦ Ἀθηναῖοι, καὶ δικαιότατον καὶ πᾶσ τισ εὔνουσ ὢν ὑμῖν συνεύχετο, τὸ θαρρεῖν τοῖσ ὑπάρχουσι καὶ τὸ προσήκειν ἡγεῖσθαι τῇ τῆσ θαλάττησ ἀρχῇ τὴν προσθήκην ταύτην, ἣ τά τε ἡμέτερα αὐξήσειν ἔμελλεν οὐκ ὀλίγῳ τινὶ καὶ τῇ Πελοποννήσῳ πολλὰσ ποιήσειν τὰσ ἀπορίασ. οὐ δὴ τοῦτο σκεπτέον, εἰ τότε εἰρήνην ἤγομεν, ἀλλ’ εἰ τοῖσ τοῦ πολέμου πράγμασι συμφέρει τἀκεῖ δι’ ἡμῶν εἶναι, καὶ ὅτι γ’ εἰ τὰ σφόδρα πρῶτα δεῖ ζητεῖν, ἐν ἀκμῇ τοῦ πολέμου ταῦθ’ ὑμῖν ἔδοξε. καὶ μὴν οὐδὲ τὴν ἐπιτείχισιν οὐδὲ τὰσ αὐτομολίασ ἄξιον ἐμποδὼν θέσθαι. εἰ μὲν γὰρ ἐμέλλομεν παραλαβόντεσ τοὺσ ὄντασ ἡμῶν ἐν Σικελίᾳ κατὰ γῆν συμβαλεῖν Πελοποννησίοισ, ἦν ἄν τι τοῦτο· εἰ δὲ ἀνάγκη μένειν εἴσω τείχουσ, κἂν δὶσ τοσούτουσ μεταπεμψώμεθα, οὐχ ὁρῶ τὸ κέρδοσ ὃ τῇ κλήσει πρόσεστιν, εἰ μὴ καὶ τοῦτο πάντων ἐναντιώτατον τῇ πολιορκίᾳ, ἥν φασί τινεσ ἡμᾶσ πολιορκεῖσθαι, πάντασ ἐν ταὐτῷ συνειλεγμένουσ ἀργεῖν. ἡγοῦμαι δ’ ἔγωγε οὐδὲ τοὺσ οἰκέτασ τοῦ πλήθουσ ἡμῶν ὑπερορῶντασ νῦν ἀποδιδράσκειν, ἀλλὰ τὰ μὲν τῷ λήσειν ἐξ ἀρχῆσ πιστεύοντασ, τὰ δ’ εἰ γένοιντο ἅπαξ ἐν τοῖσ πολεμίοισ, οὐδὲν πείσεσθαι νομίζοντασ, ὅλωσ δὲ τῇ δούλων φύσει χρωμένουσ, ἣ καθάπερ τῷ προσρήματι τοῖσ δεσπόταισ ἐναντία, οὕτω κἀν τοῖσ βουλήμασιν. ἀντὶ γὰρ ὧν εὖ πάσχουσι μισοῦσι καὶ δίκην ἐθέλουσι λαμβάνειν ὧν χάριν ἐκτίνειν εἰκὸσ ἦν. αὕτη δέ ἐστι μὴ παντάπασιν ἔχειν εὐμενῶσ τοῖσ δεσπόταισ. ἐγὼ τοίνυν καὶ πρὸσ αὐτὰσ τὰσ αὐτομολίασ ἐπιτηδειότερον τὸν ἀπόστολον εὑρίσκω. ὁρῶντεσ μὲν γὰρ ἡμᾶσ αὐτοὺσ δραπετεύοντασ, ἐπιθήσονται καταφρονήσαντεσ, θαρροῦντασ δὲ ἂν αἴσθωνται, τάχ’ ἂν, εἰ τύχοιεν, ἀμείνουσ τῆσ φύσεωσ γένοιντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ τοῦ πέμπειν βοήθειαν τοῖσ ἐν Σικελίᾳ 6:

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 6:)

상위

목록

SEARCH

MENU NAVIGATION