헬라어 문장 검색 - ΑριστίΟρατιον́23́0́013́

(아리스티데스, 아일리오스, 연설, Ιἑροὶ λόγοι α# 13:)

ἐνταῦθα δὴ σαφῶσ ἐδηλοῦτο ἐπισχεῖν. τοῦτο μὲν γὰρ περὶ ἑσπέραν ποι κεκινῆσθαι καὶ μεταγιγνώσκειν καὶ φάσκειν ὅτι ἀδύνατον εἰή Ἀδριανοῦ θήρασ κατατυχεῖν, τοῦτο δὲ ἐδόκουν ἀπὸ Ἀδριανοῦ θήρασ τινὰ ἐλθεῖν, βιβλίον τι κομίζοντα τῶν Μενάνδρου, καὶ λέγειν ὅτι πηλόσ τε εἰή ἀμήχανοσ καὶ τέλμα καὶ ἀνύσαι ἀδύνατον. πάλιν δὲ ὑείν τε ἔδοξα καὶ προσελθόντα μοι τινὰ λέγειν ὡσ ἄρα τῶν ἀντιδίκων τισ εἰή ἐν Ἀδριανοῦ θήρᾳ καὶ δέοι κατιέναι ὥστε τι πρᾶξαι. καὶ τί, φάναι, πλέον τοῦ θεοῦ μένειν προειρηκότοσ; τοῦτο καὶ αὖθισ ἔδοξα πρόσ τινασ λέγειν καὶ τὸ πᾶν οὕτω λαμβάνειν, ὅτι ἐπειδὴ δυσχερέστερον εἶχον πρὸσ τὴν μονὴν, ἔξοδον προὔδειξεν ὁ θεὸσ, βουλόμενοσ μεταβαλεῖν μου τὴν γνώμην, ἵνα ἥδιον μένοιμι. ἐνῆν δὲ καὶ ἀλουσίασ σύμβολα. καὶ ἐπεγένετο ὑετὸσ καὶ χειμὼν ἀμήχανοσ ἐξ ἑσπέρασ. τῇ δ’ ὑστεραίᾳ ἀλουσία καὶ ἔμετοσ τροφῆσ ἦν. καὶ ἐπειδὴ ἤμεσα, ἐγὼ μὲν οὕτωσ εἶχον ὥστε ἀγαπᾶν εἰ ἐξαρκέσαιμι εἰσ τὴν ἐπιοῦσαν. τῇ δ’ ἐπιούσῃ ἀσιτία ἐπετάχθη, ἐπετάχθη δὲ οὕτωσ· ἐδόκουν εἶναι ἐν Σμύρνῃ, πᾶσαν ἀπιστίαν ἀπιστῶν τοῖσ φανεροῖσ καὶ ὁρωμένοισ, διὰ τὸ μὴ συνειδέναι ἐμαυτῷ ὁδοιπορήσαντι. παρατίθεσθαι δέ μοι σῦκα· ἔπειτα παρόντα Κόρον τὸν μάντιν δεῖξαι ὅτι ἐνείη φάρμακον τῶν ἐφημέρων· ἐκ δὲ τούτου ὑποψίασ τε μεστὸσ γενέσθαι καὶ κατὰ σπουδὴν ἐμεῖν καὶ ἅμα ἐνθυμεῖσθαι, τί δὲ εἰ μὴ ἀκριβῶσ ἐξεμέσαιμι; ἔπειτα φάναι τινὰ ὅτι καὶ ἐν ἄλλῳ τῳ τῶν σύκων ἐνείη τοῦ φαρμάκου· ἔτι οὖν μειζόνωσ ἀπορεῖν καὶ ἀσχάλλειν ὅτι οὐ θᾶττον ἤκουσα. τούτων ὀφθέντων ὑπενόησα μὲν ἀσιτίαν δηλοῦσθαι, εἰ δὲ μὴ, ἀλλ’ ᾑρούμην γε. ἐδεόμην δὲ τοῦ θεοῦ σημῆναι σαφέστερον ὁπότερα λέγοι, ἀσιτίαν ἢ ἔμετον. ἐπικατέδαρθόν τε δὴ καὶ ἔδοξα εἶναι πρὸσ τῷ ἱερῷ τῷ ἐν Περγάμῳ, καὶ ἤδη τε μέσην ἡμέραν ἐξήκειν, ἀσιτίασ οὔσησ μοι, καὶ Θεόδοτον ἐπελθεῖν μετὰ δή τινων φίλων, εἰσελθόντα δὲ παρακαθέζεσθαί μοι ἐπὶ τῆσ κλίνησ οὑτωσὶ κατακειμένῳ. φάναι οὖν πρὸσ αὐτὸν ὅτι ἀσιτοίην·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ιἑροὶ λόγοι α# 13:

(아리스티데스, 아일리오스, 연설, Ιἑροὶ λόγοι α# 13:)

상위

목록

SEARCH

MENU NAVIGATION